കോ​വി​ഡ് വാ​ക്സി​ന്‍ വി​ത​ര​ണ​ത്തി​ല്‍ മ​ല​പ്പു​റം ന​ഗ​ര​സ​ഭക്ക്​ `ഫു​ൾ​മാ​ർ​ക്ക്'

മ​ല​പ്പു​റം: കോ​വി​ഡ് പ്ര​തി​രോ​ധ​ത്തി​ല്‍ മാ​തൃ​ക​യാ​യി മ​ല​പ്പു​റം ന​ഗ​ര​സ​ഭ​യും. അ​ര്‍ഹ​രാ​യ മു​ഴു​വ​ന്‍ പേ​ര്‍ക്കും വാ​ക്സി​ന്‍ ല​ഭ്യ​മാ​ക്കി​യ ന​ഗ​ര​സ​ഭ​യാ​യി മ​ല​പ്പു​റം മാ​റി. സി​വി​ല്‍ സ്​​റ്റേ​ഷ​ന്‍ ക​വാ​ട​ത്തി​ന് മു​ന്നി​ല്‍ ന​ട​ന്ന പ​രി​പാ​ടി​യി​ല്‍ ആ​രോ​ഗ്യ പ്ര​വ​ര്‍ത്ത​ക​ര്‍ക്ക് ത്രി​വ​ര്‍ണ ബ​ലൂ​ണു​ക​ള്‍ കൈ​മാ​റി സ​മ്പൂ​ര്‍ണ വാ​ക്സി​നേ​ഷ​ന്‍ പ്ര​ഖ്യാ​പ​നം ക​ല​ക്ട​ര്‍ വി.​ആ​ര്‍. പ്രേം​കു​മാ​ര്‍ നി​ര്‍വ​ഹി​ച്ചു.

സ​മ്പൂ​ര്‍ണ വാ​ക്സി​നേ​റ്റ​ഡ് ജി​ല്ല​യാ​യി മ​ല​പ്പു​റ​ത്തെ മാ​റ്റാ​നു​ള്ള പ്ര​വ​ര്‍ത്ത​ന​ങ്ങ​ള്‍ ഊ​ര്‍ജി​ത​മാ​യി പു​രോ​ഗ​മി​ക്കു​ക​യാ​ണെ​ന്ന് ക​ല​ക്ട​ര്‍ പ​റ​ഞ്ഞു. ജി​ല്ല​ക്ക്​ കൂ​ടു​ത​ല്‍ ഡോ​സ് വാ​ക്സി​നു​ക​ള്‍ ല​ഭ്യ​മാ​ക്കാ​മു​ള്ള ശ്ര​മ​ങ്ങ​ള്‍ ന​ട​ക്കു​ന്നു​ണ്ട്. വി​ല​പ്പെ​ട്ട ജീ​വ​നു​ക​ള്‍ സം​ര​ക്ഷി​ക്കാ​ന്‍ എ​ല്ലാ​വ​രും പ്ര​തി​രോ​ധ വാ​സി​നു​ക​ള്‍ സ്വീ​ക​രി​ക്ക​ണ​മെ​ന്നും അ​ദ്ദേ​ഹം ഓ​ര്‍മി​പ്പി​ച്ചു.

മ​ല​പ്പു​റം ന​ഗ​ര​സ​ഭ​യി​ല്‍ 18 വ​യ​സ്സി​നു മു​ക​ളി​ലു​ള്ള 57,459 പേ​രി​ല്‍ അ​ര്‍ഹ​രാ​യ 54,471 പേ​ര്‍ക്കാ​ണ് ആ​ദ്യ​ഘ​ട്ട വാ​ക്സി​ന്‍ ല​ഭ്യ​മാ​ക്കി​യ​ത്. 22,430 പേ​ര്‍ ര​ണ്ട് ഡോ​സ് വാ​ക്സി​നും സ്വീ​ക​രി​ച്ചു. ആ​ശ പ്ര​വ​ര്‍ത്ത​ക​രും അം​ഗ​ൻ​വാ​ടി വ​ര്‍ക്ക​ര്‍മാ​രും മു​ഴു​വ​ന്‍ വാ​ര്‍ഡു​ക​ളി​ലും ഗൃ​ഹ​സ​ന്ദ​ര്‍ശ​നം ന​ട​ത്തി വി​വ​ര​ങ്ങ​ള്‍ ശേ​ഖ​രി​ച്ചാ​ണ് സ​മ്പൂ​ര്‍ണ വാ​ക്സി​നേ​ഷ​ന്‍ ഉ​റ​പ്പാ​ക്കി​യ​ത്. ഇ​വ​ര്‍ക്കാ​യി പ്ര​ത്യേ​ക ക്യാ​മ്പു​ക​ളും സം​ഘ​ടി​പ്പി​ച്ചി​രു​ന്നു.

ന​ഗ​ര​സ​ഭ അ​ധ്യ​ക്ഷ​ന്‍ മു​ജീ​ബ് കാ​ടേ​രി അ​ധ്യ​ക്ഷ​ത വ​ഹി​ച്ചു. സ്ഥി​രം​സ​മി​തി അ​ധ്യ​ക്ഷ​രാ​യ സി​ദ്ദീ​ഖ് നൂ​റേ​ങ്ങ​ല്‍, പി.​കെ. സ​ക്കീ​ര്‍ ഹു​സൈ​ന്‍, പി.​കെ. അ​ബ്​​ദു​ൽ ഹ​ക്കീം, മ​റി​യു​മ്മ ഷ​രീ​ഫ്, സി.​പി. അ​യി​ഷാ​ബി, പ്ര​തി​പ​ക്ഷ നേ​താ​വ് ഒ. ​സ​ഹ​ദേ​വ​ന്‍, താ​ലൂ​ക്ക് ഗ​വ. ആ​ശു​പ​ത്രി സൂ​പ്ര​ണ്ട് ഡോ. ​സി. അ​ലി​ഗ​ര്‍ബാ​ബു, ന​ഗ​ര​സ​ഭ കൗ​ണ്‍സി​ല​ര്‍മാ​ര്‍, ആ​രോ​ഗ്യ പ്ര​വ​ര്‍ത്ത​ക​ര്‍, ഐ.​സി.​ഡി.​എ​സ് സൂ​പ്പ​ര്‍വൈ​സ​ര്‍മാ​ര്‍, ആ​ശ പ്ര​വ​ര്‍ത്ത​ക​ര്‍, അം​ഗ​ൻ​വാ​ടി വ​ര്‍ക്ക​ര്‍മാ​ര്‍ എ​ന്നി​വ​ർ സം​ബ​ന്ധി​ച്ചു.