ത​ദ്ദേ​ശ തെ​ര​ഞ്ഞെ​ടു​പ്പ്​: മലപ്പുറത്ത്​​ ക​ള​മൊ​രു​ങ്ങി

മ​ല​പ്പു​റം: ത​ദ്ദേ​ശ തെ​ര​ഞ്ഞെ​ടു​പ്പി​ന്​ ക​ള​മൊ​രു​ങ്ങി. ക​വ​ല​ക​ൾ ഉ​ണ​ർ​ന്നു. കോ​വി​ഡ്​ ഭീ​തി​യും ലോ​ക്​​ഡൗ​ണും നി​രോ​ധ​നാ​ജ്​​ഞ​യു​മൊ​ക്കെ​യാ​യി ആ​ളൊ​ഴി​ഞ്ഞു കി​ട​ന്നി​രു​ന്ന പാ​ർ​ട്ടി ഓ​ഫി​സു​ക​ൾ തി​ര​ക്കി​ട്ട ച​ർ​ച്ച​ക​ളി​ൽ സ​ജീ​വ​മാ​യി. സ്​​ഥാ​നാ​ർ​ഥി നി​ർ​ണ​യം, മു​ന്ന​ണി ബ​ന്ധം, പ്രാ​ദേ​ശി​ക​മാ​യ ത​ർ​ക്ക​ങ്ങ​ൾ​ക്ക്​ പ​രി​ഹാ​രം, സീ​റ്റു കി​ട്ടാ​ത്ത​തി​നെ തു​ട​ർ​ന്ന്​ ഇ​ട​ഞ്ഞു നി​ൽ​ക്കു​ന്ന​വ​രെ അ​നു​ന​യി​പ്പി​ക്ക​ൽ എ​ന്നി​ങ്ങ​നെ നേ​താ​ക്ക​ളു​ടെ ത​ല​വേ​ദ​ന തു​ട​ങ്ങി. ജി​ല്ല യു.​ഡി.​എ​ഫ്​ യോ​ഗം ക​ഴി​ഞ്ഞ ദി​വ​സം ന​ട​ന്നി​രു​ന്നു.

2015​െല ​തെ​ര​ഞ്ഞെ​ടു​പ്പി​ൽ മു​ന്ന​ണി സം​വി​ധാ​ന​ത്തി​ൽ വി​ള്ള​ൽ വീ​ണ​തി​നെ തു​ട​ർ​ന്ന്​ തി​രി​ച്ച​ടി​യേ​റ്റ പ​ഞ്ചാ​യ​ത്തു​ക​ളു​ണ്ട്. ഇ​വ​ക്കെ​ല്ലാം പ​രി​ഹാ​രം ക​ണ്ട്​ ഒ​ന്നി​ച്ച്​ മു​ന്നോ​ട്ടു പോ​കാ​നാ​ണ്​ ഇ​ത്ത​വ​ണ യു.​ഡി.​എ​ഫ്​ നേ​താ​ക്ക​ളു​ടെ പ​ട ത​ന്നെ ജി​ല്ല​യി​ൽ എ​ത്തി​യ​ത്. ഇ​ട​തു കേ​ന്ദ്ര​ങ്ങ​ളും സ​ജീ​വ​മാ​ണ്. യു.​ഡി.​എ​ഫി​ലെ അ​നൈ​ക്യ​ത്തി​ൽ നി​ന്ന്​ ഇ​ത്ത​വ​ണ​യും നേ​ട്ട​മു​ണ്ടാ​ക്കാ​നാ​വു​മെ​ന്നാ​ണ്​ അ​വ​രു​ടെ പ്ര​തീ​ക്ഷ. സ്​​ഥാ​നാ​ർ​ഥി പ്ര​ഖ്യാ​പ​നം പൂ​ർ​ത്തി​യാ​യ വാ​ർ​ഡു​ക​ളി​ൽ വി​ജ്​​ഞാ​പ​നം വ​രു​ന്ന​തി​ന്​ മു​മ്പ്​ ത​ന്നെ പ്ര​ചാ​ര​ണം തു​ട​ങ്ങി.

അ​ടി​മു​ടി മാ​റ്റം

സാ​ധാ​ര​ണ തെ​ര​ഞ്ഞെ​ടു​പ്പി​ൽ നി​ന്ന്​ ഭി​ന്ന​മാ​യി കോ​വി​ഡ്​ മാ​ന​ദ​ണ്ഡ​ങ്ങ​ൾ പാ​ലി​ച്ചു​കൊ​ണ്ടു​ള്ള പ്ര​ചാ​ര​ണ പ്ര​വ​ർ​ത്ത​ന​ങ്ങ​ളാ​ണ്​ ഇ​ത്ത​വ​ണ. മാ​സ്​​കും സാ​നി​റ്റൈ​സ​റു​മൊ​ക്കെ​യാ​ണ്​ താ​ര​ങ്ങ​ൾ.

സ്​​ഥാ​നാ​ർ​ഥി​ക്കൊ​പ്പം വ​ലി​യ സം​ഘ​വു​മാ​യി പോ​വാ​നാ​വി​ല്ല. സാ​മൂ​ഹി​ക അ​ക​ലം പാ​ലി​​ച്ചി​ല്ലെ​ങ്കി​ൽ അ​തും പൊ​ല്ലാ​പ്പാ​വും. പാ​ർ​ട്ടി ഓ​ഫി​സു​ക​ളി​ലെ തി​ക്കും തി​ര​ക്കി​നു​മു​ണ്ടാ​വും നി​യ​ന്ത്ര​ണ​ങ്ങ​ൾ.

വീ​ടി​ന​ക​ത്ത്​ ക​യ​റാ​ൻ വ​ര​​ട്ടെ

ഓ​രോ വീ​ടും വീ​ട്ടു​കാ​രെ​യും അ​റി​യു​ന്ന സ്​​ഥാ​നാ​ർ​ഥി​ക​ളാ​ണ്​ പ​ഞ്ചാ​യ​ത്തി​ലെ വാ​ർ​ഡു​ക​ളി​ൽ മ​ത്സ​ര രം​ഗ​ത്തു​ണ്ടാ​വു​ക. കു​ഞ്ഞു​ങ്ങ​ളെ​യും മു​തി​ർ​ന്ന​വ​രെ​യു​മൊ​ക്കെ തൊ​ട്ടും ത​ലോ​ടി​യു​മു​ള്ള വോ​ട്ടു പി​ടി​ത്ത​വും ഇ​ത്ത​വ​ണ ന​ട​ക്കി​ല്ല.

വാ​ട്​​സ്​​ആ​പ്പി​ലെ നാ​ട്ടു കൂ​ട്ടാ​യ്​​മ​ക​ളു​ടെ ഗ്രൂ​പ്പു​ക​ളി​ലും സ​മൂ​ഹ മാ​ധ്യ​മ​ങ്ങ​ളി​ലു​മാ​ണ്​ പ്ര​ചാ​ര​ണം കൊ​ഴു​ക്കു​ന്ന​ത്. ഡി​ജി​റ്റ​ൽ പ്ര​ചാ​ര​ണ​ങ്ങ​ളാ​ണ്​ കോ​വി​ഡ്​ കാ​ല തെ​ര​ഞ്ഞെ​ടു​പ്പി​നെ വേ​റി​ട്ടു നി​ർ​ത്തു​ന്ന​ത്.

ചാ​യം പു​ര​ണ്ട്​ ചു​വ​രു​ക​ൾ

അ​ടി​മു​ടി ഹൈ​ടെ​ക്കാ​യെ​ങ്കി​ലും പ്ര​ചാ​ര​ണ പ്ര​വ​ർ​ത്ത​ന​ങ്ങ​ളി​ൽ ചു​വ​രെ​ഴു​ത്തു​ക​ൾ​ക്ക്​ ഇ​പ്പോ​ഴും സ്​​ഥാ​ന​മു​ണ്ട്. പ്ര​ധാ​ന ന​ഗ​ര​ങ്ങ​ളു​ടെ ചു​വ​രു​ക​ളെ​ല്ലാം രാ​ഷ്​​ട്രീ​യ പാ​ർ​ട്ടി​ക​ൾ ഏ​റ്റെ​ടു​ത്തു ക​ഴി​ഞ്ഞു. സ്​​ഥാ​നാ​ർ​ഥി​ക​ൾ തീ​രു​മാ​ന​മാ​കു​ന്ന​തോ​ടെ ഇ​വി​ടെ​യെ​ല്ലാം ചാ​യം പു​ര​ളും. ഫ്ല​ക്​​സു​ക​ളും ഉ​യ​ർ​ന്നി​ട്ടു​ണ്ട്.