ബസ് കാത്തിരിക്കാം ഇനി ബസിൽതന്നെ...

മ​ല​പ്പു​റം: കെ.​എ​സ്.​ആ​ർ.​ടി.​സി ഉ​ട​ൻ ആ​രം​ഭി​ക്കാ​നി​രി​ക്കു​ന്ന തി​രു​വ​ന​ന്ത​പു​രം-​കോ​ഴി​ക്കോ​ട് ബൈ​പാ​സ് റൈ​ഡ​റു​ക​ളി​ൽ യാ​ത്ര ചെ​യ്യാ​ൻ സീ​റ്റ് റി​സ​ർ​വ് ചെ​യ്ത യാ​ത്ര​ക്കാ​ർ പ്ര​ധാ​ന സ്റ്റോ​പ്പു​ക​ളി​ൽ കാ​ത്തി​രി​ക്കു​ക പ്ര​ത്യേ​കം ത​യാ​റാ​ക്കി​യ ബ​സു​ക​ളി​ൽ.

ബൈ​പാ​സ് സ്​​റ്റേ​ഷ​ൻ ബ​സു​ക​ൾ (ഫീ​ഡ​ർ സ്​​റ്റേ​ഷ​ൻ ബ​സു​ക​ൾ) എ​ന്നാ​ണ് ഇ​വ​യു​ടെ പേ​ര്. റി​സ​ർ​വ് ചെ​യ്ത​വ​രെ ഫീ​ഡ​ർ ബ​സു​ക​ളി​ൽ മ​ല​പ്പു​റം ഡി​പ്പോ​യി​ൽ​നി​ന്ന് കോ​ട്ട​ക്ക​ൽ ച​ങ്കു​വെ​ട്ടി​യി​ലും പൊ​ന്നാ​നി സ​ബ് ഡി​പ്പോ​യി​ൽ​നി​ന്ന് എ​ട​പ്പാ​ളി​ലും എ​ത്തി​ക്കും.

തു​ട​ർ​ന്ന് ബൈ​പാ​സ് റൈ​ഡ​റു​ക​ൾ കാ​ത്ത് ഇ​വ​ർ ബൈ​പാ​സ് സ്​​റ്റേ​ഷ​ൻ ബ​സു​ക​ളി​ൽ ഇ​രി​ക്കും.

പ​രി​മി​ത​മാ​യ സ്​​റ്റോ​പ്പു​ക​ൾ മാ​ത്ര​മു​ള്ള ബൈ​പാ​സ് റൈ​ഡ​റു​ക​ൾ ബൈ​പാ​സു​ക​ൾ വ​ഴി മാ​ത്ര​മാ​ണ് ക​ട​ന്നു​പോ​വു​ക. കോ​ഴി​ക്കോ​ട്ടു​നി​ന്ന് ട്രെ​യി​നെ​ത്തു​ന്ന​തി​നേ​ക്കാ​ൾ വേ​ഗ​ത്തി​ൽ യാ​ത്ര​ക്കാ​രെ തി​രു​വ​ന​ന്ത​പു​ര​ത്തും തി​രി​ച്ചും എ​ത്തി​ക്കു​മെ​ന്നാ​ണ് കെ.​എ​സ്.​ആ​ർ.​ടി.​സി അ​വ​കാ​ശ​പ്പെ​ടു​ന്ന​ത്. ഓ​രോ മ​ണി​ക്കൂ​ർ ഇ​ട​വി​ട്ട് ബ​സ് ഉ​ണ്ടാ​വും.

ഇ​തി​ലേ​ക്ക് റി​സ​ർ​വ് ചെ​യ്ത​വ​രെ ച​ങ്കു​വെ​ട്ടി​യി​ലും എ​ട​പ്പാ​ളി​ലും സ്ഥി​ര​മാ​യി നി​ർ​ത്തി​യി​ടു​ന്ന ബൈ​പാ​സ് സ്​​റ്റേ​ഷ​ൻ ബ​സു​ക​ളി​ലേ​ക്ക് മ​ല​പ്പു​റ​ത്തു​നി​ന്നും പൊ​ന്നാ​നി​യി​ൽ​നി​ന്നും എ​ത്തി​ക്കും. 30 പേ​ർ​ക്ക് ഇ​രി​ക്കാ​നാ​ണ് സൗ​ക​ര്യം. ഫാ​ൻ, കു​ടി​വെ​ള്ളം, ഫോ​ൺ ചാ​ർ​ജ് ചെ​യ്യാ​ൻ സം​വി​ധാ​നം തു​ട​ങ്ങി​യ​വ സ്​​റ്റേ​ഷ​ൻ ബ​സു​ക​ളി​ലു​ണ്ടാ​വും. പ​ഴ​യ ബ​സു​ക​ൾ രൂ​പ​മാ​റ്റം വ​രു​ത്തി​യാ​ണ് ഇ​വ ഒ​രു​ക്കി​യ​ത്.