പാ​ണ്ടി​ക്കാ​ട്ടെ ന​വീ​ക​ര​ണം; സം​സ്ഥാ​ന​പാ​ത അ​ട​ച്ച​ത് ദു​രി​ത​മാ​യി

പാ​ണ്ടി​ക്കാ​ട്: സം​സ്ഥാ​ന പാ​ത അ​റ്റ​കു​റ്റ​പ്പ​ണി​ക്കാ​യി അ​ട​ച്ചി​ട്ട​തി​നാ​ൽ വി​ദ്യാ​ർ​ഥി​ക​ള​ട​ക്ക​മു​ള്ള അ​നേ​കം യാ​ത്ര​ക്കാ​ർ ദു​രി​ത​ത്തി​ലാ​യി. പാ​ണ്ടി​ക്കാ​ട് മു​ത​ൽ കി​ഴ​ക്കേ പാ​ണ്ടി​ക്കാ​ട് വ​രെ മൂ​ന്ന് കി​ലോ​മീ​റ്റ​റാ​ണ് ഗ​താ​ഗ​തം നി​രോ​ധി​ച്ച​ത്.

അ​ടി​ക്ക​ടി റോ​ഡ് ത​ക​ർ​ന്നി​രു​ന്ന ക​ക്കു​ള​ത്തും കു​റ്റി​പ്പു​ളി​യി​ലും കി​ഴ​ക്കേ പാ​ണ്ടി​ക്കാ​ട്ടു​മാ​യി നാ​ലി​ട​ങ്ങ​ളി​ൽ പൂ​ട്ടു​ക​ട്ട വി​രി​ക്കു​ന്ന പ്ര​വൃ​ത്തി​ക്കാ​യാ​ണ് റോ​ഡ് അ​ട​ച്ച​ത്. സ​മീ​പ​ത്തെ ര​ണ്ട് എ​ൽ.​പി സ്കൂ​ളി​ലെ​യും ഹ​യ​ർ സെ​ക്ക​ൻ​ഡ​റി സ്കൂ​ളി​ലെ​യും പു​റ​മെ ഒ​ട്ടേ​റെ സ്വ​കാ​ര്യ വി​ദ്യാ​ല​യ​ങ്ങ​ളി​ലെ​യും വി​ദ്യാ​ർ​ഥി​ക​ളാ​ണ് ഏ​റെ ക​ഷ്ട​പ്പാ​ടി​ലാ​യ​ത്.

ഇ​തു​വ​ഴി​യു​ള്ള വാ​ഹ​ന​ങ്ങ​ൾ ക​ട​ന്നു​പോ​കാ​ൻ പ​ല റോ​ഡു​ക​ളും അ​ധി​കൃ​ത​ർ തി​ര​ഞ്ഞെ​ടു​ത്തി​രു​ന്നു.

വി​ദൂ​ര റൂ​ട്ടി​ലു​ള്ള ബ​സു​ക​ൾ ഇ​തു​വ​ഴി ഓ​ടി. എ​ന്നാ​ൽ, ലോ​ക്ക​ൽ സ​ർ​വി​സാ​യി ഓ​ടു​ന്ന ബ​സു​ക​ൾ​ക്ക് ദൂ​രം ഇ​ര​ട്ടി​യും ബ​സ് കൂ​ലി കു​റ​വു​മാ​യ​തി​നാ​ൽ മി​ക്ക​തും ഓ​ടി​യി​ല്ല. പ​ല സ്വ​കാ​ര്യ വി​ദ്യാ​ല​ങ്ങ​ളി​ലെ ബ​സു​ക​ൾ​ക്കും ഓ​ട്ടം ഇ​ര​ട്ടി​യാ​യി.

ഒ​ലി​പ്പു​ഴ, കി​ഴ​ക്കേ പാ​ണ്ടി​ക്കാ​ട്, കു​റ്റി​പ്പു​ളി നി​വാ​സി​ക​ളാ​ണ് 12 ദി​വ​സ​ത്തെ റോ​ഡ​ട​വി​ൽ പൊ​റു​തി​മു​ട്ടു​ന്ന​ത്. ഇ​വ​ർ​ക്ക് ദൈ​നം​ദി​ന കാ​ര്യ​ങ്ങ​ൾ​ക്ക് പാ​ണ്ടി​ക്കാ​ട് ടൗ​ണി​നെ ആ​ശ്ര​യി​ക്കേ​ണ്ടി വ​രു​ന്ന​തി​നാ​ൽ റോ​ഡ് പൂ​ർ​ണ​മാ​യും അ​ട​ച്ച​ത് ഏ​റെ ദു​രി​ത​മാ​ണ് സൃ​ഷ്ടി​ക്കു​ന്ന​ത്.