കി​ണ​ർ നി​ർ​മി​ക്കാ​ൻ സൗ​ജ​ന്യ​മാ​യി ഭൂ​മി ന​ൽ​കി മാ​തൃ​ക; ര​ണ്ട് ആ​ധാ​ര​വും പ​ഞ്ചാ​യ​ത്ത് ഏ​റ്റു​വാ​ങ്ങി

ചേ​ലേ​മ്പ്ര: ഗ്രാ​മ​പ​ഞ്ചാ​യ​ത്തി​ലെ കു​ടും​ബാ​രോ​ഗ്യ കേ​ന്ദ്ര​ത്തി​നും ചേ​ന​മ​ല മാ​ളാ​ത്തു​പു​റാ​യി നി​വാ​സി​ക​ൾ​ക്കും കി​ണ​ർ കു​ഴി​ക്കാ​നു​ള്ള സ്ഥ​ല​ങ്ങ​ൾ സൗ​ജ​ന്യ​മാ​യി ന​ൽ​കി ര​ണ്ട് മ​നു​ഷ്യ​സ്നേ​ഹി​ക​ൾ.

കു​ടും​ബാ​രോ​ഗ്യ കേ​ന്ദ്ര​ത്തി​ന് കി​ണ​ർ കു​ഴി​ക്കാ​നു​ള്ള സ്ഥ​ലം അ​റ​പ്പൊ​യി​ൽ സൈ​ദ​ല​വി എ​ന്ന ബി​ച്ചു​വും ചേ​ന​മ​ല നി​വാ​സി​ക​ൾ​ക്കു​ള്ള കി​ണ​റി​നു​ള്ള സ്ഥ​ലം കു​മ്മാ​ളി കു​ന്നു​ങ്കാ​വി​ൽ ഉ​ണ്ണി​മോ​യി​നു​മാ​ണ് സൗ​ജ​ന്യ​മാ​യി ന​ൽ​കി​യ​ത്. ഇ​വ​രി​ൽ​നി​ന്ന് ആ​ധാ​രം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ൻ​റ് എ.​പി. ജ​മീ​ല ഏ​റ്റു​വാ​ങ്ങി.

കു​ടും​ബാ​രോ​ഗ്യ കേ​ന്ദ്ര​ത്തി​ലേ​ക്ക് കി​ണ​ർ കു​ഴി​ക്കാ​ൻ അ​ഞ്ച്‌ ല​ക്ഷം രൂ​പ ചേ​ലേ​മ്പ്ര ഗ്രാ​മ​പ​ഞ്ചാ​യ​ത്ത് നീ​ക്കി​വെ​ച്ചി​ട്ടു​ണ്ട്. നി​ല​വി​ൽ പു​റ​ത്തു​നി​ന്ന്​ വ​ണ്ടി​യി​ലാ​ണ് വെ​ള്ളം കൊ​ണ്ടു​വ​രു​ന്ന​ത്. കി​ണ​ർ യാ​ഥാ​ർ​ഥ്യ​മാ​വു​ന്ന​തോ​ടെ ഇ​തി​നും പ​രി​ഹാ​ര​മാ​വും.

ചേ​ന​മ​ല മാ​ളാ​ത്തു​പു​റാ​യി സ്ഥ​ല​ത്ത് കി​ണ​ർ കു​ഴി​ക്കാ​നും വാ​ട്ട​ർ ടാ​ങ്കി​നും പ​മ്പ് ഹൗ​സി​നു​മാ​യി ജി​ല്ല പ​ഞ്ചാ​യ​ത്തി​െൻറ 10 ല​ക്ഷ​വും ബ്ലോ​ക്ക് പ​ഞ്ചാ​യ​ത്തി​െൻറ 10 ല​ക്ഷ​വു​മാ​യി 20 ല​ക്ഷ​ത്തോ​ളം രൂ​പ അ​നു​വ​ദി​ച്ചി​ട്ടു​ണ്ട്. ചേ​ന​മ​ല മാ​ളാ​ത്തു​പു​റാ​യി കോ​ള​നി​യി​ലെ ഇ​രു​പ​തോ​ളം കു​ടും​ബ​ങ്ങ​ൾ​ക്ക് പ​ദ്ധ​തി പ്ര​യോ​ജ​ന​പ്പെ​ടും.

ച​ട​ങ്ങി​ൽ ചേ​ലേ​മ്പ്ര ഗ്രാ​മ​പ​ഞ്ചാ​യ​ത്ത് പ്ര​സി​ഡ​ൻ​റ് എ.​പി. ജ​മീ​ല, ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റ് എ.​കെ. അ​ബ്​​ദു​റ​ഹ്മാ​ൻ, ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റ് കെ.​പി. ദേ​വ​ദാ​സ്, സ്​​റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ ഇ​ഖ്‌​ബാ​ൽ പൈ​ങ്ങോ​ട്ടൂ​ർ, സ്​​റ്റാ​ൻ​ഡി​ങ് ക​മ്മി​റ്റി ചെ​യ​ർ​പേ​ഴ്സ​ൻ സ​മീ​റ, വാ​ർ​ഡ് മെം​ബ​ർ അ​ബ്​​ദു​ൽ ബ​ഷീ​ർ, സി. ​ജൈ​സ​ൽ, സി.​സി. ഷ​ബീ​ർ എ​ന്നി​വ​ർ സം​ബ​ന്ധി​ച്ചു.