കു​റ്റി​പ്പു​റ​ത്ത് മാ​ലി​ന്യ​ക്കൂനയിൽ വ​ൻ തീ​പി​ടി​ത്തം

കു​റ്റി​പ്പു​റം: ചെ​ല്ലൂ​ർ​കു​ന്നി​ലെ മാ​ലി​ന്യ​ക്കൂ​ന​യി​ൽ വ​ൻ തീ​പി​ടി​ത്തം. ക്വാ​റി​യി​ൽ ത​ള്ളി​യ മാ​ലി​ന്യ​ങ്ങ​ൾ​ക്കാ​ണ് തീ ​പി​ടി​ച്ച​ത്. വ്യാ​ഴാ​ഴ്ച രാ​വി​ലെ തീപിടിച്ച മാ​ലി​ന്യം വെ​ള്ളി​യാ​ഴ്ച രാ​ത്രി​യാ​യി​ട്ടും ക​ത്തു​കയാണ്. സി​റി​ഞ്ച്, കേ​ബി​ളു​ക​ൾ, ആ​ശു​പ​ത്രി​ക​ളി​ൽ നി​ന്നും ഒ​ഴി​വാ​ക്കു​ന്ന ഗ്ലൂ​ക്കോ​സ് പൈ​പ്പു​ക​ൾ എ​ന്നി​വ വ​ൻ​തോ​തി​ൽ ത​ള്ളി​യ ക്വാ​റി​യി​ലാ​ണ് തീ ​പി​ടി​ച്ച​ത്. ക​റു​പ്പ് നി​റ​ത്തി​ലു​ള്ള പു​ക ഉ​യ​ർ​ന്ന​ത് കാ​ര​ണം ആ​രോ​ഗ്യ​പ്ര​ശ്ന​ങ്ങ​ൾ ഉ​ണ്ടാ​കു​മോ എ​ന്ന ആ​ശ​ങ്ക​യി​ലാ​ണ് പ്ര​ദേ​ശ​വാ​സി​ക​ൾ.

പ്ര​ദേ​ശ​ത്തു​നി​ന്ന് ചി​ല കു​ടും​ബ​ങ്ങ​ൾ മാ​റി​ത്താ​മ​സി​ച്ചി​രി​ക്കു​ക​യാ​ണ്. വ്യാ​ഴാ​ഴ്ച ഉ​ച്ച​ക്ക് 12ഓ​ടെ തി​രൂ​രി​ൽ​നി​ന്ന് ഫ​യ​ർ​ഫോ​ഴ്സ് എ​ത്തി വൈ​കീ​ട്ട് ആ​റു​മ​ണി​യോ​ടെ തീ ​അ​ണ​ച്ചെ​ങ്കി​ലും രാ​ത്രി​യോ​ടെ വീ​ണ്ടും തീ ​പി​ടി​ച്ചു. തു​ട​ർ​ന്ന് വെ​ള്ളി​യാ​ഴ്ച രാ​വി​ലെ 11ഓ​ടെ ഫ​യ​ർ ഫോ​ഴ്സ് എ​ത്തി തീ​യ​ണ​ച്ചെ​ങ്കി​ലും രാ​ത്രി 10ഓ​ടെ വീ​ണ്ടും തീ ​പി​ടി​ക്കാ​ൻ തു​ട​ങ്ങി. വൻ പു​ക​യാ​ണ് ഉ​യ​രു​ന്ന​ത്. പ്ര​ദേ​ശ​ത്തു​ള്ള പ​റ​മ്പു​ക​ളി​ലെ തെ​ങ്ങു​ക​ളും മ​ര​ങ്ങ​ളും ക​ത്തി​ന​ശി​ച്ചി​രു​ന്നു. രാ​ത്രി​ മാ​ലി​ന്യം​ ത​ള്ളു​ന്ന​ത് പ​തി​വാ​ണെന്നും ട​ൺ​ക​ണ​ക്കി​ന് മാ​ലി​ന്യ​ങ്ങ​ളാ​ണ് ഇ​വി​ടെ ത​ള്ളി​യതെന്നും നാ​ട്ടു​കാ​ർ പ​റ​യു​ന്നു. ഇ​ത്ര നേ​ര​മാ​യി​ട്ടും ആ​രോ​ഗ്യ അ​ധി​കൃ​ത​ർ എ​ത്താ​ത്ത​തി​ൽ നാ​ട്ടു​കാ​രി​ൽ പ്ര​തി​ഷേ​ധം ശ​ക്ത​മാ​ണ്.