കു​റ്റി​പ്പു​റ​ത്ത് വി​ദ്യാ​ർ​ഥി​ക​ൾ ത​മ്മി​ൽ സം​ഘ​ർ​ഷം പ​തി​വ്

കു​റ്റി​പ്പു​റം: സ്കൂ​ൾ വി​ദ്യാ​ർ​ഥി​ക​ൾ ത​മ്മി​ലു​ള്ള ചേ​രി​തി​രി​ഞ്ഞ സം​ഘ​ർ​ഷം പ​തി​വാ​കു​ന്നു. ക​ഴി​ഞ്ഞ​ദി​വ​സ​ത്തെ സം​ഘ​ർ​ഷ​ത്തി​ൽ സാ​ര​മാ​യി പ​രി​ക്കേ​റ്റ ടെ​ക്നി​ക​ൽ സ്കൂ​ൾ വി​ദ്യാ​ർ​ഥി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. കു​റ്റി​പ്പു​റം ടൗ​ണി​ൽ മാ​സ​ങ്ങ​ളാ​യി ഗ​വ. ഹൈ​സ്കൂ​ളി​ലെ​യും ടെ​ക്നി​ക​ൽ സ്കൂ​ളി​ലെ​യും വി​ദ്യാ​ർ​ഥി​ക​ളാ​ണ് ചേ​രി​തി​രി​ഞ്ഞ് സം​ഘ​ർ​ഷം ന​ട​ക്കു​ന്ന​ത്.

നേ​ര​ത്തെ​യു​ണ്ടാ​യ സം​ഘ​ർ​ഷ​ങ്ങ​ളി​ലൊ​ന്നും ഭാ​ഗ​ഭാ​ക്കാ​വാ​ത്ത ടെ​ക്നി​ക​ൽ സ്കൂ​ൾ ഒ​മ്പ​താം ക്ലാ​സ് വി​ദ്യാ​ർ​ഥി​യാ​യ ചെ​മ്പി​ക്ക​ൽ കൊ​ള​ത്തോ​ൾ മ​ദ്റ​സ​പ​ടി​യി​ലെ പേ​ഴും​കാ​ട്ടി​ൽ സാ​ബി​ത്ത് ബ​സ് ക​യ​റാ​ൻ സ്റ്റാ​ൻ​ഡി​ലേ​ക്ക് ന​ട​ന്നു​വ​രു​മ്പോ​ൾ കു​റ്റി​പ്പു​റം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ 10 വി​ദ്യാ​ർ​ഥി​ക​ൾ യാ​തൊ​രു പ്ര​കോ​പ​ന​വു​മി​ല്ലാ​തെ വ​ള​ഞ്ഞി​ട്ട് മ​ർ​ദി​ച്ചു എ​ന്നാ​ണ് പ​രാ​തി.

ക​ല്ല് ഉ​പ​യോ​ഗി​ച്ച് ത​ല​ക്കും ശ​രീ​ര​ത്തി​നും ഇ​ടി​ച്ച​തി​നാ​ൽ സാ​ര​മാ​യി പ​രി​ക്കേ​റ്റ വി​ദ്യാ​ർ​ഥി​യെ വി​ദ​ഗ്ദ്ധ ചി​കി​ത്സ​ക്കാ​യി പെ​രി​ന്ത​ൽ​മ​ണ്ണ എം.​ഇ.​എ​സ് മെ​ഡി​ക്ക​ൽ കോ​ള​ജ് ആ​ശു​പ​തി​യി​ൽ പ്ര​വേ​ശി​പ്പി​ച്ചു. മ​ർ​ദി​ച്ച​വ​രി​ൽ ര​ണ്ടു​പേ​രെ കു​ട്ടി തി​രി​ച്ച​റി​ഞ്ഞു. ക​ണ്ടാ​ല​റി​യാ​വു​ന്ന കൂ​ടെ​യു​ള്ള​വ​ർ​ക്കെ​തി​രെ​യും പൊ​ലീ​സി​ൽ മൊ​ഴി ന​ൽ​കി.

മാ​സ​ങ്ങ​ളാ​യി കു​റ്റി​പ്പു​റം ന​ഗ​ര​ത്തി​ലെ സ്ഥി​രം കാ​ഴ്ച​യാ​ണ് വി​ദ്യാ​ർ​ഥി സം​ഘ​ർ​ഷം. നാ​ട്ടു​കാ​രും ടാ​ക്സി, ഓ​ട്ടോ ഡ്രൈ​വ​ർ​മാ​രും ചു​മ​ട്ടു​തൊ​ഴി​ലാ​ളി​ക​ളും ക​ച്ച​വ​ട​ക്കാ​രും രം​ഗ​ത്തി​റ​ങ്ങി പ​ല​പ്പോ​ഴും വി​ദ്യാ​ർ​ഥി​ക​ളെ വി​ര​ട്ടി ഓ​ടി​ക്കാ​റാ​ണ് പ​തി​വ്.