ഭാ​ര​ത​പ്പു​ഴ​യു​ടെ ഓ​ള​ങ്ങ​ളി​ൽ സ​ധൈ​ര്യം ഐ​ഷ

കു​റ്റി​പ്പു​റം: തോ​രാ​ത്ത മ​ഴ​യും ശ​ക​ത​മാ​യ നീ​രൊ​ഴു​ക്കും കാ​ര​ണം ഭാ​ര​ത​പ്പു​ഴ​യി​ൽ ഒ​ഴു​ക്കി​ൽ​പെ​ട്ട് കാ​ണാ​താ​യ യു​വാ​വി​നു​വേ​ണ്ടി​യു​ള്ള തി​ര​ച്ചി​ൽ അ​തി​സാ​ഹ​സി​ക​മാ​യി​രു​ന്നു. അ​പ​ക​ടം നി​റ​ഞ്ഞ തി​ര​ച്ചി​ൽ സം​ഘ​ത്തി​നൊ​പ്പം യു​വ​തി​യു​ടെ സാ​ന്നി​ധ‍്യം കാ​ഴ്ച ക​ണ്ടു​നി​ന്ന നാ​ട്ടു​കാ​രെ ആ​ശ്ച​ര്യ​പ്പെ​ടു​ത്തി.

തി​രൂ​ർ ഫ​യ​ർ ആ​ൻ​ഡ് റെ​സ്​​ക്യൂ​വി​ന് കീ​ഴി​ലെ സി​വി​ൽ ഡി​ഫ​ൻ​സ് ഫോ​ഴ്സി​ൽ അം​ഗ​മാ​യ കോ​ട്ട​ക്ക​ൽ പൂ​ക്കി​പ്പ​റ​മ്പ് വാ​ള​ക്കു​ളം സ്വ​ദേ​ശി ഐ​ഷ​യാ​ണ് ര​ണ്ടു​ദി​വ​സം കു​റ്റി​പ്പു​റം ഭാ​ഗ​ത്ത് ഭാ​ര​ത​പ്പു​ഴ​യി​ൽ ന​ട​ന്ന തി​ര​ച്ചി​ൽ സം​ഘ​ത്തി​ൽ ഉ​ണ്ടാ​യി​രു​ന്ന​ത്. രൗ​ദ്ര ഭാ​വ​ത്തി​ൽ ഒ​ഴു​ക്കു​ന്ന പു​ഴ​യി​ലു​ടെ ഡി​ങ്കി​ലാ​ണ് റെ​സ​ക്യൂ സം​ഘം തി​ര​ച്ചി​ൽ ന​ട​ത്തി​യ​ത്. വി​ദ്ഗ​ധ​മാ​യി നീ​ന്താ​ൻ അ​റി​യു​ന്ന​വ​ർ പോ​ലും ഭ​യ​ക്കു​ന്ന സാ​ഹ​സി​ക യാ​ത്ര​യി​ലാ​ണ് 25കാ​രി​യാ​യ ഐ​ഷ സ​ധൈ​ര്യം പ​ങ്കെ​ടു​ത്ത​ത്.

ര​ണ്ടു​വ​ർ​ഷം മു​മ്പാ​ണ് സം​സ്ഥാ​ന​ത്ത് സി​വി​ൽ ഡി​ഫ​ൻ​സ് ഫോ​ഴ്സ് രൂ​പ​വ​ത്ക​രി​ച്ച​ത്. വി​വി​ധ മേ​ഖ​ല​ക​ളി​ൽ ജോ​ലി​ചെ​യ്യു​ന്ന ആ​ളു​ക​ളെ ഉ​ൾ​പ്പെ​ടു​ത്തി പ്ര​ത്യേ​ക പ​രി​ശീ​ല​നം ന​ൽ​കി​യാ​ണ് സം​ഘ​ത്തി​ന് രൂ​പം ന​ൽ​കി​യി​രി​ക്കു​ന്ന​ത്. കൂ​ടു​ത​ൽ പു​രു​ഷ​ന്മാ​രാ​ണ് സി​വി​ൽ ഡി​ഫ​ൻ​സി​ലു​ള്ള​ത്. തി​രൂ​ർ ഫ​യ​ർ ആ​ൻ​ഡ് റെ​സ്ക്യൂ​വി​ന് കീ​ഴി​ൽ സി​വി​ൽ ഡി​ഫ​ൻ​സി​ലെ ര​ണ്ട് വ​നി​ത​ക​ളി​ൽ ഒ​രാ​ളാ​ണ് ഐ​ഷ. അ​തി​സാ​ഹ​സി​ക​മാ​യ പ​ല ഓ​പ​റേ​ഷ​നു​ക​ളി​ലും വ​നി​ത​ക​ളെ ഉ​ൾ​പ്പെ​ടു​ത്താ​റി​ല്ല. എ​ന്നാ​ൽ, കു​റ്റി​പ്പു​റ​ത്ത് ന​ട​ന്ന തി​ര​ച്ചി​ൽ സം​ഘ​ത്തി​നൊ​പ്പം പ​ങ്കു​ചേ​രാ​ൻ ഐ​ഷ സ്വ​യം സ​ന്ന​ദ്ധ​യാ​യി രം​ഗ​ത്തു​വ​രു​ക​യാ​യി​രു​ന്നു.

യു​വ​ജ​ന ക്ഷേ​മ ബോ​ർ​ഡ് അം​ഗ​മാ​യ ഐ​ഷ അ​ന്താ​രാ​ഷ്​​ട്ര സോ​ഫ്റ്റ് ബാ​ൾ താ​രം കൂ​ടി​യാ​ണ്. പ​ല മ​ത്സ​ര​ങ്ങ​ളി​ലും പ​ങ്കെ​ടു​ത്ത് ഇ​ന്ത്യ​ക്കു​വേ​ണ്ടി നി​ര​വ​ധി പു​ര​സ്കാ​ര​ങ്ങ​ളും ഈ ​യു​വ​തി ക​ര​സ്ഥ​മാ​ക്കി​യി​ട്ടു​ണ്ട്. കേ​ര​ള ഫ​യ​ർ ആ​ൻ​ഡ് റെ​സ്ക്യൂ​വി​ൽ ജോ​ലി ചെ​യ്യാ​ൻ വ​നി​ത​ക​ളെ​യും ഉ​ൾ​പ്പെ​ടു​ത്താ​ൻ തീ​രു​മാ​നി​ച്ച​തിെൻറ സ​ന്തോ​ഷ​ത്തി​ലാ​ണ് ഐ​ഷ. ഇ​തി​നാ​യി പ​രീ​ക്ഷ എ​ഴു​തി കാ​ത്തി​രി​ക്കു​ക​യാ​ണ്. പി​ലാ​ക്ക​ട​വ​ത്ത് മൂ​സ​ക്കു​ട്ടി-​ഫാ​ത്തി​മ സു​ഹ​റ ദ​മ്പ​തി​ക​ളു​ടെ മ​ക​ളാ​ണ്.