ഡി.​ടി.​പി.​സി സ​ഹ​ക​രി​ക്കി​ല്ല: മി​നി പ​മ്പ​യി​ൽ സൗ​ക​ര്യ​മൊ​രു​ക്കു​ന്ന​തി​ൽ ആ​ശ​യ​ക്കു​ഴ​പ്പം നീങ്ങിയില്ല

കു​റ്റി​പ്പു​റം: മി​നി പ​മ്പ​യി​ൽ ശ​ബ​രി​മ​ല തീ​ർ​ഥാ​ട​ക​ർക്ക് സൗ​ക​ര്യ​മൊ​രു​ക്കു​ന്ന​തി​ൽ പൂ​ർ​ണ​മാ​യി സ​ഹ​ക​രി​ക്കാ​ൻ ക​ഴി​യി​ല്ലെ​ന്ന് ഡി.​ടി.​പി.​സി അ​ധി​കൃ​ത​ർ വ്യ​ക്ത​മാ​ക്കി. ഇ​തോ​ടെ വി​ഷ​യ​ത്തി​ൽ ആ​ശ​യ​ക്കു​ഴ​പ്പം തു​ട​രു​ക​യാ​ണ്.

എ​ല്ലാ വ​ർ​ഷ​വും മി​നി പ​മ്പ​യി​ൽ ഡി.​ടി.​പി.​സി നേ​തൃ​ത്വ​ത്തി​ലാ​ണ് പൂ​ർ​ണ​മാ​യും ഫ​ണ്ട് ചെ​ല​വ​ഴി​ച്ച് സൗ​ക​ര്യ​ങ്ങ​ൾ ഒ​രു​ക്കാ​റു​ള്ള​ത്. ഡി.​ടി.​പി.​സി​യു​ടെ ത​ന​ത് ഫ​ണ്ട് ചെ​ല​വ​ഴി​ച്ചാ​ണ് ന​ട​ത്താ​റു​ള്ള​ത്. ഈ ​വ​ക​യി​ൽ 2018 മു​ത​ൽ 49 ല​ക്ഷം രൂ​പ ദേ​വ​സ്വം ബോ​ർ​ഡ് ഡി.​ടി.​പി.​സി​ക്ക് ന​ൽ​കാ​നു​ണ്ട്. മുൻകാ​ല​ങ്ങ​ളി​ൽ ന​ട​ന്ന ഓ​ഡി​റ്റി​ങ്ങി​ൽ പ​ണം ചെ​ല​വ​ഴി​ച്ച​തി​ൽ വീ​ഴ്ച ക​ണ്ടെ​ത്തി​യി​രു​ന്നു. ഇ​ക്കാ​ര​ണ​ങ്ങ​ൾ​കൊ​ണ്ട് ഇ​ത്ത​വ​ണ പൂ​ർ​ണ​മാ​യി സ​ഹ​ക​രി​ക്കാ​ൻ ക​ഴി​യി​ല്ലെ​ന്ന് ഡി.​ടി.​പി.​സി അ​റി​യി​ച്ചു.

ത​വ​നൂ​ർ എം.​എ​ൽ.​എ​യു​ടെ അ​ധ്യ​ക്ഷ​ത​യി​ൽ വി​ളി​ച്ചു​ചേ​ർ​ത്ത യോ​ഗ​ത്തി​ലാ​ണ് ഇ​ക്കാ​ര്യം അ​റി​യി​ച്ച​ത്. ഇ​തോ​ടെ മി​നി പ​മ്പ​യി​ൽ സൗ​ക​ര്യ​മൊ​രു​ക്കു​ന്ന​തി​ന്റെ ചു​മ​ത​ല ത​വ​നൂ​ർ പ​ഞ്ചാ​യ​ത്ത് വ​ഹി​ക്കേ​ണ്ടി​വ​രും. അ​തേ​സ​മ​യം, ത​വ​നൂ​ർ പ​ഞ്ചാ​യ​ത്ത് പ്ര​സി​ഡ​ന്റ്, വൈ​സ് പ്ര​സി​ഡ​ന്റ്, സെ​ക്ര​ട്ട​റി എ​ന്നി​വ​ർ യോ​ഗ​ത്തി​ൽ സം​ബ​ന്ധി​ച്ചി​രു​ന്നി​ല്ല. അ​സി. സെ​ക്ര​ട്ട​റി മാ​ത്ര​മാ​ണ് പ​ങ്കെ​ടു​ത്ത​ത്. പ​ഞ്ചാ​യ​ത്തി​ന് ഇ​ത്ര​യും ഫ​ണ്ട് ചെ​ല​വ​ഴി​ക്കാ​ൻ ക​ഴി​യു​മോ എ​ന്ന​തി​ൽ ആ​ശ​യ​ക്കു​ഴ​പ്പം തു​ട​രു​ക​യാ​ണ്.

പ​രി​മി​ത സൗ​ക​ര്യ​ങ്ങ​ളൊ​രു​ക്കു​മെ​ന്ന് യോ​ഗ​തീ​രു​മാ​നം

കു​റ്റി​പ്പു​റം: മി​നി പ​മ്പ​യി​ൽ പ​രി​മി​ത​മാ​യ സൗ​ക​ര്യ​ങ്ങ​ൾ ഒ​രു​ക്കാ​ൻ കെ.​ടി. ജ​ലീ​ൽ എം.​എ​ൽ.​എ​യു​ടെ അ​ധ്യ​ക്ഷ​ത​യി​ൽ ​ചേ​ർ​ന്ന യോ​ഗ​ത്തി​ൽ ധാ​ര​ണ​യാ​യി. കു​റ്റി​പ്പു​റം -എ​ട​പ്പാ​ൾ സം​സ്ഥാ​ന പാ​ത​യി​ലെ റോ​ഡ​രി​ക് കൈ​യേ​റി​യു​ള്ള വ​ഴി​യോ​ര ക​ച്ച​വ​ട​ങ്ങ​ൾ പൂ​ർ​ണ​മാ​യും ഒ​ഴി​പ്പി​ച്ച് കു​റ്റി​ക്കാ​ടു​ക​ൾ വെ​ട്ടി​യൊ​തു​ക്കി വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ സൗ​ക​ര്യം ഒ​രു​ക്കും. വി​രി​വെ​ക്കാ​നും വി​ശ്ര​മി​ക്കാ​നും കു​ടി​വെ​ള്ള​ത്തി​നും മ​ല്ലൂ​ർ ക്ഷേ​ത്ര​ത്തി​ന് ഉ​ള്ളി​ൽ സൗ​ക​ര്യം ക​ണ്ടെ​ത്താ​നും തീ​രു​മാ​ന​മാ​യി. ക​ട​വി​ൽ മ​ണ​ൽ​ചാ​ക്ക് ഒ​രു​ക്കി​യും സു​ര​ക്ഷ​വേ​ലി സ്ഥാ​പി​ച്ചും കു​ളി​ക്കാ​ൻ സൗ​ക​ര്യം ഒ​രു​ക്കു​ന്ന​തി​നൊ​പ്പം വെ​ളി​ച്ച സം​വി​ധാ​ന​ങ്ങ​ളും ഒ​രു​ക്കും.

ഇ​ത്ത​വ​ണ ഡി.​ടി.​പി.​സി​യു​ടെ പൂ​ർ​ണ സ​ഹ​ക​ര​ണം ഉ​ണ്ടാ​കി​ല്ല. ഇ​തു​കാ​ര​ണം ത​ദ്ദേ​ശ സ്ഥാ​പ​ന​ങ്ങ​ൾ കൂ​ടു​ത​ൽ തു​ക ചെ​ല​വ​ഴി​ക്കേ​ണ്ടി​വ​രും. അ​ഗ്നി​ര​ക്ഷ​സേ​ന, പൊ​ലീ​സ്, ഡോ​ക്ട​ർ, ലൈ​ഫ് ഗാ​ർ​ഡ് എ​ന്നി​വ​രു​ടെ സേ​വ​നം 24 മ​ണി​ക്കൂ​റും സ്ഥ​ല​ത്ത് ല​ഭ്യ​മാ​ക്കും. ഇ​തി​നാ​യു​ള്ള സൗ​ക​ര്യ​ങ്ങ​ൾ മാ​ത്ര​മാ​ണ് ഡി.​ടി.​പി.​സി ഒ​രു​ക്കു​ക. എ​ന്നാ​ൽ, മ​ണ്ഡ​ല​കാ​ലം ആ​രം​ഭി​ക്കാ​ൻ മ​ണി​ക്കൂ​റു​ക​ൾ മാ​ത്രം അ​വ​ശേ​ഷി​ക്കേ എം.​എ​ൽ.​എ​യു​ടെ നേ​തൃ​ത്വ​ത്തി​ൽ യോ​ഗം ചേ​ർ​ന്ന​ത് പ്ര​ഹ​സ​നം മാ​ത്ര​മാ​ണെ​ന്ന് സേ​വാ​ഭാ​ര​തി പ്ര​വ​ർ​ത്ത​ക​ർ കു​റ്റ​പ്പെ​ടു​ത്തി.

യോ​ഗ​ത്തി​ൽ കെ.​ടി. ജ​ലീ​ൽ എം.​എ​ൽ.​എ അ​ധ്യ​ക്ഷ​ത വ​ഹി​ച്ചു. എ.​ഡി.​എം മെ​ഹ​റ​ലി, ഡെ​പ്യൂ​ട്ടി ക​ല​ക്ട​ർ ടി. ​മു​ര​ളി, ഡി.​ടി.​പി.​സി സെ​ക്ര​ട്ട​റി വി​പി​ൻ ച​ന്ദ്ര​ൻ, ഡെ​പ്യൂ​ട്ടി ത​ഹ​സി​ൽ​ദാ​ർ ടി. ​സു​കേ​ഷ്, എ​ൻ.​എ​ച്ച് ഉ​ദ്യോ​ഗ​സ്ഥ​ർ, പ​ഞ്ചാ​യ​ത്ത് സെ​ക്ര​ട്ട​റി തു​ട​ങ്ങി​യ​വ​ർ പ​ങ്കെ​ടു​ത്തു.