ഓ​ണ​ത്തി​ന് കു​ടും​ബ​ശ്രീ​ വി​റ്റഴിച്ച​ത് ​5673 കി​ലോ പൂ​ക്ക​ൾ

മ​ല​പ്പു​റം: ‘‘ഒ​രു പൂ ​മാ​ത്രം ചോ​ദി​ച്ചു...​ഒ​രു പൂ​ക്കാ​ലം നീ ​ത​ന്നു...’’ മ​ല​യാ​ള​ത്തി​ലെ ഈ ​ഹി​റ്റ്​ ഗാ​നം പോ​ലെ സൂ​പ്പ​ർ ഹി​റ്റാ​യി​രി​ക്കു​ക​യാ​ണ്​ ഇ​ത്ത​വ​ണ കു​ടും​ബ​ശ്രീ​യു​ടെ പൂ ​കൃ​ഷി​യും. ഈ ​ഓ​ണ​ത്തി​ന്​ കു​ടും​ബ​ശ്രീ മ​ല​പ്പു​റം ജി​ല്ല മി​ഷ​ന്​ കീ​ഴി​ൽ 5673 കി​ലോ പൂ​ക്ക​ളാ​ണ്​ ‘വ​ർ​ണ വ​സ​ന്തം’ തീ​ർ​ത്ത്​ വി​റ്റ​ഴി​ച്ച​ത്. 13,19,380 രൂ​പ​യാ​ണ്​ വി​റ്റു​വ​ര​വ്​ ല​ഭി​ച്ച​ത്. കു​ടും​ബ​ശ്രീ​യു​ടെ പൂ​ക്ക​ൾ മ​ല​യാ​ളി​ക​ൾ ഏ​റ്റെ​ടു​ക്കു​ന്ന വ​ർ​ണ​ക്കാ​ഴ്ച​യാ​ണ്​ ഈ ​ഓ​ണ​ക്കാ​ല​വും ക​ൺ​നി​റ​യെ ക​ണ്ട​ത്.

ചി​ല ഭാ​ഗ​ങ്ങ​ളി​ൽ പ്ര​തീ​ക്ഷി​ച്ച വി​ൽ​പ​ന​യി​ൽ നേ​രി​യ ഇ​ടി​വു​വ​ന്നെ​ങ്കി​ലും ഭൂ​രി​ഭാ​ഗം സി.​ഡി.​എ​സു​ക​ളി​ലും കു​ടും​ബ​ശ്രീ പൂ​ക്ക​ൾ​ക്ക്​ വ​ലി​യ സ്വീ​കാ​ര്യ​ത​യാ​ണ്​ ല​ഭി​ച്ച​ത്. ഓ​ണം മു​ന്നി​ൽ​ക്ക​ണ്ട് 77 സി.​ഡി.​എ​സു​ക​ളി​ലെ 295 സം​ഘ​കൃ​ഷി ഗ്രൂ​പ്പു​ക​ളാ​ണ് 99.9 ഏ​ക്ക​ർ സ്ഥ​ല​ത്ത് പൂ ​കൃ​ഷി ചെ​യ്​​ത​ത്. 1180 കു​ടും​ബ​ശ്രീ ക​ർ​ഷ​ക​രും ഓ​ണ​വി​പ​ണി പി​ടി​ച്ചെ​ടു​ക്കാ​ൻ സം​ഘ​കൃ​ഷി ഗ്രൂ​പ്പു​ക​ളി​ൽ പ്ര​വ​ർ​ത്തി​ച്ചു. മ​ഞ്ഞ, ഓ​റ​ഞ്ച് നി​റ​ങ്ങ​ളി​ലു​ള്ള ചെ​ണ്ടു​മ​ല്ലി​ക​ളാ​ണ് 90 ശ​ത​മാ​ന​ത്തോ​ളം കൃ​ഷി ചെ​യ്​​ത​ത്.

ജി​ല്ല​യി​ൽ നി​ല​മ്പൂ​ർ, കാ​ളി​കാ​വ്, കൊ​ണ്ടോ​ട്ടി, തി​രൂ​ര​ങ്ങാ​ടി തു​ട​ങ്ങി​യ ബ്ലോ​ക്കു​ക​ളി​ലാ​ണ് വ​ലി​യ രീ​തി​യി​ൽ കൃ​ഷി ചെ​യ്ത​ത്. മാ​യ​വും വി​ഷ​വും ക​ല​രാ​ത്ത പൂ​ക്ക​ൾ ന്യാ​യ​മാ​യ വി​ല​യ്ക്ക് വി​പ​ണി​യി​ൽ എ​ത്തി​ക്കു​ക​യെ​ന്ന ല​ക്ഷ്യ​ത്തി​ലാ​ണ്​ കു​ടും​ബ​ശ്രീ പൂ​കൃ​ഷി​യു​മാ​യി രം​ഗ​ത്ത്​ വ​ന്ന​ത്. 2023ൽ ​ആ​രം​ഭി​ച്ച പ​ദ്ധ​തി​ക്ക്​ വ​ലി​യ സ്വീ​കാ​ര്യ​ത​യാ​ണ്​ സ​മൂ​ഹ​ത്തി​ൽ നി​ന്ന്​ ല​ഭി​ച്ച​തെ​ന്ന്​ കു​ടും​ബ​ശ്രീ അം​ഗ​ങ്ങ​ൾ സാ​ക്ഷ്യ​പ്പെ​ടു​ത്തു​ന്നു​ണ്ട്. വ​രും വ​ർ​ഷ​ങ്ങ​ളി​ൽ പ​ദ്ധ​തി കൂ​ടു​ത​ൽ സ​ജീ​വ​മാ​ക്കാ​നാ​ണ്​ കു​ടും​ബ​ശ്രീ അം​ഗ​ങ്ങ​ൾ ഒ​രു​ങ്ങു​ന്ന​ത്.