തി​രൂ​രി​ന്റെ തീ​ര​​ദേ​ശം ആ​സ്വ​ദി​ക്കാ​ൻ അ​വ​സ​രമൊരുക്കി കെ.​എ​സ്.​ആ​ർ.​ടി.​സി​

തി​രൂ​ർ: വി​നോ​ദ സ​ഞ്ചാ​രി​ക​ൾ​ക്ക് തി​രൂ​രി​ന്റെ തീ​ര​പ്ര​ദേ​ശം കാ​ണാ​നും ആ​സ്വ​ദി​ക്കാ​നു​മു​ള്ള അ​വ​സ​രം ഒ​രു​ക്കാ​നു​ള്ള ശ്ര​മ​ത്തി​ലാ​ണ് കെ.​എ​സ്.​ആ​ർ.​ടി.​സി. തി​രൂ​രി​ന്റെ​യും പൊ​ന്നാ​നി​യു​ടെ​യും പൈ​തൃ​ക​വും ജി​ല്ല​യു​ടെ തീ​ര​പ്ര​ദേ​ശ​ങ്ങ​ളാ​യ താ​നൂ​ർ, കൂ​ട്ടാ​യി പ​ടി​ഞ്ഞാ​റേ​ക്ക​ര, പൊ​ന്നാ​നി ബീ​ച്ചു​ക​ളും ഉ​ൾ​പ്പെ​ടു​ത്തി വി​നോ​ദ​യാ​ത്ര സം​ഘ​ടി​പ്പി​ക്കാ​ൻ ഒ​രു​ങ്ങു​ക​യാ​ണ് കെ.​എ​സ്.​ആ​ർ.​ടി.​സി അ​ധി​കൃ​ത​ർ. ഇ​തി​ന്റെ ഭാ​ഗ​മാ​യി ക​ഴി​ഞ്ഞ ദി​വ​സം കെ.​എ​സ്.​ആ​ർ.​ടി.​സി​യു​ടെ മ​ല​പ്പു​റം എ.​ടി.​ഒ ടി.​എ. ഉ​ബൈ​ദ്, ബ​ജ​റ്റ് ടൂ​റി​സം സെ​ൽ ജി​ല്ല കോ​ഓഡി​നേ​റ്റ​ർ പ്ര​ദീ​പ് കു​മാ​ർ, കെ.​എ​സ്.​ആ​ർ.​ടി.​സി തി​രൂ​ർ, പൊ​ന്നാ​നി സോ​ഷ്യ​ൽ മീ​ഡി​യ കൂ​ട്ടാ​യ്മ​യി​ലെ അം​ഗ​ങ്ങ​ളും ചേ​ർ​ന്ന് ജി​ല്ല​യി​ലെ തീ​ര​ദേ​ശ ടൂ​റി​സം കേ​ന്ദ്ര​ങ്ങ​ൾ സ​ന്ദ​ർ​ശി​ച്ചു. താ​നൂ​ർ തൂ​വ​ൽ തീ​രം ഫ്ലോ​ട്ടി​ങ് ബ്രി​ഡ്ജ്, താ​നൂ​ർ ഫി​ഷി​ങ് ഹാ​ർ​ബ​ർ, പൊ​ന്നാ​നി ക​ർ​മ്മ റോ​ഡ്, പൊ​ന്നാ​നി​യി​ലെ ബോ​ട്ടി​ങ് കേ​ന്ദ്രം എ​ന്നി​വ​യാ​ണ് ക​ഴി​ഞ്ഞ ദി​വ​സം സം​ഘം പ​രി​ശോ​ധി​ച്ച​ത്. പൈ​തൃ​ക കാ​ഴ്ച​ക​ൾ ഉ​ൾ​പ്പെ​ടു​ത്തു​ന്ന​തി​ന്റെ ഭാ​ഗ​മാ​യി തി​രൂ​ർ തു​ഞ്ച​ൻ പ​റ​മ്പും മ്യൂ​സി​യ​വും ഇ​തോ​ടൊ​പ്പം സ​ന്ദ​ർ​ശി​ച്ചി​രു​ന്നു. വി​നോ​ദ സ​ഞ്ചാ​ര​ത്തോ​ടൊ​പ്പം തി​രൂ​ർ ഗ​ൾ​ഫ് ബ​സാ​റി​ൽ ഷോ​പ്പി​ങി​നു​ള്ള അ​വ​സ​ര​വും യാ​ത്ര​യി​ൽ ഉ​ൾ​പ്പെ​ടു​ത്തു​ന്ന​തോ​ടെ തി​രൂ​രി​ലെ വ്യാ​പാ​ര മേ​ഖ​ല​ക്കും പു​തി​യ സ​ർ​വി​സ് ഉ​ണ​ർ​വേ​കു​മെ​ന്നാ​ണ് വി​ല​യി​രു​ത്ത​ൽ. അ​ടു​ത്ത ആ​ഴ്ച ത​ന്നെ സ്ഥ​ല​ങ്ങ​ൾ വീ​ണ്ടും സ​ന്ദ​ർ​ശി​ച്ച് വി​ശ​ദ​മാ​യ രൂ​പ​രേ​ഖ ത​യാ​റാ​ക്കു​മെ​ന്നും കെ.​എ​സ്.​ആ​ർ.​ടി.​സി​യു​ടെ അ​നു​മ​തി​ക്കാ​യി അ​യ​ക്കു​മെ​ന്നും മ​ല​പ്പു​റം എ.​ടി.​ഒ അ​റി​യി​ച്ചു.

നേ​ര​ത്തെ ത​ന്നെ തീ​ര​ദേ​ശ ഉ​ല്ലാ​സ​യാ​ത്ര​യു​ടെ സാ​ധ്യ​ത​ക​ൾ കെ.​എ​സ്.​ആ​ർ.​ടി.​സി തി​രൂ​ർ സോ​ഷ്യ​ൽ മീ​ഡി​യ കൂ​ട്ടാ​യ്മ ബി.​ടി.​സി ജി​ല്ല കോ​ഓഡി​നേ​റ്റ​റു​ടെ ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു. പ​ടി​ഞ്ഞാ​റേ​ക്ക​ര​യി​ലെ ജ​ങ്കാ​ർ യാ​ത്ര ഉ​ൾ​പ്പെ​ടു​ന്ന രീ​തി​യി​ലാ​ണ് അ​ന്ന് യാ​ത്ര തീ​രു​മാ​നി​ച്ചി​രു​ന്ന​ത്. എ​ന്നാ​ൽ നി​ർ​ത്തി​വ​ച്ചി​രു​ന്ന ജ​ങ്കാ​ർ സ​ർ​വി​സ് പു​ന​രാ​രം​ഭി​ക്കാ​തെ വ​ന്ന​തോ​ടെ യാ​ത്ര ത​ൽ​ക്കാ​ല​ത്തേ​ക്ക് ഉ​പേ​ക്ഷി​ക്കു​ക​യാ​യി​രു​ന്നു. താ​നൂ​ർ തൂ​വ​ൽ തീ​ര​ത്ത് ഫ്ലോ​ട്ടി​ങ് ബ്രി​ഡ്ജ് സ്ഥാ​പി​ച്ച​തോ​ടെ​യാ​ണ് വീ​ണ്ടും ഉ​ല്ലാ​സ​യാ​ത്ര​യു​ടെ ശ്ര​മ​ങ്ങ​ൾ ആ​രം​ഭി​ച്ച​ത്.