കൂളാക്കാൻ കോ​ട്ട​ക്കു​ന്ന്

മ​ല​പ്പു​റം: സ്വാ​ത​ന്ത്ര്യ​പ്പോ​രാ​ട്ട​ങ്ങ​ളു​ടെ ഊ​ഷ്മ​ള​സ്മ​ര​ണ​ക​ളു​റ​ങ്ങു​ന്ന കോ​ട്ട​ക്കു​ന്നാ​ണ് ​ഈ ​പെ​രും​ചൂ​ടു​കാ​ല​ത്ത് ജ​ന​ങ്ങ​ൾ​ക്ക് ആ​ശ്വാ​സ​ത്തു​രു​ത്താ​കു​ന്ന​ത്. ഇ​വി​ടെ ചോ​ല വി​രി​ച്ചു നി​ൽ​ക്കു​ന്ന മ​ര​ങ്ങ​ൾ സ​ന്ദ​ർ​ശ​ക​ർ​ക്കേ​കു​ന്ന ത​ണു​പ്പ് വി​ല​മ​തി​ക്കാ​നാ​വാ​ത്ത​താ​ണ്. സ​ന്ദ​ർ​ശ​ക​ർ​ക്ക് മ​ട​ങ്ങി​പ്പോ​കാ​ൻ തോ​ന്നാ​ത്ത​ത്ര സു​ഖ​ക​ര​മാ​ണ് ഇ​വി​ടു​ത്തെ അ​ന്ത​രീ​ക്ഷം. ക​ഴി​ഞ്ഞ ദി​വ​സ​ങ്ങ​ളി​ൽ 36 ഡി​ഗ്രി സെ​ൽ​ഷ്യ​സാ​ണ് മ​ല​പ്പു​റ​ത്തെ ചൂ​ട്. ഇ​തു താ​ങ്ങാ​നാ​വാ​​തെ എ​രി​പി​രി​യി​ലാ​ണ് നാ​ട്. 33 ഏ​ക്ക​റി​ല​ധി​കം വ​രു​ന്ന കോ​ട്ട​ക്കു​ന്നി​ൽ വ്യ​ത്യ​സ്ത​യി​നം ത​ണ​ൽ മ​ര​ങ്ങ​ളാ​ണ് സ​ന്ദ​ർ​ശ​ക​ർ​ക്ക് ആ​ശ്വാ​സ​മേ​കു​ന്ന​ത്. വാ​ക, മ​ന്ദാ​രം, ബ​ദാം, എ​ര​ണി, ഉ​ങ്ങ്‌, നീ​ർ​മ​രു​ത്, അ​ശോ​ക വൃ​ക്ഷം എ​ന്നി​വ​യാ​ണ് ഇ​വ​യി​ൽ കൂ​ടു​ത​ലും. ത​ണു​പ്പു​ള്ള പ്ര​ദേ​ശ​ങ്ങ​ളി​ൽ ക​ണ്ടു​വ​രു​ന്ന വാ​ൽ​ന​ട്ടും കൂ​ട്ട​ത്തി​ലു​ണ്ട്. വ​ർ​ഷം തോ​റും ര​ണ്ടാ​യി​രം മ​ര​ങ്ങ​ളാ​ണ് വെ​ച്ചു​പി​ടി​പ്പി​ക്കു​ന്ന​ത്. വൃ​ക്ഷ​ങ്ങ​ൾ​ക്ക് പു​റ​മെ മ​നോ​ഹാ​രി​ത നി​ല​നി​ർ​ത്തു​ന്ന പൂ​ച്ചെ​ടി​ക​ളും പൂ​മ​ര​ങ്ങ​ളു​മു​ണ്ട്. എ​ണ്ണി​യാ​ലൊ​ടു​ങ്ങാ​ത്ത​യ​ത്ര മ​ര​ങ്ങ​ളു​ള​ള ഇ​വി​ടെ ജ​ല​സേ​ച​ന​ത്തി​ന് കി​ണ​ർ ഇ​ല്ല. റീ​സൈ​ക്കി​ളി​ങ് ക​ഴി​ഞ്ഞ് വ​രു​ന്ന വെ​ള്ള​മാ​ണ് ഇ​വ പ​രി​പാ​ലി​ക്കാ​ൻ ഉ​പ​യോ​ഗി​ക്കു​ന്ന​ത്.

കോ​ട്ട​ക്കു​ന്നി​ൽ സാ​യാ​ഹ്നം ചി​ല​വ​ഴി​ക്കാ​ൻ വ​രു​ന്ന​വ​രു​ടെ എ​ണ്ണം കൂ​ടു​ക​യാ​ണ്. മു​ൻ​വ​ർ​ഷ​ങ്ങ​ൾ അ​പേ​ക്ഷി​ച്ച് സ​ന്ദ​ർ​ശ​ക​ർ കൂ​ടി. ശ​നി, ഞാ​യ​ർ ദി​വ​സ​ങ്ങ​ളി​ലാ​ണ് സ​ന്ദ​ർ​ശ​ക​രേ​റെ. വി​ശേ​ഷ ദി​വ​സ​ങ്ങ​ളി​ലും തൊ​ട്ട​ടു​ത്ത ദി​വ​സ​ങ്ങ​ളി​ലും വ​ലി​യ തി​ര​ക്കാ​ണ്. രാ​വി​ലെ എ​ട്ട് മു​ത​ൽ രാ​ത്രി 10 വ​രെ തു​റ​ന്നു പ്ര​വ​ർ​ത്തി​ക്കു​ന്നു. വൈ​കീ​ട്ട് നാ​ല് മു​ത​ലാ​ണ് സ​ന്ദ​ർ​ശ​ക​രു​ടെ തി​ര​ക്കേ​റു​ക. ചൂ​ടി​ന്റെ കാ​ഠി​ന്യ​മേ​റു​ന്ന​തി​ന​നു​സ​രി​ച്ച് സ​ഞ്ചാ​രി​ക​ളു​ടെ ഒ​ഴു​ക്കും കൂ​ടു​ന്നു.

ല​ളി​ത​ക​ല ആ​ർ​ട്ട് ഗാ​ല​റി, കു​ട്ടി​ക​ൾ​ക്കാ​യു​ള്ള എ​ന്റ​ർ​ടെ​യ്ൻ​മെ​ന്റ് സോ​ണു​ക​ൾ, സാ​ഹ​സി​ക​ത ഇ​ഷ്ട​പ്പെ​ടു​ന്ന​വ​ർ​ക്കാ​യി അ​ഡ്വെ​ഞ്ച്വ​ർ സോ​ൺ തു​ട​ങ്ങി​യ​വ ആ​ക​ർ​ഷ​ണ​ങ്ങ​ളാ​ണ്. ശ​നി, ഞാ​യ​ർ ദി​വ​സ​ങ്ങ​ളി​ൽ രാ​ത്രി ഏ​ഴി​നും എ​ട്ടി​നും ഒ​മ്പ​തി​നും ലേ​സ​ർ ഷോ ​ഉ​ണ്ട്. ഒ​രാ​ൾ​ക്ക് 25 രൂ​പ​യാ​ണ് ടി​ക്ക​റ്റ് നി​ര​ക്ക്. അ​തി​വി​ശാ​ല​മാ​യ പാ​ർ​ക്കി​ങ് സൗ​ക​ര്യ​വു​മു​ണ്ട്. നി​ല​വി​ൽ പ്ര​വേ​ശ​ന നി​ര​ക്ക് 20 രൂ​പ​യാ​ക്കി.

18 വ​ർ​ഷ​ങ്ങ​ൾ​ക്ക​പ്പു​റം മൊ​ട്ട​ക്കു​ന്നാ​യി​രു​ന്ന കോ​ട്ട​ക്കു​ന്നി​നെ പ​ച്ച​ക്കു​ന്നാ​ക്കു​ന്ന​തി​ൽ മ​ല​പ്പു​റം ഡി.​ടി.​പി.​സി മു​ഖ്യ പ​ങ്കു​വ​ഹി​ച്ച​താ​യി കോ​ട്ട​ക്കു​ന്ന് പാ​ർ​ക്ക് മാ​നേ​ജ​ർ അ​ൻ​വ​ർ ഹു​സൈ​ൻ പ​റ​ഞ്ഞു.