കിണർ അപകടം; നിലവിളി കേട്ട് ആദ്യമിറങ്ങി പരശു

കോ​ട്ട​ക്ക​ൽ: ജ​ന്മം കൊ​ണ്ട് ത​മി​ഴ​നാ​ണെ​ങ്കി​ലും അ​ന്നം ത​രു​ന്ന നാ​ടി​നോ​ട് ന​ന്ദി​യു​ണ്ടെ​ന്ന് തെ​ളി​യി​ച്ച് പ​ര​ശു​രാ​മ​ൻ. കോ​ട്ട​ക്ക​ലി​ൽ കി​ണ​റി​ടി​ഞ്ഞ് കു​ടു​ങ്ങി​യ അ​ലി അ​ക്ബ​റി​നെ​യും അ​ഹ​ദി​നേ​യും ര​ക്ഷി​ക്കാ​ൻ ആ​ദ്യം കി​ണ​റ്റി​ലി​റ​ങ്ങി​യ​ത് പ​ര​ശു​വാ​യി​രു​ന്നു. അ​പ​ക​ടസ്ഥ​ല​ത്ത് ഓ​ട്ട​വു​മാ​യി എ​ത്തി​യ​താ​യി​രു​ന്നു ഗു​ഡ്സ് ഡ്രൈ​വ​റാ​യ ഇ​ദ്ദേ​ഹം.

ഇ​തി​നി​ട​യി​ലാ​ണ് ര​ണ്ടു​പേ​ർ കി​ണ​റ്റി​ല​ക​പ്പെ​ട്ടു​വെ​ന്ന നി​ല​വി​ളി​യു​മാ​യി മ​റ്റു തൊ​ഴി​ലാ​ളി​ക​ൾ എ​ത്തു​ന്ന​ത്. പി​ന്നെ​യൊ​ന്നും ആ​ലോ​ചി​ച്ചി​ല്ല. സം​ഭ​വ​സ്ഥ​ല​ത്തേ​ക്ക് കു​തി​ച്ചെ​ത്തി ക​യ​റി​ൽ തൂ​ങ്ങി കി​ണ​റ്റി​ലി​റ​ങ്ങി. ഈ ​സ​മ​യം അ​ഹ​ദ് പ്രാ​ണ​ര​ക്ഷാ​ർ​ഥം നി​ല​വി​ളി​ക്കു​ക​യാ​യി​രു​ന്നു. ച​ളി നീ​ക്കി​യും മ​ണ്ണു മാ​റ്റി​യും അ​ഹ​ദി​നാ​വ​ശ്യ​മാ​യ പ്രാ​ഥ​മി​ക സൗ​ക​ര്യ​ങ്ങ​ൾ ന​ൽ​കി. ഏ​തു നി​മി​ഷ​വും മ​ണ്ണ് വീ​ഴാ​വു​ന്ന കി​ണ​റ്റി​ലാണ് ജീ​വ​ൻ പ​ണ​യ​പ്പെ​ടു​ത്തി​ പ​ര​ശു ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. നാ​ട്ടി​ൽ പി​താ​വി​നൊ​പ്പം ഇ​ത്ത​രം തൊ​ഴി​ലി​ൽ ഏ​ർ​പ്പെ​ട്ട​താ​ണ് തു​ണ​യാ​യ​ത്. 37 വ​ർ​ഷ​മാ​യി ചേ​ങ്ങോ​ട്ടൂ​രി​ലാ​ണ് കു​ടും​ബ​മാ​യി താ​മ​സം. അ​വ​സ​രോ​ചി​ത ഇ​ട​പെ​ട​ൽ ന​ട​ത്തി​യ യു​വാ​വി​നെ ബു​ധ​നാ​ഴ്ച ആ​ദ​രി​ക്കാ​ൻ ഒ​രു​ങ്ങു​ക​യാ​ണ് നാ​ട്ടു​കാ​ർ.