ഒരു കുഞ്ഞുവീട് സ്വപ്നം കണ്ട് വയോ സഹോദരികൾ

കോ​ട്ട​ക്ക​ൽ: മ​ന​സ്സമാ​ധാ​ന​ത്തോ​ടെ അ​ന്തി​യു​റ​ങ്ങാ​ൻ ഒ​രു കു​ഞ്ഞു​വീ​ട് വേ​ണം. അ​ത് മാ​ത്ര​മാ​ണ് നാ​ൽ​പ​ത്തി​യ​ഞ്ച് വ​ർ​ഷ​മാ​യി വാ​ട​ക​വീ​ട്ടി​ലെ ഒ​റ്റ​മു​റി​യി​ൽ ക​ഴി​യു​ന്ന ഈ ​സ​ഹോ​ദ​രി​മാ​രു​ടെ ആ​ഗ്ര​ഹം. എ​ട​രി​ക്കോ​ട് സ്വ​ദേ​ശി​ക​ളാ​യ ക​രി​ങ്ങാ​ത്തു​പ്പ​റ​മ്പി​ൽ സ​ത്യ​ഭാ​മ​യും (74), അ​മ്മി​ണി​യു​മാ​ണ് (59) വീ​ടെ​ന്ന സ്വ​പ്നം നി​റ​വേ​റാ​ൻ കാ​ത്തി​രി​ക്കു​ന്ന​ത്.

ന​വ​കേ​ര​ള സ​ദ​സ്സിൽ പ​രാ​തി ന​ൽ​കി​യ​തോ​ടെ ഭ​വ​ന​പ​ദ്ധ​തി​യി​ൽ ഉ​ൾ​പ്പെ​ടു​ത്തി പ​ണം അ​നു​വ​ദി​ച്ചി​ട്ടു​ണ്ടെ​ങ്കി​ലും വീ​ട് വെ​ക്കാ​ൻ സ്വ​ന്ത​മാ​യി ഭൂ​മി​യി​ല്ല. വേ​ങ്ങ​ര​യി​ലെ മ​രു​ന്നു​ഷോ​പ്പി​ൽ താ​ത്ക്കാ​ലി​ക ജീ​വ​ന​ക്കാ​രി​യാ​ണ് അ​മ്മി​ണി. തു​ച്ഛ ശ​മ്പ​ള​വും ഇ​രു​വ​ർ​ക്കും കി​ട്ടു​ന്ന പെ​ൻ​ഷ​നും കൊ​ണ്ടാ​ണ് ജീ​വി​തം മു​ന്നോ​ട്ട് പോ​കു​ന്ന​ത്. ഡിസ്ക് സം​ബ​ന്ധ​മാ​യ അ​സു​ഖ​ത്തെ​തു​ട​ർ​ന്ന് ന​ട​ക്കാ​ൻ പ്ര​യാ​സ​പ്പെ​ടു​ന്ന സ​ത്യ​ഭാ​മ​ക്ക് ആ​കെ​യു​ള്ള അ​ത്താ​ണി അ​മ്മി​ണി​യാ​ണ്.

ഇ​വ​ർ​ക്കാ​ണെ​ങ്കി​ൽ കേ​ൾ​വി​ക്കു​റ​വു​മു​ണ്ട്. ശ്ര​വ​ണ​സ​ഹാ​യി വെ​ക്ക​ണ​മെ​ങ്കി​ൽ 35,000 രൂ​പ​യോ​ളം വേ​ണം. 35 വ​ർ​ഷ​മാ​യി എ​ട​രി​ക്കോ​ട് പി.​കെ.​എം.​എം.​എ​ച്ച്.​എ​സ്.​എ​സ് സ്കൂ​ൾ റോ​ഡി​നോ​ട് ചേ​ർ​ന്ന കെ.​കെ ക്വാ​ർ​ട്ടേ​ഴ്സി​ലാ​ണ് താ​മ​സം. ര​ണ്ടാ​യി​രം രൂ​പ​യാ​ണ് മാ​സ​വാ​ട​ക. ഇ​തോ​ടൊ​പ്പം ചി​കി​ത്സ​ക്കു​ള്ള പ​ണ​വും ക​ണ്ടെ​ത്ത​ണം. അ​മ്മി​ണി തി​രി​ച്ചെ​ത്തു​ന്ന​ത് വ​രെ ത​നി​ച്ചാ​ണ് സ​ത്യ​ഭാ​മ.

പ​രേ​ത​രാ​യ വേ​ലു​വി​ന്റെ​യും അ​മ്മാ​ളു​വി​ന്റെ​യും ഏ​ഴ് മ​ക്ക​ളി​ൽ മൂ​ന്നാ​മ​ത്തേ​യും ഏ​റ്റ​വും ഇ​ള​യ​തു​മാ​ണ് ഇ​രു​വ​രും. അ​യ​ൽ​വാ​സി ബാ​പ്പു വാ​ങ്ങി​ക്കൊ​ടു​ത്ത അ​രീ​ക്ക​ലി​ലെ വീ​ട്ടി​ൽ ന​ല്ല നി​ല​യി​ലാ​യി​രു​ന്നു കു​ടും​ബം ക​ഴി​ഞ്ഞി​രു​ന്ന​ത്.

സ​ഹോ​ദ​ര​ന്മാ​രു​ടെ ആ​വ​ശ്യ​ങ്ങ​ൾ​ക്കാ​യി ബാ​ങ്ക് വാ​യ്പ​യെ​ടു​ത്ത​തി​നെ തു​ട​ർ​ന്നു​ണ്ടാ​യ ക​ട​ത്തി​ൽ വീ​ട് വി​റ്റു. പി​ന്നീ​ട് കോ​ഴി​ച്ചെ​ന​യി​ൽ താ​മ​സി​ക്കു​മ്പോ​ഴാ​യി​രു​ന്നു സ​ത്യ​ഭാ​മ​യു​ടെ വി​വാ​ഹം. കോ​ട്ട​ക്ക​ൽ കു​റ്റി​പ്പു​റ​ത്ത് വാ​ങ്ങി​യ വീ​ട്ടി​ൽ ക​ഴി​യു​ന്ന​തി​നി​ടെ അ​മ്മി​ണി​യു​ടെ വി​വാ​ഹം ക​ഴി​ഞ്ഞെ​ങ്കി​ലും ദാ​മ്പ​ത്യം അ​ധി​ക​കാ​ലം നീ​ണ്ടു​നി​ന്നി​ല്ല. ഇ​തി​നി​ടെ പ​ട്ടാ​ള​ക്കാ​ര​നാ​യ മൂ​ത്ത സ​ഹോ​ദ​ര​ൻ മ​രി​ച്ചു.

മ​റ്റൊ​രു സ​ഹോ​ദ​ര​ന് വേ​ണ്ടി ഈ ​വീ​ട് വി​റ്റു. പി​ന്നീ​ട് പൊ​ട്ടി​പ്പാ​റ​യി​ൽ വാ​ട​ക വീ​ട്ടി​ൽ അ​മ്മ​ക്കൊ​പ്പ​മാ​യി ഇ​രു​വ​രു​ടെ​യും ജീ​വി​തം. അ​മ്മ മ​രി​ച്ച​തോ​ടെ അ​മ്മി​ണി സ​ത്യ​ഭാ​മ​ക്കും ഭ​ർ​ത്താ​വി​നൊ​പ്പ​മാ​യി. എ​ട്ട് വ​ർ​ഷം മു​മ്പ് ഇ​ദ്ദേ​ഹ​വും മ​രി​ച്ചു. സ​ഹോ​ദ​ര​ന്മാ​രും ​ൈ​കയൊ​ഴി​ഞ്ഞ​തോ​ടെ തീ​ർ​ത്തും ഒ​റ്റ​പ്പെ​ട്ട ജീ​വി​തം.

സ​ത്യ​ഭാ​മ​യു​ടെ ഏ​ക​മ​ക​ളെ ഉ​ള്ള്യേ​രി​യി​ലേ​ക്കാ​ണ് വി​വാ​ഹം ക​ഴി​ച്ച​ത്. ഭൂ​ര​ഹി​ത-​ഭ​വ​ന​ര​ഹി​ത പ​ദ്ധ​തി​യി​ലു​ൾ​പ്പെ​ട്ട കു​ടും​ബ​മാ​ണെ​ന്നും സ്ഥ​ലം ക​ണ്ടെ​ത്തി ര​ജി​സ്റ്റ​ർ ചെ​യ്യു​ന്ന​തി​ന​നു​സ​രി​ച്ച് ഭൂ​മി​ക്കും വീ​ടി​നു​മു​ള്ള തു​ക കൈ​മാ​റു​മെ​ന്നു​മാ​ണ് ന​വ​കേ​ര​ള സ​ദ​സ്സി​ൽ ന​ൽ​കി​യ പ​രാ​തി​ക്ക് ല​ഭി​ച്ച മ​റു​പ​ടി.