കേരളപ്പിറവിയിൽ വീടിന് കുറ്റിയടിക്കും; മിഥുനും പ്രവീണിനും സന്തോഷപ്പിറവി

കോ​ട്ട​ക്ക​ൽ: ഭി​ന്ന​ശേ​ഷി​ക്കാ​രാ​യ ര​ണ്ട് ആ​ൺ​മ​ക്ക​ളു​മാ​യി ദു​രി​ത​ജീ​വി​തം ന​യി​ക്കു​ന്ന കു​ടും​ബ​ത്തി​നു​ള്ള സ്നേ​ഹ​വീ​ടി​ന്‍റെ കു​റ്റി​യ​ടി​ക്ക​ൽ കേ​ര​ള​പ്പി​റ​വി​ദി​ന​മാ​യ ചൊ​വ്വാ​ഴ്ച ന​ട​ക്കും. വൈ​കീ​ട്ട് മൂ​ന്നി​ന് പാ​ലോ​ളി മു​ഹ​മ്മ​ദ് കു​ട്ടി ക​ർ​മം നി​ർ​വ​ഹി​ക്കും. നാ​യാ​ടി​പ്പാ​റ​യി​ലെ വാ​ട​ക ക്വാ​ര്‍ട്ടേ​ഴ്സി​ൽ ക​ഴി​യു​ന്ന പൂ​ഴി​ത്ത​റ പ്ര​ഭാ​ക​ര​നും ഭാ​ര്യ പു​ഷ്പ​ക്കും മ​ക്ക​ളാ​യ മി​ഥു​നും (27) പ്ര​വീ​ണിനുമാ​ണ് (24) പാ​ണ്ട​മം​ഗ​ല​ത്ത് വീ​ട് നി​ർ​മി​ക്കു​ന്ന​ത്. ഇ​വ​രു​ടെ ദു​രി​ത​ത്തെ​ക്കു​റി​ച്ച് സെ​പ്റ്റം​ബ​ർ 22ന് '​മാ​ധ്യ​മം' വാ​ര്‍ത്ത ന​ല്‍കി​യ​തോ​ടെ സി.​പി.​എം കോ​ട്ട​പ്പ​ടി ബ്രാ​ഞ്ച് ക​മ്മി​റ്റി വീ​ട് നി​ർ​മാ​ണം ഏ​റ്റെ​ടു​ക്കു​ക​യാ​യി​രു​ന്നു. ആ​റു​മാ​സ​ത്തി​ന​കം വീ​ടെ​ന്ന സ്വ​പ്നം യാ​ഥാ​ർ​ഥ്യ​മാ​ക്കാ​നാ​ണ് തീ​രു​മാ​നം.

പാ​ണ്ട​മം​ഗ​ല​ത്ത് കു​ടും​ബ​ത്തി​ന്റെ പേ​രി​ലു​ള്ള അ​ഞ്ച് സെ​ന്റ് സ്ഥ​ല​ത്താ​ണ് നി​ർ​മാ​ണം. എ​ൻ​ജി​നീ​യ​ര്‍ സു​രേ​ഷ് ബാ​ബു, കോ​ണ്‍ട്രാ​ക്ട​ര്‍ എ.​ആ​ര്‍.​കെ സാ​ദി​ഖി​ന്‍റെ​യും നേ​തൃ​ത്വ​ത്തി​ല്‍ വീ​ടി​ന്‍റെ കു​റ്റി​യ​ടി​ക്ക​ലി​നാ​വ​ശ്യ​മാ​യ ഭൂ​മി ഒ​രു​ക്കി​ക്ക​ഴി​ഞ്ഞു. ബ​ഹു​ജ​ന പ​ങ്കാ​ളി​ത്ത​ത്തോ​ടെ നി​ർ​മി​ക്കു​ന്ന വീ​ടി​ന് എ​ല്ലാ സു​മ​ന​സ്സു​ക​ളു​ടെ​യും സ​ഹാ​യ​സ​ഹ​ക​ര​ണ​ങ്ങ​ൾ ഉ​ണ്ടാ​ക​ണ​മെ​ന്ന് ലോ​ക്ക​ല്‍ ക​മ്മി​റ്റി സെ​ക്ര​ട്ട​റി ടി.​പി. ഷ​മീം അ​ഭ്യ​ർ​ഥി​ച്ചു. വീ​ട് നി​ർ​മാ​ണ ക​മ്മി​റ്റി​യു​ടെ മു​ഖ്യ ര​ക്ഷാ​ധി​കാ​രി യു. ​തി​ല​ക​ൻ, ര​ക്ഷാ​ധി​കാ​രി​ക​ളാ​യ എ​ൻ. പു​ഷ്പ​രാ​ജ​ൻ, ടി.​പി. ഷ​മീം, ചെ​യ​ർ​മാ​ൻ പ​ത്മ​നാ​ഭ​ൻ, കൗ​ൺ​സി​ല​ർ​മാ​രാ​യ ടി. ​ക​ബീ​ർ, യു. ​രാ​ഗി​ണി, ക​ൺ​വീ​ന​ർ എ​ൻ.​പി. സു​ർ​ജി​ത്ത്, പി.​വി. മ​ധു, ഹ​രി​ദാ​സ് ക​ള്ളി​യി​ൽ, ട്ര​ഷ​റ​ർ പി. ​സു​രേ​ഷ് കു​മാ​ർ എ​ന്നി​വ​രു​ടെ മേ​ൽ​നോ​ട്ട​ത്തി​ലാ​ണ് വീ​ടൊ​രു​ങ്ങു​ക. അ​പ​ക​ട​ത്തെ തു​ട​ർ​ന്ന് മു​ട്ടി​ന് താ​ഴെ മു​റി​ച്ചു​മാ​റ്റി​യ വ​ല​തു​കാ​ലു​മാ​യാ​ണ് പ്ര​വീ​ൺ ക​ഴി​യു​ന്ന​ത്. പ്രാ​യ​ത്തി​നൊ​പ്പം മ​ന​സ്സും ശ​രീ​ര​വു​മെ​ത്താ​ത്ത സ​ഹോ​ദ​ര​ങ്ങ​ൾ കോ​ട്ട​ക്ക​ൽ മ​നോ​വി​കാ​സ് സ്കൂ​ൾ വി​ദ്യാ​ർ​ഥി​ക​ളാ​ണ്. ക്ഷേത്രത്തി​ൽ താ​ൽ​ക്കാ​ലി​ക ജീ​വ​ന​ക്കാ​രി​യാ​ണ് പു​ഷ്പ. പ്ര​മേ​ഹ​രോ​ഗി​യാ​യ പ്ര​ഭാ​ക​ര​ൻ ഗു​ഡ്സ് ഓ​ട്ടോ​റി​ക്ഷ ഡ്രൈ​വ​റാ​ണ്.