കാ​രു​ണ്യ​മ​തി​ക​ൾ കൈ​കോ​ർ​ത്തു; പ്ര​വീ​ണി​നും മി​ഥു​നും വീ​ടാ​യി

കോ​ട്ട​ക്ക​ൽ: ഭി​ന്ന​ശേ​ഷി​ക്കാ​രാ​യ സ​ഹോ​ദ​ര​ങ്ങ​ൾ​ക്ക് വീ​ടെ​ന്ന സ്വ​പ്നം യാ​ഥാ​ർ​ഥ്യ​മാ​യി. സി.​പി.​എം കോ​ട്ട​പ്പ​ടി ബ്രാ​ഞ്ച് ക​മ്മി​റ്റി​യു​ടെ നേ​തൃ​ത്വ​ത്തി​ൽ ബ​ഹു​ജ​ന പി​ന്തു​ണ​യോ​ടെ​യാ​ണ് നാ​യാ​ടി​പ്പാ​റ​യി​ലെ മി​ഥു​നും പ്ര​വീ​ണി​നും സ്നേ​ഹ​വീ​ട് നി​ർ​മി​ച്ച​ത്.

മേ​യ് 28ന് ​വൈ​കു​ന്നേ​രം മൂ​ന്ന​ര​ക്ക് ന​ട​ക്കു​ന്ന ച​ട​ങ്ങി​ൽ സി.​പി.​എം പോ​ളി​റ്റ്ബ്യൂ​റോ അം​ഗം എ. ​വി​ജ​യ​രാ​ഘ​വ​ൻ താ​ക്കോ​ൽ കൈ​മാ​റ്റം നി​ർ​വ​ഹി​ക്കും. ക​ഴി​ഞ്ഞ സെ​പ്റ്റം​ബ​ർ 22ന് ​ഇ​വ​രു​ടെ ദു​രി​തം ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. രോ​ഗം ബാ​ധി​ച്ച് വ​ർ​ഷ​ങ്ങ​ളാ​യി വാ​ട​ക വീ​ട്ടി​ൽ ക​ഴി​യു​ന്ന പൂ​ഴി​ത്ത​റ പ്ര​ഭാ​ക​ര​ന്റെ​യും പു​ഷ്പ​യു​ടെ​യും മ​ക്ക​ളാ​ണ്. കോ​ട്ട​ക്ക​ൽ മ​നോ​വി​കാ​സ് സ്കൂ​ളി​ലെ ഭി​ന്ന​ശേ​ഷി വി​ദ്യാ​ർ​ഥി​ക​ളാ​യ ഇ​രു​വ​രും പ്രാ​യ​ത്തി​നൊ​പ്പം മ​ന​സ്സും ശ​രീ​ര​വു​മെ​ത്താ​ത്ത​വ​രാ​ണ്. അ​പ​ക​ട​ത്തി​ൽ പ​രി​ക്കേ​റ്റ​തി​നെ തു​ട​ർ​ന്ന് വ​ല​തു​കാ​ൽ മു​ട്ടി​ന് താ​ഴെ മു​റി​ച്ചു​മാ​റ്റി​യ നി​ല​യി​ലാ​ണ് മൂ​ത്ത​യാ​ളാ​യ പ്ര​വീ​ൺ. അ​പ​ക​ട​ത്തെ തു​ട​ർ​ന്ന് വ​ർ​ഷ​ങ്ങ​ൾ നീ​ണ്ട നി​യ​മ പോ​രാ​ട്ട​ത്തി​നൊ​ടു​വി​ൽ പ്ര​വീ​ണി​ന് ജീ​വ​നാം​ശ​മാ​യി കോ​ട​തി വ​ഴി ല​ഭി​ച്ച പ​ണം കൊ​ണ്ട് പാ​ണ്ട​മം​ഗ​ല​ത്ത് വാ​ങ്ങി​യ അ​ഞ്ച് സെ​ന്റ് ഭൂ​മി​യി​ലാ​ണ് വീ​ടെ​ന്ന സ്വ​പ്നം യാ​ഥാ​ർ​ഥ്യ​മാ​യ​ത്. ര​ണ്ട് കി​ട​പ്പു​മു​റി, ഹാ​ൾ, അ​ടു​ക്ക​ള, ശൗ​ചാ​ല​യം എ​ന്നി​വ​യ​ട​ങ്ങു​ന്ന​താ​ണ് സ്വ​പ്ന​ഭ​വ​നം. ച​ട​ങ്ങി​ൽ ഭ​വ​ന​ര​ഹി​ത​രാ​യ കു​ടും​ബ​ങ്ങ​ൾ​ക്ക് വീ​ട് നി​ർ​മാ​ണ​ത്തി​നു​ള്ള സ​ഹാ​യ​വി​ത​ര​ണ​വും ന​ട​ക്കും.