ര​ണ്ട​ത്താ​ണി​യി​ൽ അ​ടി​പ്പാ​ത; ദേ​ശീ​യ​പാ​ത ഉ​പ​രോ​ധി​ച്ച് നാ​ട്ടു​കാ​ർ, സം​ഘ​ർ​ഷം

കോ​ട്ട​ക്ക​ൽ: ആ​റു​വ​രി​പ്പാ​ത​യി​ൽ അ​ടി​പ്പാ​ത വേ​ണ​മെ​ന്നാ​വ​ശ്യ​പ്പെ​ട്ട് കോ​ഴി​ക്കോ​ട്-​തൃ​ശൂ​ർ പാ​ത​യി​ൽ ര​ണ്ട​ത്താ​ണി​യി​ൽ ദേ​ശീ​യ​പാ​ത ഉ​പ​രോ​ധി​ച്ച​ത് സം​ഘ​ർ​ഷ​ങ്ങ​ൾ​ക്ക് വ​ഴി​വെ​ച്ചു. ആ​ക്ഷ​ൻ കൗ​ൺ​സി​ലി​ന്റെ നേ​തൃ​ത്വ​ത്തി​ൽ പാ​ത ഉ​പ​രോ​ധി​ച്ച സ്ത്രീ​ക​ള​ട​ക്ക​മു​ള്ള​വ​രെ പൊ​ലീ​സ് വാ​ഹ​ന​ത്തി​ലേ​ക്ക് മാ​റ്റി​യ​ത് വ​ലി​യ പ്ര​തി​ഷേ​ധ​ങ്ങ​ൾ​ക്ക് സാ​ക്ഷ്യം വ​ഹി​ച്ചു. ജ​ന​പ്ര​തി​നി​ധി​ക​ള​ട​ക്ക​മു​ള്ള​വ​ർ​ക്ക് നി​ര​വ​ധി ത​വ​ണ നി​വേ​ദ​നം കൊ​ടു​ത്തി​ട്ടും ന​ട​പ​ടി​യു​ണ്ടാ​കാ​ത്ത സാ​ഹ​ച​ര്യ​ത്തി​ലാ​ണ് തു​ട​ർ​സ​മ​ര പ​രി​പാ​ടി​യു​ടെ ഭാ​ഗ​മാ​യി പാ​ത ഉ​പ​രോ​ധി​ച്ച​ത്.

ഞാ​യ​റാ​ഴ്ച വൈ​കു​ന്നേ​രം അ​ഞ്ചേ​കാ​ലോ​ടെ​യാ​ണ് സ്ത്രീ​ക​ളും കു​ട്ടി​ക​ളു​മ​ട​ക്കം നൂ​റു​ക​ണ​ക്കി​ന് പേ​ർ പാ​ത​യി​ൽ കു​ത്തി​യി​രി​പ്പ് സ​മ​ര​മാ​രം​ഭി​ച്ച​ത്. തു​ട​ർ​ന്ന് മു​ദ്രാ​വാ​ക്യം വി​ളി​ക​ളാ​രം​ഭി​ച്ചു. സ​ർ​വി​സ് റോ​ഡാ​യ​തി​നാ​ൽ ഇ​തു​വ​ഴി​യു​ള്ള ഗ​താ​ഗ​തം പൂ​ർ​ണ​മാ​യും ത​ട​സ്സ​പ്പെ​ട്ടു. ഇ​തോ​ടെ താ​നൂ​ർ ഡി​വൈ.​എ​സ്.​പി വി.​വി. ബെ​ന്നി​യു​ടെ നേ​തൃ​ത്വ​ത്തി​ൽ പൊ​ലീ​സ് ന​ട​പ​ടി​യാ​രം​ഭി​ച്ചു. മു​ൻ​നി​ര​യി​ലു​ണ്ടാ​യി​രു​ന്ന​വ​രെ അ​റ​സ്റ്റ് ചെ​യ്ത് മാ​റ്റാ​ൻ ശ്ര​മി​ച്ച​തോ​ടെ ഉ​ന്തും ത​ള്ളു​മാ​യി. ഇ​തോ​ടെ ബ​ലം പ്ര​യോ​ഗി​ച്ച് പ്ര​തി​ഷേ​ധ​ക്കാ​രെ വാ​ഹ​ന​ത്തി​ലേ​ക്ക് മാ​റ്റി.

പി​ന്നാ​ലെ മു​ഴു​വ​ൻ സ​മ​ര​ക്കാ​രേ​യും റോ​ഡി​ൽ​നി​ന്ന് മാ​റ്റി ഗ​താ​ഗ​തം പു​നഃ​സ്ഥാ​പി​ച്ചു. എ​ന്നാ​ൽ ക​സ്റ്റ​ഡി​യി​ൽ എ​ടു​ത്ത​വ​രെ വി​ട്ട​യ​ക്ക​ണ​മെ​ന്നാ​വ​ശ്യ​വു​മാ​യി പ്ര​തി​ഷേ​ധ​ക്കാ​ർ മു​ദ്രാ​വാ​ക്യ​ങ്ങ​ളു​മാ​യി നി​ല​യു​റ​പ്പി​ച്ചു. ശേ​ഷം ഇ​വ​രെ വി​ട്ട​യ​ച്ചു. സ​മ​ര​ത്തി​ന് ജ​ന​പ്ര​തി​നി​ധി​ക​ൾ, വി​വി​ധ രാ​ഷ്ട്രീ​യ പാ​ർ​ട്ടി നേ​താ​ക്ക​ൾ, പൗ​ര​പ്ര​മു​ഖ​ർ, വ്യാ​പാ​രി​ക​ൾ എ​ന്നി​വ​ർ നേ​തൃ​ത്വം ന​ൽ​കി. പാ​ത ഉ​പ​രോ​ധി​ച്ച 250ഓ​ളം പേ​ർ​ക്കെ​തി​രെ കാ​ടാ​മ്പു​ഴ പൊ​ലീ​സ് കേ​സെ​ടു​ത്തു.

സം​ഘ​ർ​ഷ സാ​ധ്യ​ത ക​ണ​ക്കി​ലെ​ടു​ത്ത് വ​ൻ പൊ​ലീ​സ് സ​ന്നാ​ഹ​മാ​ണ് എ​ത്തി​യി​രു​ന്ന​ത്. നി​ർ​മാ​ണ ക​മ്പ​നി​യാ​യ കെ.​എ​ൻ.​ആ​ർ.​സി പ്ര​വൃ​ത്തി​ക​ളു​മാ​യി മു​ന്നോ​ട്ട് പോ​യ​തോ​ടെ വി​വി​ധ സം​ഘ​ട​ന​ക​ൾ ഹൈ​കോ​ട​തി​യി​ൽ ന​ൽ​കി​യ ഹ​ര​ജി തി​ങ്ക​ളാ​ഴ്ച പ​രി​ഗ​ണി​ക്കും. കെ.​എ​ൻ.​ആ​ർ.​സി​യു​ടെ വി​ശ​ദീ​ക​ര​ണം കേ​ട്ട ശേ​ഷ​മാ​കും അ​ന്തി​മ​വി​ധി.

അ​നു​കൂ​ല തീ​രു​മാ​ന​മി​ല്ലെ​ങ്കി​ൽ സ​മ​ര​വു​മാ​യി മു​ന്നോ​ട്ടു​പോ​കാ​നാ​ണ് സ​മ​ര​സ​മി​തി തീ​രു​മാ​നം. സ്കൂ​ൾ, ആ​ശു​പ​ത്രി, മ​സ്ജി​ദ്, മ​ദ്റ​സ, പ്ര​ധാ​ന ഓ​ഫി​സു​ക​ള്‍, ലൈ​ബ്ര​റി, ലി​മി​റ്റ​ഡ് ബ​സ് സ്റ്റോ​പ്പ് കേ​ന്ദ്ര​ങ്ങ​ൾ തു​ട​ങ്ങി​യ​വ​യെ​ല്ലാം റോ​ഡി​ന്റെ ഇ​രു​ഭാ​ഗ​ങ്ങ​ളി​ലാ​യാ​ണു​ള്ള​ത്. ഇ​രു​വ​ശ​ങ്ങ​ളി​ലേ​ക്കും ക​ട​ക്കാ​ന്‍ കി​ലോ​മീ​റ്റ​റു​ക​ളോ​ളം ചു​റ്റേ​ണ്ട സ്ഥി​തി​യാ​ണ്.