ച​രി​ത്ര​മാ​യി കോ​ട്ട​ക്ക​ലി​ലെ കൂ​ട്ട​യോ​ട്ടം; പ​ങ്കെ​ടു​ത്ത​ത് ആ​യി​ര​ങ്ങ​ൾ

കോ​ട്ട​ക്ക​ൽ: ആ​രോ​ഗ്യ​മു​ള്ള ജീ​വി​ത​ശൈ​ലി​യെ കു​റി​ച്ച് ജ​ന​ങ്ങ​ളെ ബോ​ധ​വ​ത്ക​രി​ക്കാ​ൻ അ​വ​ർ ഓ​ടി ച​രി​ത്രം കു​റി​ച്ചു. ആ​യു​ർ​വേ​ദ ന​ഗ​രി​യെ ആ​വേ​ശ​ത്തി​ലാ​ഴ്ത്തി ന​ട​ന്ന പ്ര​ഥ​മ ഫാ​സ് ഹോ​ൽ​ഡി​ങ്സ് കോ​ട്ട​ക്ക​ൽ മാ​ര​ത്ത​ണി​ൽ പ​ങ്കെ​ടു​ത്ത​ത് ആ​ൺ-​പെ​ൺ വി​ഭാ​ഗ​ങ്ങ​ളി​ലാ​യി ആ​യി​ര​ത്തോ​ളം പേ​ർ. കോ​ട്ട​ക്ക​ൽ റ​ണ്ണേ​ഴ്സ് ക്ല​ബ് ആ​യി​രു​ന്നു സം​ഘാ​ട​ക​ർ. പ​ത്തു കി​ലോ​മീ​റ്റ​ർ വി​ഭാ​ഗം ഫ്ലാ​ഗ് ഓ​ഫ് കോ​ട്ട​ക്ക​ൽ ന​ഗ​ര​സ​ഭ അ​ധ്യ​ക്ഷ ഡോ. ​ഹ​നീ​ഷ​യും അ​ഞ്ചു കി​ലോ​മീ​റ്റ​ർ വി​ഭാ​ഗം ഫ്ലാ​ഗ് ഓ​ഫ് വ​ട​ക​ര ആ​ർ.​ഡി.​ഒ​യു​മാ​യ അ​ൻ​വ​ർ സാ​ദ​ത്തും നി​ർ​വ​ഹി​ച്ചു.

കോ​ട്ട​ക്ക​ൽ സ​ർ​ക്കി​ൾ ഇ​ൻ​സ്പെ​ക്ട​ർ അ​ശ്വി​ത് കാ​ര​ന്മ​യി​ൽ മു​ഖ്യാ​തി​ഥി​യാ​യി. പ​ത്തു​കി​ലോ​മീ​റ്റ​ർ പു​രു​ഷ വി​ഭാ​ഗ​ത്തി​ൽ മു​ഹ​മ്മ​ദ് അം​നാ​സ്, ആ​സി​ഫ് അ​ലി, ആ​ദി​ൽ ആ​യി​ഷ എ​ന്നി​വ​രും വ​നി​ത വി​ഭാ​ഗ​ത്തി​ൽ അ​നു​ശ്രീ, സെ​റീ​ന സാ​ദി​ഖ്, ഉ​ഷ എ​ന്നി​വ​ർ യ​ഥാ​ക്ര​മം മൂ​ന്ന് സ്ഥാ​ന​ങ്ങ​ളി​ൽ ഫി​നി​ഷ് ചെ​യ്തു. അ​ഞ്ചു​കി​ലോ​മീ​റ്റ​ർ പു​രു​ഷ വി​ഭാ​ഗ​ത്തി​ൽ അ​ബ്ദു​ൽ സ​മ​ദ്, സി​ദ്ധാ​ർ​ഥ്, മു​ഹ​മ്മ​ദ് ജു​നൈ​ദ് എ​ന്നി​വ​രും വ​നി​ത വി​ഭാ​ഗ​ത്തി​ൽ പി. ​സു​ബൈ​ദ, അ​ഫ്ലി പ​റ​വ​ത്ത്, ഐ​മ സ​റ എ​ന്നി​വ​രും ആ​ദ്യ മൂ​ന്നു സ്ഥാ​ന​ങ്ങ​ളി​ലും ഫി​നി​ഷ് ചെ​യ്തു.

സ​മാ​പ​ന ച​ട​ങ്ങി​ൽ ആ​ബി​ദ് ഹു​സൈ​ൻ ത​ങ്ങ​ൾ എം.​എ​ൽ.​എ, കോ​ട്ട​ക്ക​ൽ ആ​ര്യ​വൈ​ദ്യ​ശാ​ല മാ​നേ​ജി​ങ് ട്ര​സ്റ്റി ഡോ. ​പി. മാ​ധ​വ​ൻ​കു​ട്ടി വാ​ര്യ​ർ, കോ​ട്ട​ക്ക​ൽ സ​ബ് ഇ​ൻ​സ്പെ​ക്ട​ർ വി​മ​ൽ കു​മാ​ർ എ​ന്നി​വ​ർ പ​ങ്കെ​ടു​ത്തു.