കോട്ടക്കലിൽ ഡോ. ഹനീഷ ചെയർപേഴ്സൺ; ഇടത് കൗൺസിലറുടെ വോട്ട് ലീഗ് സ്ഥാനാർഥിക്ക്

കോട്ടക്കൽ: വിഭാഗീയതയെ തുടർന്ന് ഭരണം നഷ്ടപ്പെട്ട കോട്ടക്കൽ നഗരസഭ തിരിച്ചുപിടിച്ച് മുസ്ലീം ലീഗ്‌. സി.പി.എം കൗൺസിലറുടെ പിന്തുണയോടെ ഏഴിനെതിരെ 20 വോട്ടിന്റെ ഭൂരിപക്ഷത്തിൽ ഡോ. ഹനീഷ ചെയർപേഴ്സണായി. ഒമ്പത് സീറ്റുള്ള സി.പി.എമ്മിലെ അടാട്ടിൽ റഷീദ വിട്ടു നിന്നപ്പോൾ ഫഹദ് നരിമടയ്ക്കലിന്റെ വോട്ട് ഹനീഷക്ക് ലഭിച്ചു. സി.പി.എം സ്ഥാനാർഥിയായി മത്സരിച്ച സനീല പ്രവീണിന് ഏഴ് വോട്ടാണ് ലഭിച്ചത്.