Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightKottakkalchevron_rightബുള്ളറ്റ് മോഷണം:...

ബുള്ളറ്റ് മോഷണം: വ്യത്യസ്ത കേസില്‍ മൂന്നുപേര്‍ അറസ്​റ്റില്‍

text_fields
bookmark_border
ബുള്ളറ്റ് മോഷണം: വ്യത്യസ്ത കേസില്‍ മൂന്നുപേര്‍ അറസ്​റ്റില്‍
cancel

കോട്ടക്കല്‍: ബുള്ളറ്റ് മോഷണവുമായി ബന്ധപ്പെട്ട് കോട്ടക്കലില്‍ വ്യത്യസ്ത കേസില്‍ മൂന്ന് പേര്‍ അറസ്​​റ്റിൽ. തിരൂര്‍ കൂട്ടായി സ്വദേശികളായ കോയസാൻറകത്ത് മുഹമ്മദ് റാഫി (28), മുല്ലപ്പള്ളി ഷൗക്കത്ത് (26), മറ്റൊരു കേസില്‍ തിരൂര്‍ പുല്ലൂര്‍ സ്വദേശിയായ ആലുക്കല്‍ ജുനൈദുമാണ് (25) പിടിയിലായത്. ബുധനാഴ്ച കോട്ടക്കലില്‍ മോട്ടോര്‍ വാഹന വകുപ്പ് നടത്തിയ പരിശോധനയില്‍ മോഷണം പോയ ബുള്ളറ്റ് കണ്ടെത്തിയിരുന്നു. ഈ കേസില്‍ നടത്തിയ അന്വേഷണത്തിലാണ് മുഹമ്മദ് റാഫിയും ഷൗക്കത്തും അറസ്​റ്റിലായത്. വാഹനം ഓടിച്ചിരുന്ന റാഫിയെ ചോദ്യം ചെയ്തതോടെയാണ് സംഭവത്തി‍െൻറ ചുരുളഴിഞ്ഞത്. ഷൗക്കത്തില്‍നിന്ന്​ വാടകക്ക് ബുള്ളറ്റ് എടുത്തതാണെന്നാണ് ഇയാള്‍ നല്‍കിയ മൊഴി. തുടരന്വേഷണത്തിലാണ് ഷൗക്കത്തും പിടിയിലായത്. ഇയാള്‍ക്ക് വാഹനം കൈമാറിയയാളെ കുറിച്ച് വ്യക്തമായ വിവരം ലഭിച്ചതായി കോട്ടക്കല്‍ സ്​റ്റേഷന്‍ ഇന്‍സ്പെക്ടര്‍ കെ.ഒ. പ്രദീപ്, എസ്.ഐ റിയാസ് ചാക്കീരി എന്നിവര്‍ പറഞ്ഞു.

തിരൂരില്‍നിന്നും കോട്ടക്കലില്‍നിന്നും മോഷണം പോയ ബുള്ളറ്റുകള്‍ കണ്ടെടുത്ത കേസിലാണ് ജുനൈദി‍െൻറ അറസ്​റ്റ്​. ദേശീയപാത നവീകരണത്തിനിടെ കുര്‍ബാനിയില്‍നിന്നുമാണ് ബുള്ളറ്റ് മോഷണംപോയത്. പിടികൂടിയ ജുനൈദില്‍നിന്ന്​ ലഭിച്ച വിവരത്തി‍െൻറ അടിസ്ഥാനത്തില്‍ നടത്തിയ അന്വേഷണത്തില്‍ മോഷണംപോയതും പുതിയ ബുള്ളറ്റുമടക്കം രണ്ടെണ്ണം കണ്ടെടുത്തത്. ലഹരിമരുന്നുകള്‍ ഉപയോഗിക്കുന്ന പ്രതികള്‍ പണം കണ്ടെത്താനായാണ് മോഷണത്തിലേക്ക് തിരിഞ്ഞതെന്നാണ് പൊലീസ് നല്‍കുന്ന സൂചന.

വിലകൂടിയ ബൈക്കുകള്‍ നിമിഷ നേരംകൊണ്ട് പൂട്ടുപൊളിച്ച്​ മോഷ്​ടിക്കാന്‍ പരിശീലനം സിദ്ധിച്ചവരാണ് പ്രതികളെന്നും മുമ്പും മോഷണകേസുകളില്‍ പ്രതികളായവരാണിവരെന്നും പൊലീസ് അറിയിച്ചു.എസ്.ഐ കെ. സുരേന്ദ്രന്‍, എ.എസ്.ഐ രജീന്ദ്രന്‍, സി.പി.ഒമാരായ സെബാസ്​റ്റ്യന്‍ വര്‍ഗീസ്, സുരാജ്, അന്‍വര്‍ സാദത്ത്​, പി. സുജിത് എന്നിവരടങ്ങുന്ന സംഘമാണ് പ്രതികളെ വലയിലാക്കിയത്. പ്രതികളെ റിമാൻഡ്​ ചെയ്തു.

Show Full Article
TAGS:Theft Bullet Bikes Kottakkal 
Next Story