കുന്നത്ത് കോളനിയിലടക്കം വെള്ളമെത്തിക്കാന്‍ താൽക്കാലിക നടപടി

കൊ​ണ്ടോ​ട്ടി: വേ​ന​ല്‍ ക​ന​ക്കു​മ്പോ​ള്‍ ശു​ദ്ധ​ജ​ല ക്ഷാ​മം രൂ​ക്ഷ​മാ​കു​ക​യും ന​ഗ​ര​സ​ഭ​യി​ല്‍ പ്ര​ഖ്യാ​പി​ച്ച കി​ഫ്ബി-അ​മൃ​ത് കു​ടി​വെ​ള്ള വി​ത​ര​ണ പ​ദ്ധ​തി​യു​ടെ പൂ​ര്‍ത്തീ​ക​ര​ണം വൈ​കു​ന്ന​തി​ല്‍ ജ​ന​രോ​ഷം ശ​ക്ത​മാ​കു​ക​യും ചെ​യ്യു​മ്പോ​ള്‍ കോ​ട​ങ്ങാ​ട് കു​ന്ന​ത്ത് എ​സ്.​സി കോ​ള​നി​യു​ള്‍പ്പെ​ടെ​യു​ള്ള പ്ര​ദേ​ശ​ങ്ങ​ളി​ലേ​ക്ക് താ​ൽ​ക്കാ​ലി​ക​മാ​യി വെ​ള്ള​മെ​ത്തി​ക്കാ​ന്‍ ന​ട​പ​ടി​യാ​രം​ഭി​ച്ചു. ചീ​ക്കോ​ട് ശു​ദ്ധീ​ക​ര​ണ കേ​ന്ദ്ര​ത്തി​ല്‍ നി​ന്ന് കു​മ്പ​ള​പ്പാ​റ​യി​ല്‍ സ്ഥാ​പി​ച്ച 16 ല​ക്ഷം ലി​റ്റ​ര്‍ സം​ഭ​ര​ണ ശേ​ഷി​യു​ള്ള ടാ​ങ്കി​ലേ​ക്ക് വെ​ള്ള​മെ​ത്തി​ക്കാ​നു​ള്ള പ്ര​വൃ​ത്തി​ക​ളാ​ണ് വാ​ട്ട​ര്‍ അ​തോ​റി​റ്റി മ​ല​പ്പു​റം പ്രൊ​ജ​ക്ട് ഡി​വി​ഷ​ന്റെ നേ​തൃ​ത്വ​ത്തി​ല്‍ ആ​രം​ഭി​ച്ചത്. മു​സ്‍ലി​യാ​ര​ങ്ങാ​ടി മേ​ഖ​ല​യു​ള്‍പ്പെ​ടെ 15 ഓളം ​വാ​ര്‍ഡു​ക​ളി​ലേ​ക്ക് ജ​ല വി​ത​ര​ണ​ത്തി​നാ​യി സ്ഥാ​പി​ച്ച കു​മ്പ​ള​പ്പാ​റ ടാ​ങ്കി​ലേ​ക്കു മാ​ത്രം വെ​ള്ള​മെ​ത്തി​ക്കാ​ന്‍ ചീ​ക്കോ​ട് നി​ർ​മി​ച്ച ര​ണ്ടാ​മ​ത്തെ ശു​ദ്ധീ​ക​ര​ണ കേ​ന്ദ്ര​ത്തി​ല്‍ ഇ​തു​വ​രെ വൈ​ദ്യു​തി ബ​ന്ധം ല​ഭി​ച്ചി​ട്ടി​ല്ല. ഇ​ത് ജലവി​ത​ര​ണ​ത്തെ ബാ​ധി​ക്കു​ന്ന സാ​ഹ​ച​ര്യ​ത്തി​ല്‍ ശു​ദ്ധീ​ക​ര​ണ കേ​ന്ദ്ര​ത്തി​ല്‍ നി​ന്ന് കു​മ്പ​ള​പ്പാ​റ ടാ​ങ്കി​ലേ​ക്കു​ള്ള പൈ​പ്പ് ലൈ​നി​ലേ​ക്ക് വെ​ള്ള​മെ​ത്തി​ക്കാ​നു​ള്ള പ്ര​വൃ​ത്തി​ക​ളാ​ണ് ആ​രം​ഭി​ച്ച​ത്.

പ്ര​വൃ​ത്തി പൂ​ര്‍ത്തി​യാ​യാ​ല്‍ 11ാം വാ​ര്‍ഡി​ന്റെ ഒ​രു ഭാ​ഗം മു​ത​ല്‍ 26ാം വാ​ര്‍ഡ് വ​രെ​യു​ള്ള പ്ര​ദേ​ശ​ങ്ങ​ളി​ല്‍ വെ​ള്ളം ല​ഭി​ച്ചു തു​ട​ങ്ങും. കു​ടി​വെ​ള്ള​ക്ഷാ​മം അ​തി​രൂ​ക്ഷ​മാ​യ കോ​ട​ങ്ങാ​ട് കു​ന്ന​ത്ത് കോ​ള​നി, ചു​ള്ളി​യി​ല്‍, ആ​ശാ​രി​മു​ക്ക്, ചോ​ല​ക്ക​ല്‍ പ്ര​ദേ​ശ​ങ്ങ​ളി​ലു​ള്ള​വ​ര്‍ക്ക് ഇ​ത് ഒ​രു പ​രി​ധി വ​രെ ആ​ശ്വാ​സ​മാ​കും. മേ​ഖ​ല​യി​ലെ 75ല്‍ ​അ​ധി​കം കു​ടും​ബ​ങ്ങ​ളി​ലെ 500ല്‍ ​പ​രം പേ​ര്‍ക്ക് ഏ​ക ആ​ശ്ര​യ​മാ​യ കോ​ട​ങ്ങാ​ട് സ്വ​കാ​ര്യ വ്യ​ക്തി നി​ർ​മി​ച്ച കി​ണ​ര്‍ വ​റ്റു​ന്ന​തും ത​ദ്ദേ​ശീ​യ​ര്‍ ദാ​ഹ​ജ​ല​ത്തി​നാ​യി അ​ല​യു​ന്ന​തും ''മാ​ധ്യ​മം'' റി​പ്പോ​ര്‍ട്ട് ചെ​യ്തി​രു​ന്നു.

‘കു​മ്പ​ള​പ്പാ​റ ടാ​ങ്കി​ല്‍ വെ​ള്ള​മെ​ത്തു​ന്ന​ത് സ്വാ​ഗ​താ​ര്‍ഹം’

കൊ​ണ്ടോ​ട്ടി: ജ​ന​കീ​യ സ​മ്മ​ര്‍ദ​ത്തി​നൊ​ടു​വി​ല്‍ കി​ഫ്ബി കു​ടി​വെ​ള്ള പ​ദ്ധ​തി​യി​ലു​ള്‍പ്പെ​ട്ട കു​മ്പ​ള​പ്പാ​റ വാ​ട്ട​ര്‍ ടാ​ങ്കി​ല്‍ വെ​ള്ള​മെ​ത്തി​ക്കാ​നു​ള്ള നീ​ക്കം സ്വാ​ഗ​താ​ര്‍ഹ​മാ​ണെ​ന്ന് കി​ഫ്ബി-അ​മൃ​ത് വാ​ട്ട​ര്‍ പ്രോ​ജ​ക്റ്റ് പ്രൊ​ട്ട​ക്ഷ​ന്‍ ഫോ​റം. ഹൈ​ക്കോ​ട​തി​യി​ല്‍ പ്രൊ​ട്ട​ക്ഷ​ന്‍ ഫോ​റം ന​ല്‍കി​യ ഹ​ര​ജി​യി​ല്‍ കേ​ര​ള വാ​ട്ട​ര്‍ റി​സോ​ഴ്‌​സ​സ് ഡി​പ്പാ​ർ​ട്ട്മെ​ന്റ് വി​ശ​ദീ​ക​ര​ണം തേ​ടി​യ​തി​നെ തു​ട​ര്‍ന്ന് മു​ഖം ര​ക്ഷി​ക്കു​ന്ന​തി​നു​ള്ള വ്യ​ഗ്ര​ത​യി​ലാ​യി​രു​ന്നു വാ​ട്ട​ര്‍ അ​തോ​റി​റ്റി.

ചീ​ക്കോ​ട് ശു​ദ്ധീ​ക​ര​ണ ശാ​ല​യി​ല്‍ നി​ന്ന് കു​മ്പ​ള​പ്പാ​റ ടാ​ങ്കി​ലേ​ക്ക് ബൈ​പാ​സ് ചെ​യ്യു​ന്ന പ്ര​വൃ​ത്തി ആ​രം​ഭി​ക്കു​ന്ന​ത് ജ​ന​കീ​യ സ​മ​ര​ങ്ങ​ളു​ടെ വി​ജ​യ​മാ​ണ്. ജ​ന​ങ്ങ​ള്‍ക്ക് അ​ല്‍പ​മെ​ങ്കി​ലും ആ​സ്വാ​സം പ​ക​രു​ന്ന​താ​ണി​ത്. മേ​ല​ങ്ങാ​ടി ടാ​ങ്കും അ​ടി​യ​ന്ത​ര​മാ​യി ചാ​ര്‍ജ് ചെ​യ്യ​ണ​മെ​ന്നും പ്രൊ​ട്ട​ക്ഷ​ന്‍ ഫോ​റം ആ​വ​ശ്യ​പ്പെ​ട്ടു. പ്ര​സി​ഡ​ന്റ് റ​സാ​ഖ് കോ​ള​ങ്ങ​ര​ത്തൊ​ടി അ​ധ്യ​ക്ഷ​ത വ​ഹി​ച്ചു. പി.​കെ. റ​ഷീ​ദ്, ബാ​ബു കാ​ര, സി.​പി. പ്ര​കാ​ശ​ന്‍ എ​ന്നി​വ​ര്‍ സം​സാ​രി​ച്ചു.