സ​മ​രം എ​വി​ടെ​യാ​യാ​ലും കൊ​ണ്ടോ​ട്ടി ബ്ലോ​ക്കാ​കും...

കൊ​ണ്ടോ​ട്ടി: സ​മ​രം മ​ല​പ്പു​റ​ത്താ​യാ​ലും കോ​ഴി​ക്കോ​ട്ടാ​യാ​ലും കൊ​ണ്ടോ​ട്ടി നി​ശ്ച​ല​മാ​കും. ത​ക​ര്‍ന്ന​ടി​ഞ്ഞ നി​ര​ത്തു​ക​ളും ബൈ​പാ​സ്​ റോ​ഡു​ക​ളു​ടെ കു​റ​വു​മാ​ണ്​ ജി​ല്ല​യി​ലെ പ്ര​ധാ​ന ന​ഗ​ര​ത്തി​ന്​ വെ​ല്ലു​വി​ളി​യാ​കു​ന്ന​ത്.

കോ​ഴി​ക്കോ​ട് മു​സ്‌​ലിം ലീ​ഗി​െൻറ വ​ഖ​ഫ് സ​മ​ര​ത്തി​നാ​യി നി​ര​വ​ധി വാ​ഹ​ന​ങ്ങ​ള്‍ എ​ത്തി​യ​തോ​ടെ വ്യാ​ഴാ​ഴ്​​ച ഉ​ച്ച മു​ത​ൽ വ​ലി​യ ഗ​താ​ഗ​ത​ക്കു​രു​ക്കാ​ണ്​ കൊ​ണ്ടോ​ട്ടി​യി​ലു​ണ്ടാ​യ​ത്. രോ​ഗി​ക​ള്‍ ഉ​ള്‍പ്പെ​ടെ​യു​ള്ള​വ​രു​മാ​യെ​ത്തി​യ വാ​ഹ​ന​ങ്ങ​ളും മ​റ്റു യാ​ത്ര വാ​ഹ​ന​ങ്ങ​ളും ദേ​ശീ​യ​പാ​ത​യി​ലെ ഗ​താ​ഗ​ത​ക്കു​രു​ക്കി​ൽ കു​ടു​ങ്ങി. ഉ​ച്ച​ക്ക്​ 12ഓ​ടെ ആ​രം​ഭി​ച്ച ഗ​താ​ഗ​ത​ക്കു​രു​ക്ക്​ ബൈ​പാ​സ് റോ​ഡി​ല്‍ വൈ​കീ​ട്ട്​ അ​ഞ്ചു വ​രെ തു​ട​ര്‍ന്നു.

ആം​ബു​ല​ന്‍സു​ക​ള്‍ ഉ​ള്‍പ്പെ​ടെ​യു​ള്ള വാ​ഹ​ന​ങ്ങ​ള്‍ക്കു ക​ട​ന്നു പോ​കാ​ന്‍ പ്ര​ത്യേ​ക സം​വി​ധാ​ന​ങ്ങ​ള്‍ ഉ​ണ്ടാ​യി​രു​ന്നി​ല്ല. ദേ​ശീ​യ​പാ​ത​യി​ല്‍ കു​റു​പ്പ​ത്തും ന​ഗ​ര​മ​ധ്യ​ത്തി​ലും 17നു​മി​ട​യി​ലും രൂ​പ​പ്പെ​ട്ട വ​ലി​യ കു​ഴി​ക​ളാ​ണു ഗ​താ​ഗ​ത​ക്കു​രു​ക്കി​ന്​ പ്ര​ധാ​ന കാ​ര​ണ​മാ​കു​ന്ന​ത്. യാ​ത്ര പ്ര​തി​സ​ന്ധി പ​രി​ഹ​രി​ക്കാ​ന്‍ ബൈ​പാ​സ് റോ​ഡു​ക​ളു​ടെ കു​റ​വും തി​രി​ച്ച​ടി​യാ​കു​ന്നു. പൊ​ലീ​സി​നെ നി​യോ​ഗി​ച്ചാ​ൽ പോ​ലും കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലേ​ക്കു​ള്ള രോ​ഗി​ക​ളെ പോ​ലും വേ​ഗ​ത്തി​ലെ​ത്തി​ക്കാ​നാ​കാ​ത്ത അ​വ​സ്ഥ​യാ​ണ്​ ഇ​വി​ടെ​യു​ള്ള​ത്.

ക​രി​പ്പൂ​ര്‍ വി​മാ​ന​ത്താ​വ​ള​ത്തി​ന​ടു​ത്തു​ള്ള വ​ലി​യ ന​ഗ​ര​മെ​ന്ന നി​ല​യി​ല്‍ കൊ​ണ്ടോ​ട്ടി​യി​ലെ യാ​ത്ര പ്ര​തി​സ​ന്ധി​ക്ക്​ പ​രി​ഹാ​രം കാ​ണ​ണ​മെ​ന്ന ആ​വ​ശ്യം ശ​ക്ത​മെ​ങ്കി​ലും സ​ർ​ക്കാ​ർ ഇ​ട​പെ​ട​ല്‍ വൈ​കു​ക​യാ​ണ്. പ്ര​ശ്‌​ന​ത്തി​ല്‍ പ്ര​തി​ഷേ​ധ​ത്തി​നൊ​രു​ങ്ങു​ക​യാ​ണ് വി​വി​ധ സം​ഘ​ട​ന​ക​ള്‍.