കു​ടി​വെ​ള്ള പ​ദ്ധ​തി​ക്ക് റോ​ഡ് വെ​ട്ടി​പ്പൊ​ളി​ച്ചു; വ​ര്‍ഷ​ങ്ങ​ളാ​യിട്ടും വെ​ള്ള​വു​മി​ല്ല, വ​ഴി​യു​മി​ല്ല

കൊ​ണ്ടോ​ട്ടി: ക​ന​ക്കു​ന്ന മ​ഴ​യും വെ​ള്ള​ക്കെ​ട്ടും കൊ​ണ്ടോ​ട്ടി​യി​ല്‍ ഭീ​ഷ​ണി​യാ​കു​മ്പോ​ള്‍ ന​ഗ​ര​ത്തി​ന്റെ ഓ​രം ചേ​ര്‍ന്നു​ള്ള നീ​റാ​ട് നെ​ല്ലി​ക്കു​ന്ന് നി​വാ​സി​ക​ള്‍ കു​ടി​വെ​ള്ള​ത്തി​നാ​യി നാ​ട​ല​യു​ന്നു. ചീ​ക്കോ​ട് കു​ടി​വെ​ള്ള പ​ദ്ധ​തി​യി​ലു​ള്‍പ്പെ​ടു​ത്തി വെ​ള്ള​മെ​ത്തി​ക്കാ​ന്‍ പൈ​പ്പി​ടാ​ൻ പ്ര​ദേ​ശ​ത്തേ​ക്കു​ള്ള റോ​ഡ് വെ​ട്ടി​പ്പൊ​ളി​ച്ചെ​ന്ന​ല്ലാ​തെ ഈ ​മ​ഴ​ക്കാ​ല​ത്തും വെ​ള്ള​വും വ​ഴി​യു​മി​ല്ലാ​തെ വ​ല​യു​ക​യാ​ണ് ത​ദ്ദേ​ശീ​യ​ര്‍.

കു​ടി​വെ​ള്ളം ല​ഭി​ക്കു​ന്ന​തി​ന് രേ​ഖ​ക​ൾ ശ​രി​പ്പെ​ടു​ത്തു​ക​യും പ​ണ​മ​ട​ക്കു​ക​യും ചെ​യ്തി​ട്ടും പ്ര​ദേ​ശ​ത്തേ​ക്ക് വെ​ള്ള​മെ​ത്തി​ക്കാ​നു​ള്ള ന​ട​പ​ടി​ക​ളു​ണ്ടാ​യി​ട്ടി​ല്ലെ​ന്നും കു​ടി​വെ​ള്ള വി​ത​ര​ണ പ​ദ്ധ​തി​ക്ക് പൈ​പ്പ് ലൈ​ന്‍ സ്ഥാ​പി​ച്ച​തി​ലെ അ​പാ​ക​ത​യാ​ണ് പ്ര​ശ്‌​ന​കാ​ര​ണ​മെ​ന്നും നാ​ട്ടു​കാ​ര്‍ പ​റ​യു​ന്നു. വെ​ള്ളം കി​ട്ടി​യി​ല്ലെ​ന്നു മാ​ത്ര​മ​ല്ല ഉ​ള്ള വ​ഴി​യും ഇ​ല്ലാ​താ​യ ഗ​തി​കേ​ടാ​ണ് നെ​ല്ലി​ക്കു​ന്നി​ലേ​ത്. പൈ​പ്പ് ലൈ​ന്‍ സ്ഥാ​പി​ക്കാ​ന്‍ മൂ​ന്ന് വ​ര്‍ഷ​ങ്ങ​ള്‍ക്കു മു​മ്പ് കീ​റി​മു​റി​ച്ച റോ​ഡ് പൂ​ര്‍വ സ്ഥി​തി​യി​ലാ​ക്കി​യി​ട്ടി​ല്ല.

ത​ക​ര്‍ന്നു കി​ട​ക്കു​ന്ന നീ​റാ​ട്-​നെ​ല്ലി​ക്കു​ന്ന് വാ​ഹ​ന ഗ​താ​ഗ​തം ദു​ഷ്‌​ക​ര​മാ​ണ്. മ​ഴ ശ​ക്തി​യാ​ര്‍ജി​ക്കു​ന്ന​തോ​ടെ ഇ​തു​വ​ഴി കാ​ല്‍ന​ട​യാ​ത്ര​യും പ്ര​യാ​സ​ത്തി​ലാ​കും.

റോ​ഡ് പൂ​ര്‍വ സ്ഥി​തി​യാ​ക്കാ​നു​ള്ള തു​ക ന​ഗ​ര​സ​ഭ​ക്ക് നേ​ര​ത്തെ​ത​ന്നെ ന​ല്‍കി​യെ​ന്നാ​ണ് ജ​ല അ​തോ​റി​റ്റി​യി​ല്‍ നി​ന്ന് ല​ഭി​ക്കു​ന്ന വി​വ​ര​മെ​ന്നും കു​ടി​വെ​ള്ള പ​ദ്ധ​തി​ക്കാ​യി ന​ഗ​ര​സ​ഭ പ​രി​ധി​യി​ല്‍ വെ​ട്ടി​പ്പൊ​ളി​ച്ച നി​ര​വ​ധി റോ​ഡു​ക​ള്‍ ഇ​തി​ന​കം ന​ന്നാ​ക്കി​യെ​ങ്കി​ലും നീ​റാ​ട്-​നെ​ല്ലി​ക്കു​ന്ന് റോ​ഡി​നെ അ​വ​ഗ​ണി​ക്കു​ക​യാ​ണെ​ന്നും നാ​ട്ടു​കാ​ര്‍ ആ​രോ​പി​ക്കു​ന്നു. വെ​ള്ള​വും സ​ഞ്ചാ​ര​മാ​ർ​ഗ​വും ഉ​റ​പ്പാ​ക്കാ​ത്ത​പ​ക്ഷം ജ​ന​കീ​യ സ​മ​ര​ത്തി​നൊ​രു​ങ്ങു​ക​യാ​ണ് ത​ദ്ദേ​ശീ​യ​ര്‍.