അ​പ​ക​ട​ക്കെ​ണി​യാ​യി നെ​ടി​യി​രി​പ്പ് കോ​ള​നി-​മി​നി ഊ​ട്ടി റോ​ഡ്

കൊ​ണ്ടോ​ട്ടി: തീ​ര്‍ത്തും ത​ക​ര്‍ന്ന​ടി​ഞ്ഞ നെ​ടി​യി​രി​പ്പ് എ​ന്‍.​എ​ച്ച് കോ​ള​നി -മി​നി ഊ​ട്ടി റോ​ഡ് യാ​ത്രി​ക​ര്‍ക്ക് അ​പ​ക​ട​ക്കെ​ണി​യാ​കു​ന്നു. ചെ​ങ്കു​ത്താ​യ ക​യ​റ്റ​വും ഇ​റ​ക്ക​വും വ​ള​വു​ക​ളു​മു​ള്ള പാ​ത​യി​ല്‍ അ​നി​വാ​ര്യ​മാ​യ അ​റ്റ​കു​റ്റ​പ്പ​ണി​ക​ളി​ല്ലാ​ത്ത​തി​നാ​ല്‍ ടാ​ര്‍ അ​ട​ര്‍ന്ന് വ​ലി​യ കു​ഴി​ക​ളാ​ണ് രൂ​പ​പ്പെ​ട്ടി​രി​ക്കു​ന്ന​ത്. മി​നി ഊ​ട്ടി​യി​ലേ​ക്കു​ള്ള യാ​ത്രി​ക​ർ​ക്കും വി​ദ്യാ​ര്‍ഥി​ക​ള​ട​ക്ക​മു​ള്ള ത​ദ്ദേ​ശീ​യ​ർ​ക്കും ഇ​ത് പ്ര​യാ​സ​മു​ണ്ടാ​ക്കു​ന്നു. ക​രി​ങ്ക​ല്‍, ചെ​ങ്ക​ല്‍ ക്വാ​റി​ക​ള്‍ വ്യാ​പ​ക​മാ​യ പ്ര​ദേ​ശ​ത്തെ പ്ര​ധാ​ന പാ​ത കാ​ല്‍ന​ട​യാ​ത്ര​ക്കു പോ​ലും ഉ​പ​ക​രി​ക്കാ​ത്ത വി​ധ​ത്തി​ലാ​ണ് ത​ക​ര്‍ന്നി​രി​ക്കു​ന്ന​ത്. ക്വാ​റി​ക​ളി​ലേ​ക്കും തി​രി​ച്ചും വ​ലി​യ ലോ​റി​ക​ള്‍ നി​ര​ന്ത​രം ക​ട​ന്നു​പോ​കു​മ്പോ​ള്‍ പാ​ത​യു​ടെ ത​ക​ര്‍ച്ച അ​നു​ദി​നം വ​ർ​ധി​ക്കു​ക​യാ​ണെ​ന്ന് നാ​ട്ടു​കാ​ര്‍ പ​റ​യു​ന്നു.

രാ​വി​ലെ​യും വൈ​കീ​ട്ടും നി​ര​വ​ധി സ്കൂ​ള്‍ ബ​സു​ക​ള്‍ ക​ട​ന്നു​പോ​കു​ന്ന പാ​ത കൂ​ടി​യാ​ണി​ത്. നാ​ട്ടു​കാ​രും മി​നി ഊ​ട്ടി​യി​ലേ​ക്കു​ള്ള സ​ഞ്ചാ​രി​ക​ളു​മാ​യി ഇ​രു​ച​ക്ര വാ​ഹ​ന​ങ്ങ​ളി​ലും കാ​റു​ള്‍പ്പെ​ടെ ചെ​റു വാ​ഹ​ന​ങ്ങ​ളി​ലും പോ​കു​ന്ന​വ​ര്‍ റോ​ഡി​ലെ കു​ഴി​ക​ളി​ൽ ചാ​ടി അ​പ​ക​ട​ത്തി​ല്‍പ്പെ​ടു​ന്ന​ത് ആ​വ​ര്‍ത്തി​ക്കു​ക​യാ​ണ്. പൊ​തു​മ​രാ​മ​ത്ത് വ​കു​പ്പി​നു കീ​ഴി​ലു​ള്ള പ്ര​ധാ​ന ഗ്രാ​മാ​ന്ത​ര പാ​ത​യി​ല്‍ വ​ലി​യ വ​ള​വു​ക​ളു​ള്ള ഭാ​ഗ​ത്താ​ണ് കാ​ര്യ​മാ​യ ത​ക​ര്‍ച്ച. പാ​ത ന​വീ​ക​ര​ണം അ​നി​വാ​ര്യ​മാ​യ പ്രാ​ധാ​ന്യ​ത്തോ​ടെ ന​ട​ത്ത​ണ​മെ​ന്ന നാ​ട്ടു​കാ​രു​ടെ ആ​വ​ശ്യം ജ​ന​പ്ര​തി​നി​ധി​ക​ളും പൊ​തു​മ​രാ​മ​ത്ത് വ​കു​പ്പും അ​വ​ഗ​ണി​ക്കു​ക​യാ​ണെ​ന്ന പ​രാ​തി​യും വ്യാ​പ​ക​മാ​യു​ണ്ട്. റോ​ഡ് ത​ക​ര്‍ച്ച മു​ന്‍നി​ര്‍ത്തി സൂ​ച​ന ഫ​ല​ക​ം സ്ഥാ​പി​ക്കാ​നും ന​ട​പ​ടി​യു​ണ്ടാ​യി​ട്ടി​ല്ല. മേ​ഖ​ല​യി​ലെ നൂ​റു​ക​ണ​ക്കി​ന് കു​ടും​ബ​ങ്ങ​ള്‍ ആ​ശ്ര​യി​ക്കു​ന്ന പാ​ത​യോ​ടു​ള്ള അ​വ​ഗ​ണ​ന​ക്കെ​തി​രെ പ്ര​തി​ഷേ​ധ​വും ശ​ക്ത​മാ​ണ്.