നടന്നത്​ പാലുകാച്ചല്‍ മാത്രം; തുറക്കാതെ കൊണ്ടോട്ടിയിലെ പകല്‍ വീട്​

കൊ​ണ്ടോ​ട്ടി: ഉ​ദ്ഘാ​ട​നം ക​ഴി​ഞ്ഞ് വ​ര്‍ഷം ഒ​ന്നു ക​ഴി​ഞ്ഞി​ട്ടും കൊ​ണ്ടോ​ട്ടി ന​ഗ​ര​സ​ഭ നി​ര്‍മി​ച്ച പ​ക​ല്‍ വീ​ട് അ​ട​ഞ്ഞു ത​ന്നെ. 65 വ​യ​സ്സി​ന് മു​ക​ളി​ല്‍ പ്രാ​യ​മാ​യ​വ​രെ ഒ​റ്റ​പ്പെ​ട​ലി​ല്‍നി​ന്ന് മോ​ചി​പ്പി​ക്കാ​നും അ​വ​ര്‍ക്ക് ഉ​ല്ല​സി​ക്കാ​നു​മാ​യാ​ണ് പ​ക​ല്‍ വീ​ട് പ​ദ്ധ​തി ആ​രം​ഭി​ച്ച​ത്.

ഇ​താ​ണ് മാ​സ​ങ്ങ​ളാ​യി താ​ഴു വീ​ണ്​ കി​ട​ക്കു​ന്ന​ത്. പ​ക​ല്‍ വീ​ട് പ​രി​സ​രം ഇ​പ്പോ​ള്‍ കാ​ടു മൂ​ടി ഇ​ഴ​ജ​ന്തു​ക്ക​ളു​ടെ താ​വ​ള​മാ​യി മാ​റി. കൊ​ണ്ടോ​ട്ടി ന​ഗ​ര​സ​ഭ​യി​ല്‍ തു​റ​ക്ക​ല്‍ ചെ​മ്മ​ല​പ്പ​റ​മ്പി​ല്‍ ന​ഗ​ര​സ​ഭ​യു​ടെ സ്ഥ​ല​ത്ത് നി​ർ​മി​ച്ച പ​ക​ല്‍ വീ​ടാ​ണ് ഉ​ദ്ഘാ​ട​ന ദി​വ​സം ത​ന്നെ പൂ​ട്ടി​യി​ട്ട​ത്. ന​ഗ​ര​സ​ഭ 2018-19 വാ​ര്‍ഷി​ക പ​ദ്ധ​തി​യി​ലാ​ണ് 12 ല​ക്ഷം രൂ​പ ചെ​ല​വി​ല്‍ പ​ക​ല്‍ വീ​ട് നി​ര്‍മാ​ണ​ത്തി​ന് അ​നു​വ​ദി​ച്ച​ത്.

കോ​വി​ഡ് തു​ട​ങ്ങു​ന്ന​തി​ന് തൊ​ട്ടു​മു​മ്പാ​ണ് വീ​ട് ഉ​ദ്ഘാ​ട​നം ക​ഴി​ഞ്ഞ​ത്. 65 വ​യ​സ്സി​ന് മു​ക​ളി​ലു​ള്ള​വ​രു​ടെ ജീ​വി​തം ഉ​ന്മേ​ഷ​ത്തി​ലാ​ക്കു​ക​യാ​ണ് പ​ക​ല്‍ വീ​ട് കൊ​ണ്ട് ല​ക്ഷ്യ​മി​ട്ട​ത്. എ​ന്നാ​ല്‍, വീ​ട് നി​ര്‍മി​ച്ച​ത് പ​ക​ല്‍വീ​ട് പ​ദ്ധ​തി​ക്ക് അ​നു​യോ​ജ്യ​മാ​കു​ന്ന രീ​തി​യി​ല​ല്ലെ​ന്ന പ​രാ​തി ഉ​യ​ര്‍ന്നു. പ​ക​ലി​ല്‍ വി​ശ്ര​മി​ക്കാ​ന്‍ എ​ത്തു​ന്ന​വ​ര്‍ക്ക് ഒ​രു ത​ണ​ല്‍ പോ​ലും ല​ഭി​ക്കു​ന്ന മ​ര​ങ്ങ​ള്‍ വെ​ച്ചു പി​ടി​പ്പി​ക്കാ​നോ പ്രാ​യം​ചെ​ന്ന​വ​ര്‍ക്ക് വി​ശ്ര​മി​ക്കു​ന്ന​തി​നോ ഉ​ല്ല​സി​ക്കു​ന്ന​തി​നോ ഉ​ള്ള സൗ​ക​ര്യ​മോ ഇ​വി​ടെ​യി​ല്ലെ​ന്നാ​ണ് പ​രാ​തി.

ആ​സൂ​ത്ര​ണ​മി​ല്ലാ​തെ ഫ​ണ്ട് ചെ​ല​വ​ഴി​ക്കാ​ന്‍ വേ​ണ്ടി വെ​റും ഒ​രു കെ​ട്ടി​ടം മാ​ത്ര​മാ​ണ്​ നി​ർ​മി​ച്ച​തെ​ന്നും പ​രാ​തി​യു​ണ്ട്. പ്രാ​യ​മാ​യ​വ​ര്‍ക്ക് കു​ടും​ബ​ശ്രീ​യു​ടെ​യും സ്​​റ്റാ​ഫ് ന​ഴ്സി​െൻറ സ​ഹാ​യ​വും അ​ടി​യ​ന്ത​ര ഘ​ട്ട​ങ്ങ​ളി​ല്‍ മ​രു​ന്ന് വി​ത​ര​ണം തു​ട​ങ്ങി​യ​വ​യും പ​ക​ല്‍ വീ​ട് കൊ​ണ്ട് ല​ക്ഷ്യ​മി​ടു​ന്ന​ത്.

ടെ​ലി​വി​ഷ​ന്‍ അ​ട​ക്ക​മു​ള്ള ഉ​ല്ലാ​സ​ങ്ങ​ളും പ​ക​ല്‍ വീ​ടു​ക​ളി​ലു​ണ്ട്. രാ​വി​ലെ വ​യോ​ധി​ക​രെ എ​ത്തി​ച്ച് വൈ​കീ​​ട്ടോ​ടെ വീ​ട്ടി​ലേ​ക്ക് കൊ​ണ്ടു​പോ​കും. പ്രാ​യ​മാ​യ​വ​ര്‍ക്ക് വി​ശ്ര​മി​ക്കാ​നാ​വു​ന്ന ത​ര​ത്തി​ല്‍ പ​ക​ല്‍വീ​ട് ന​വീ​ക​രി​ച്ച്​ വേ​ണ്ട സൗ​ക​ര്യ​ങ്ങ​ളൊ​രു​ക്കി തു​റ​ന്നു കൊ​ടു​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി​യു​ണ്ടാ​കു​മെ​ന്ന് ന​ഗ​ര​സ​ഭ സ്ഥി​രം സ​മി​തി അ​ധ്യ​ക്ഷ​ന്‍ അ​ഷ്‌​റ​ഫ് മ​ടാ​ന്‍ പ​റ​ഞ്ഞു.