കൊ​ണ്ടോ​ട്ടി ന​ഗ​ര​സ​ഭ​; അ​ധ്യ​ക്ഷ പ​ദ​വി പ​ങ്കു​വെ​ക്ക​ലി​ല്‍ തീ​രു​മാ​നം വൈ​കു​ന്നു

കൊ​ണ്ടോ​ട്ടി: ന​ഗ​ര​സ​ഭാ​ധ്യ​ക്ഷ സ്ഥാ​നം പ​ങ്കു​വെ​ക്കു​ന്ന​തി​നെ​ച്ചൊ​ല്ലി കോ​ണ്‍ഗ്ര​സ് അം​ഗം ഉ​പാ​ധ്യ​ക്ഷ സ്ഥാ​നം രാ​ജി​വെ​ച്ച ഒ​ഴി​വി​ലേ​ക്ക് ഈ ​മാ​സം 19ന് ​തെ​ര​ഞ്ഞെ​ടു​പ്പ് ന​ട​ക്കും. യു.​ഡി.​എ​ഫ് ഭ​രി​ക്കു​ന്ന ന​ഗ​ര​സ​ഭ​യി​ല്‍ അ​ധ്യ​ക്ഷ സ്ഥാ​നം പ​ങ്കി​ടു​ന്ന​തി​ല്‍ നേ​ര​ത്തെ​യെ​ടു​ത്ത തീ​രു​മാ​നം ലീ​ഗ് നേ​തൃ​ത്വം പാ​ലി​ക്കു​ന്നി​ല്ലെ​ന്നാ​രോ​പി​ച്ചാ​ണ് കോ​ണ്‍ഗ്ര​സ് അം​ഗ​മാ​യ സ​നൂ​പ്, അ​ബി​ന പു​തി​യ​റ​ക്ക​ല്‍ എ​ന്നി​വ​ര്‍ ഉ​പാ​ധ്യ​ക്ഷ പ​ദ​വി​യും ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ സ്ഥാ​ന​വും ഫെ​ബ്രു​വ​രി 20ന് ​രാ​ജി​വെ​ച്ച​ത്. വി​ഷ​യ​ത്തി​ല്‍ മു​ന്ന​ണി ജി​ല്ല നേ​തൃ​ത്വം ഇ​ട​പെ​ട്ടെ​ങ്കി​ലും ഇ​തു​വ​രെ പ്ര​ശ്‌​ന​പ​രി​ഹാ​രം ഉ​ണ്ടാ​യി​ട്ടി​ല്ല.

40 അം​ഗ​ങ്ങ​ളു​ള്ള കൊ​ണ്ടോ​ട്ടി ന​ഗ​ര​സ​ഭ​യി​ല്‍ 23 അം​ഗ​ങ്ങ​ളു​ള്ള ലീ​ഗി​ന് ഉ​പാ​ധ്യ​ക്ഷ പ​ദ​വി ല​ഭി​ക്കു​മെ​ന്ന​തി​ല്‍ ത​ര്‍ക്ക​മി​ല്ല. സ്ഥി​രം സ​മി​തി അ​ധ്യ​ക്ഷ​രു​ള്‍പ്പെ​ടെ​യു​ള്ള​വ​രെ​യാ​ണ് ഉ​പാ​ധ്യ​ക്ഷ സ്ഥാ​ന​ത്തേ​ക്ക് നി​ല​വി​ല്‍ ലീ​ഗ് പ​രി​ഗ​ണി​ക്കു​ന്ന​ത്. എ​ന്നാ​ൽ ഇ​ക്കാ​ര്യ​ത്തി​ല്‍ ധാ​ര​ണ​യാ​യി​ട്ടി​ല്ല. കോ​ണ്‍ഗ്ര​സു​മാ​യി നി​ല​നി​ല്‍ക്കു​ന്ന രാ​ഷ്ട്രീ​യ പ്ര​ശ്‌​ന​ത്തി​ല്‍ ഉ​ട​ന്‍ പ​രി​ഹാ​രം കാ​ണ​ണ​മെ​ന്ന നി​ല​പാ​ടി​ലാ​ണ് ലോ​ക്‌​സ​ഭ തെ​ര​ഞ്ഞെ​ടു​പ്പി​ന്റെ പ​ശ്ചാ​ത്ത​ല​ത്തി​ല്‍ ലീ​ഗ് നേ​തൃ​ത്വം. മു​ന്ന​ണി സ​മ​വാ​ക്യ​ത്തി​ലേ​ക്ക് ന​ഗ​ര​സ​ഭ​യി​ല്‍ കോ​ണ്‍ഗ്ര​സി​നെ എ​ത്തി​ക്കാ​ന്‍ ജി​ല്ല നേ​തൃ​ത്വം ന​ട​ത്തു​ന്ന നീ​ക്ക​ങ്ങ​ള്‍ക്ക് ക​ട​ക​വി​രു​ദ്ധ​മാ​യ സ​മീ​പ​ന​മാ​ണ് പ്രാ​ദേ​ശി​ക നേ​താ​ക്ക​ള്‍ സ്വീ​ക​രി​ക്കു​ന്ന​തെ​ന്ന​ത് കൊ​ണ്ടോ​ട്ടി​യി​ല്‍ രാ​ഷ്ട്രീ​യ​ചി​ത്രം മാ​റ്റു​ന്ന സ്ഥി​തി വി​ശേ​ഷ​വു​മു​ണ്ട്.

ലോ​ക്‌​സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണം ഊ​ര്‍ജി​ത​മാ​യി ന​ട​ക്കു​മ്പോ​ള്‍ പ്രാ​ദേ​ശി​ക ത​ര്‍ക്ക​ങ്ങ​ള്‍ ഉ​ട​ന​ടി പ​രി​ഹ​രി​ക്ക​ണ​മെ​ന്ന സം​സ്ഥാ​ന നേ​തൃ​ത്വ​ത്തി​ന്റെ നി​ർ​ദേ​ശ​വും യു.​ഡി.​എ​ഫ് ജി​ല്ല നേ​തൃ​ത്വ​ത്തെ വ​ല​ക്കു​ന്നു​ണ്ട്. ഉ​പാ​ധ്യ​ക്ഷ തെ​ര​ഞ്ഞെ​ടു​പ്പി​ല്‍ വി​ട്ടു​നി​ല്‍ക്കാ​നാ​ണ് നി​ല​വി​ല്‍ കോ​ണ്‍ഗ്ര​സ് തീ​രു​മാ​നം. ലോ​ക്‌​സ​ഭ തെ​ര​ഞ്ഞെ​ടു​പ്പി​ല്‍ മു​ന്ന​ണി​ക്കൊ​പ്പം നി​ന്നു​ത​ന്നെ പ്രാ​ദേ​ശി​ക കൂ​ട്ടു​കെ​ട്ടി​ല്‍ ലീ​ഗി​നോ​ട് വ​ഴ​ങ്ങേ​ണ്ട​തി​ല്ലെ​ന്ന കോ​ണ്‍ഗ്ര​സ് തീ​രു​മാ​നം രാ​ഷ്ട്രീ​യ പ്ര​ത്യാ​ഘാ​ത​ങ്ങ​ള്‍ക്ക് വ​ഴി​യൊ​രു​ക്കും. ഉ​റ​പ്പാ​യ ഉ​പാ​ധ്യ​ക്ഷ സ്ഥാ​ന​ത്തേ​ക്ക് നി​ല​വി​ലെ അം​ഗ​ങ്ങ​ളി​ല്‍നി​ന്ന് ഒ​രു പേ​രു​പോ​ലും ലീ​ഗ് പ്ര​ഖ്യാ​പി​ച്ചി​ട്ടി​ല്ല.