കാറിടിച്ച് വൈദ്യുതി പോസ്​റ്റ്​ തകർന്നു

പുളിക്കല്‍: ഐക്കരപ്പടി വെണ്ണായൂര്‍ റോഡ് ജങ്​ഷനില്‍ കാറിടിച്ച് വൈദ്യുതി പോസ്​റ്റ്​ റോഡിലേക്ക് മറിഞ്ഞുവീണു. കാറിലുള്ളവര്‍ പരിക്കേല്‍ക്കാതെ രക്ഷപ്പെട്ടു.

വ്യാഴാഴ്​ച പുലർച്ച നാലരയോടെയാണ് അപകടം. കാസര്‍കോട്​ നിന്നും കരിപ്പൂര്‍ വിമാനത്താവളത്തിലേക്ക് പോവുകയായിരുന്നവര്‍ സഞ്ചരിച്ച കാറാണിത്.

ഇതേ തുടര്‍ന്ന് ദേശീയപാതയില്‍ ഏറെനേരം ഗതാഗതം തടസ്സപ്പെടുകയും വൈദ്യുതി മുടങ്ങുകയും ചെയ്തു.

പുളിക്കല്‍ കെ.എസ്.ഇ.ബി സെക്ഷന്‍ അധികൃതരും പൊലീസും നാട്ടുകാരും ചേര്‍ന്ന് തടസ്സങ്ങള്‍ നീക്കിയശേഷം രാവിലെ ഏഴിനാണ് ഗതാഗതം പുനഃസ്ഥാപിച്ചത്.