വി​മാ​ന​ത്താ​വ​ള ഭൂ​മി ഏ​റ്റെ​ടു​ക്ക​ല്‍: മ​നു​ഷ്യ​ച്ച​ങ്ങ​ല ഇ​ന്ന്

കൊ​ണ്ടോ​ട്ടി: ക​രി​പ്പൂ​ര്‍ വി​മാ​ന​ത്താ​വ​ള വി​ക​സ​ന​ത്തി​ന്​ ഭൂ​മി ഏ​റ്റെ​ടു​ക്ക​ല്‍ ന​ട​പ​ടി പു​രോ​ഗ​മി​ക്കു​മ്പോ​ള്‍ നെ​ടി​യി​രി​പ്പ്​ മേ​ഖ​ല​യി​ല്‍നി​ന്നു​ള്ള പ്ര​തി​ഷേ​ധം ശ​ക്ത​മാ​കു​ന്നു. പൊ​തു​ജ​ന​ങ്ങ​ളെ കു​ടി​യൊ​ഴി​പ്പി​ക്കു​ന്ന​തി​നെ​തി​രെ ക​ഴി​ഞ്ഞ 10 ദി​വ​സ​മാ​യി നാ​ട്ടു​കാ​രു​ടെ ആ​ഭി​മു​ഖ്യ​ത്തി​ല്‍ സാ​യാ​ഹ്ന സ​മ​ര​പ്പ​ന്ത​ലൊ​രു​ക്കി പ്ര​തി​ഷേ​ധം തു​ട​രു​ക​യാ​ണ്.

പാ​ല​ക്ക​പ​റ​മ്പി​ല്‍ 10 ദി​വ​സ​മാ​യി തു​ട​രു​ന്ന സ​മ​ര​ത്തി​ന്റെ സ​മാ​പ​ന​മാ​യി ജ​ന​കീ​യാ​ഭി​മു​ഖ്യ​ത്തി​ലെ മ​നു​ഷ്യ​ച്ച​ങ്ങ​ല തീ​ര്‍ക്കു​മെ​ന്ന് സം​ഘാ​ട​ക​ര്‍ അ​റി​യി​ച്ചു. വി​മാ​ന​ത്താ​വ​ള വി​ക​സ​ന​ത്തി​ന്റെ പേ​രി​ല്‍ അ​ശാ​സ്ത്രീ​യ ഭൂ​മി ഏ​റ്റെ​ടു​ക്ക​ലി​നും കു​ടി​യൊ​ഴി​പ്പി​ക്ക​ലി​നു​മെ​തി​രെ​യാ​ണ് ജ​ന​കീ​യ പ്ര​തി​ഷേ​ധം. ഭൂ​മി ഏ​റ്റെ​ടു​ക്കാ​നു​ള്ള നി​ല​വി​ലെ നീ​ക്കം അം​ഗീ​ക​രി​ക്കി​ല്ലെ​ന്ന ഉ​റ​ച്ച നി​ല​പാ​ടി​ലാ​ണ് നാ​ട്ടു​കാ​ര്‍. ര​ണ്ടു​ത​വ​ണ പാ​ല​ക്കാ​പ​റ​മ്പി​ല്‍ പ​രി​ശോ​ധ​ന​ക്ക് എ​ത്തി​യ ഉ​ദ്യോ​ഗ​സ്ഥ​സം​ഘ​ത്തെ നാ​ട്ടു​കാ​ര്‍ ത​ട​ഞ്ഞി​രു​ന്നു.

റ​ണ്‍വേ സു​ര​ക്ഷി​ത മേ​ഖ​ല​യാ​യ റി​സ​യു​ടെ വ്യാ​പ്തി വ​ര്‍ധി​പ്പി​ക്കു​ന്ന​തി​ന്റെ ഭാ​ഗ​മാ​യി 18 ഏ​ക്ക​ര്‍ സ്ഥ​ല​മാ​ണ് റ​ണ്‍വേ​യു​ടെ പ​ടി​ഞ്ഞാ​റ്, കി​ഴ​ക്ക് ഭാ​ഗ​ങ്ങ​ളി​ല്‍ നി​ന്നാ​യി ഏ​റ്റെ​ടു​ക്കു​ന്ന​ത്. കി​ഴ​ക്ക്​ പാ​ല​ക്കാ​പ​റ​മ്പി​ല്‍ ഏ​റ്റെ​ടു​ക്കു​ന്ന എ​ട്ട് ഏ​ക്ക​ര്‍ ഭൂ​മി​യു​ടെ ആ​ദ്യ​ഘ​ട്ട പ​രി​ശോ​ധ​ന​യാ​ണ് ജ​ന​കീ​യ പ്ര​തി​ഷേ​ധ​ത്താ​ല്‍ മു​ട​ങ്ങി​യ​ത്. നി​ര​ന്ത​രം ന​ല്‍കു​ന്ന വാ​ഗ്ദാ​ന​ങ്ങ​ളും ജ​ന​ങ്ങ​ളെ വി​ശ്വാ​സ​ത്തി​ലെ​ടു​ക്കാ​ത്ത അ​ശാ​സ്ത്രീ​യ പ​രി​ശോ​ധ​ന​ക​ളും അം​ഗീ​ക​രി​ക്കി​ല്ലെ​ന്ന്​ ചൂ​ണ്ടി​ക്കാ​ട്ടി പ​രി​ശോ​ധ​ന​സം​ഘം എ​ത്തു​ന്ന​തി​നു മു​മ്പു​ത​ന്നെ മേ​ഖ​ല​യി​ല്‍ ത​ദ്ദേ​ശീ​യ​ര്‍ സം​ഘ​ടി​ച്ചി​രു​ന്നു. ഇ​തോ​ടെ ജ​ന​പ്ര​തി​നി​ധി​ക​ള്‍ ഉ​ള്‍പ്പെ​ടെ​യു​ള്ള പ്രാ​ദേ​ശി​ക രാ​ഷ്ട്രീ​യ​പ്ര​തി​നി​ധി​ക​ള്‍ പ​രി​ശോ​ധ​ന​യി​ല്‍നി​ന്ന്​ വി​ട്ടു​നി​ല്‍ക്കു​ക​യാ​യി​രു​ന്നു. ജ​ന​പ്ര​തി​നി​ധി​ക​ളു​ടെ അ​ഭാ​വ​ത്തി​ല്‍ എ​ത്തി​യ ഉ​ദ്യോ​ഗ​സ്ഥ​സം​ഘം ഭൂ​മി ഏ​റ്റെ​ടു​ക്ക​ലി​ന്റെ പ്രാ​ഥ​മി​ക​വ​ശ​ങ്ങ​ള്‍ വി​ശ​ദീ​ക​രി​ച്ചെ​ങ്കി​ലും നേ​ര​ത്തേ ഏ​റ്റെ​ടു​ത്ത ഭൂ​മി ഉ​പ​യോ​ഗ​പ്ര​ദ​മാ​ക്കാ​തെ ത​ദ്ദേ​ശീ​യ​രെ കു​ടി​യി​റ​ക്കു​ന്ന ന​യം അം​ഗീ​ക​രി​ക്കി​ല്ലെ​ന്ന്​ വ്യ​ക്ത​മാ​ക്കി നാ​ട്ടു​കാ​രു​ടെ കൂ​ട്ടാ​യ്മ രം​ഗ​ത്തെ​ത്തു​ക​യാ​യി​രു​ന്നു.

ജ​ന​കീ​യ പ്ര​തി​ഷേ​ധം ശ​ക്ത​മാ​യ​തോ​ടെ പ​രി​ശോ​ധ​ന ന​ട​പ​ടി​ക​ള്‍ ഉ​പേ​ക്ഷി​ച്ച് സം​ഘം മ​ട​ങ്ങി. ര​ണ്ടു​ഘ​ട്ട​ത്തി​ലും ഈ ​നി​ല തു​ട​ര്‍ന്ന​തോ​ടെ പ​രി​ശോ​ധ​ന പൂ​ര്‍ത്തി​യാ​യി​ട്ടി​ല്ല.