കേരള സ്കൂൾ കായികോത്സവം; ഈ മെഡലുകൾ ആമിറിന്റെ ‘ഗുരുദക്ഷിണ’

കു​ന്നം​കു​ളം: പ​ഠി​ച്ച​പ്പോ​ൾ നേ​ടി​ക്കൊ​ടു​ക്കാ​നാ​കാ​ത്ത​ത് ക​ഠി​നാ​ധ്വാ​ന​ത്തി​ലൂ​ടെ വി​ദ്യാ​ല​യ​ത്തി​ന് ‘ഗു​രു​ദ​ക്ഷി​ണ​യാ​യി’ ന​ൽ​കി ആ​മി​ർ സു​ഹൈ​ൽ. മ​ല​പ്പു​റം ചീ​ക്കോ​ട് കെ.​കെ.​എം.​എ​ച്ച്.​എ​സ്.​എ​സി​ന് ച​രി​ത്ര​ത്തി​ൽ ആ​ദ്യ​മാ​യി ജൂ​നി​യ​ർ ആ​ൺ​കു​ട്ടി​ക​ളു​ടെ 3000 മീ​റ്റ​ർ ഓ​ട്ട​മ​ത്സ​ര​ത്തി​ൽ സ്വ​ർ​ണ​വും വെ​ള്ളി​യും നേ​ടി ന​ൽ​കാ​ൻ പ​രി​ശീ​ല​ന​ത്തി​ലൂ​ടെ സാ​ധി​ച്ച​സ​ന്തോ​ഷ​ത്തി​ലാ​ണ് ഇ​ദ്ദേ​ഹം. എം.​പി. മു​ഹ​മ്മ​ദ് അ​മീ​നും കെ.​സി. മു​ഹ​മ്മ​ദ് ജ​സീ​ലു​മാ​ണ് യ​ഥാ​ക്ര​മം സ്വ​ർ​ണ​വും വെ​ള്ളിയുംകൊ​യ്ത​ത്.

10ാം ത​രം വ​രെ ചീ​ക്കോ​ട് കെ.​കെ.​എം.​എ​ച്ച്.​എ​സ്.​എ​സി​ലെ വി​ദ്യാ​ർ​ഥി​യാ​യി​രു​ന്നു അ​ഴീ​ക്കോ​ട് സു​ല​മു​സ്സ​ലാം സ​യ​ൻ​സ് കോ​ള​ജി​ലെ താ​ൽ​ക്കാ​ലി​ക കാ​യി​കാ​ധ്യാ​പ​ക​നാ​യ ആ​മി​ർ. പ​ഠി​ച്ചി​രു​ന്ന കാ​ല​ത്ത് കാ​ര്യ​മാ​യ നേ​ട്ട​ങ്ങ​ളു​ണ്ടാ​ക്കാ​ൻ സാ​ധി​ച്ചി​ല്ല. എ​ന്നാ​ൽ, മി​ക​ച്ച താ​ര​ങ്ങ​ളെ വാ​ർ​ത്തെ​ടു​ക്ക​ണ​മെ​ന്ന ആ​മി​റി​ന്റെ നീ​ക്ക​ത്തെ സ്കൂ​ളി​ലെ കാ​യി​കാ​ധ്യാ​പ​ക​നാ​യ മു​നീ​ർ ബാ​ബു​വും പി​ന്തു​ണ​ച്ച​തോ​ടെ കെ.​കെ.​എം.​എ​ച്ച്.​എ​സ്.​എ​സ് നേ​ട്ട​ത്തി​ലേ​ക്ക് ഓ​ടി​ക്ക​യ​റി. വ​​ൻ സ്കൂ​ളു​ക​ളു​ടെ കു​ത്ത​ക ത​ക​ർ​ത്താ​യി​രു​ന്നു മു​ഹ​മ്മ​ദ് അ​മീ​ന്റെ​യും മു​ഹ​മ്മ​ദ് ജ​സീ​ലി​ന്റെ​യും പ്ര​ക​ട​ന​ം. ജി​ല്ല സ്കൂ​ൾ കാ​യി​ക​മേ​ള​യി​ലെ ഒ​ന്നാം സ്ഥാ​നം സം​സ്ഥാ​ന​ത​ല​ത്തി​ലും അ​മീ​ൻ കാ​ത്ത​പ്പോ​ൾ, ജ​സീ​ർ ജി​ല്ല​ത​ല​ത്തി​ലെ മൂ​ന്നാം സ്ഥാ​ന​മാ​ണ് കു​ന്നം​കു​ള​ത്ത് ര​ണ്ടി​ലെ​ത്തി​ച്ച​ത്.

കി​ഴി​ശ്ശേ​രി ക​ടു​ങ്ങ​ല്ലൂ​ർ വാ​ച്ചാ​പ്പു​റം അ​ബ്ദു​റ​ഹ്മാ​ൻ-​മു​നീ​റ ദ​മ്പ​തി​ക​ളു​ടെ മ​ക​നാ​ണ് അ​മീ​ൻ. ചീ​ക്കോ​ട് ക​ള​ത്തി​ങ്ക​ൽ ചി​റ്റാ​ർ​പ​റ്റ ജ​മാ​ൽ​കു​ട്ടി-​സ​ഫ​റീ​ന ദ​മ്പ​തി​ക​ളു​ടെ മ​ക​നാ​ണ് ജ​സീ​ൽ.