റഷീദ് വിളിച്ചാൽ പറന്നെത്തും, പരുന്തും പിന്നാലെ കാക്കയും

ക​രു​വാ​ര​കു​ണ്ട്: പു​ൽ​വെ​ട്ട ചി​റ​ക്ക​ൽ​കു​ണ്ടി​ലെ കൊ​ണ്ടി​പ​റ​മ്പ​ത്ത് അ​ബ്​​ദു​ൽ റ​ഷീ​ദി​ന് ര​ണ്ട് പ​റ​ക്കും ച​ങ്ങാ​തി​മാ​രു​ണ്ട്. ആ​കാ​ശം​മു​ട്ടെ പ​റ​ക്കു​ന്ന പ​രു​ന്തും കൈ​യ​ന​ക്കം പോ​ലും പേ​ടി​ച്ച് പ​റ​ന്ന​ക​ലു​ന്ന കാ​ക്ക​യും. റ​ഷീ​ദ് വി​ളി​ച്ചാ​ൽ കാ​ക്ക പ​റ​ന്നു​വ​ന്ന് വ​ല​തു ചു​മ​ലി​ലി​രി​ക്കും; കൈ​യ​ടി​ച്ചാ​ൽ പ​രു​ന്ത് വ​ന്ന് ഇ​ട​തു ചു​മ​ലി​ലും.

മ​രം​മു​റി തൊ​ഴി​ലാ​ളി​യാ​യ ഇ​ദ്ദേ​ഹം ര​ണ്ട് മാ​സം മു​മ്പ് പു​ര​യി​ട​ത്തി​ലെ മ​രം മു​റി​ക്ക​വെ​യാ​ണ് പ​രി​ക്കേ​റ്റ കാ​ക്ക​യെ ക​ണ്ട​ത്. അ​തി​നെ​യെ​ടു​ത്ത് ശു​ശ്രൂ​ഷ​യും ഭ​ക്ഷ​ണ​വും ന​ൽ​കി. അ​തോ​ടെ കാ​ക്ക കൂ​ട്ടാ​യി. വൈ​ദ്യു​തി ക​മ്പി​യി​ൽ ത​ട്ടി പ​രി​ക്കേ​റ്റ പ​രു​ന്തി​നും ഈ​യി​ടെ ര​ക്ഷ​ക​നാ​യി. പ​രി​ച​ര​ണ​ത്തി​ൽ ചി​റ​കി​നേ​റ്റ പ​രി​ക്ക് ഭേ​ദ​മാ​യി.

അ​തോ​ടെ പ​രു​ന്തും പ​രി​ച​യ​ക്കാ​ര​നാ​യി. കാ​ക്ക ഇ​ദ്ദേ​ഹ​ത്തെ വി​ടാ​തെ കൂ​ടും. തൊ​ട്ട​ടു​ത്ത അ​ങ്ങാ​ടി​യി​ലെ​ത്തി വി​ളി​ച്ച​പ്പോ​ഴും ആ​ൾ​ക്കൂ​ട്ട​ത്തി​നി​ട​യി​ലു​ള്ള റ​ഷീ​ദി​െൻറ ചു​മ​ലി​ലേ​ക്ക് പാ​റി​യെ​ത്തി കാ​ക്ക കൂ​ട്ട​റി​യി​ച്ചു. ജോ​ലി ക​ഴി​ഞ്ഞ് മ​ട​ങ്ങി​യെ​ത്തി വി​ശ്ര​മി​ക്കു​മ്പോ​ൾ റ​ഷീ​ദ് ശ​ബ്​​ദ​മു​ണ്ടാ​ക്കും, കൈ​യ​ടി​ക്കും. ഉ​ട​നെ ഇ​രു​വ​രും പ​റ​ന്നെ​ത്തും. തീ​റ്റ ന​ൽ​കി​യാ​ലേ പി​ന്നെ തി​രി​കെ പോ​കൂ. വീ​ട്ടി​ലെ കോ​ഴി​ക​ൾ​ക്കും ഇ​രു​വ​രും പ​രി​ചി​ത​രാ​ണി​പ്പോ​ൾ. ജീ​വ​കാ​രു​ണ്യ പ്ര​വ​ർ​ത്ത​ക​ൻ​കൂ​ടി​യാ​ണ് റ​ഷീ​ദ്.