വീ​ട്ടി​ലെ പ്ര​സ​വ​മെ​ടു​ത്ത്​ കു​ടും​ബ​ശ്രീ അ​ധ്യ​ക്ഷ; ബി​ന്ദു​വി​ന് നാ​ടി​ന്റെ ആ​ദ​രം

ക​രു​വാ​ര​കു​ണ്ട്: മാ​സം തി​ക​യാ​തെ വീ​ട്ടി​ൽ പ്ര​സ​വി​ച്ച യു​വ​തി​ക്ക് ര​ക്ഷ​ക​യാ​യി കു​ടും​ബ​ശ്രീ അ​ധ്യ​ക്ഷ. ക​രു​വാ​ര​കു​ണ്ട് സി.​ഡി.​എ​സ് പ്ര​സി​ഡ​ന്റ് ബി​ന്ദു ജോ​സാ​ണ് വാ​ക്കോ​ട് ചൂ​ര​ക്കു​ന്ന് കോ​ള​നി​യി​ലെ ശാ​ന്തി​നി​ക്ക് ര​ക്ഷ​ക​യാ​യ​ത്. വെ​ള്ളി​യാ​ഴ്ച രാ​ത്രി​യി​ലാ​ണ് ശാ​ന്തി​നി​ക്ക് പ്ര​സ​വ​വേ​ദ​ന​യു​ണ്ടാ​യ​ത്. പ്ര​സ​വം ന​ട​ക്കു​മെ​ന്നാ​യ​പ്പോ​ൾ മെ​ഡി​ക്ക​ൽ ഓ​ഫി​സ​റെ ഫോ​ണി​ൽ വി​ളി​ച്ചു. അ​വ​ർ നാ​ട്ടി​ലി​ല്ലാ​യി​രു​ന്നു. തു​ട​ർ​ന്നാ​ണ് നാ​ട്ടു​കാ​ർ ബി​ന്ദു​വി​നെ വി​ളി​ച്ച​ത്. ന​ഴ്സി​ങ് പ​ഠി​ച്ചി​രു​ന്ന ബി​ന്ദു വീ​ട്ടി​ലെ​ത്തി പ്ര​സ​വാ​ന​ന്ത​ര ശു​ശ്രൂ​ഷ​ക​ൾ ന​ൽ​കു​ക​യാ​യാ​യി​രു​ന്നു. തു​ട​ർ​ന്ന് മെ​ഡി​ക്ക​ൽ ഓ​ഫി​സ​റു​ടെ നി​ർ​ദേ​ശ പ്ര​കാ​രം ന​ഴ്സു​മാ​രു​മെ​ത്തി. ശ​നി​യാ​ഴ്ച രാ​വി​ലെ​യോ​ടെ ശാ​ന്തി​നി​യെ​യും കു​ഞ്ഞി​നെ​യും മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ചു. അ​വ​സ​ര​ത്തി​നൊ​ത്തു​യ​ർ​ന്ന് അ​മ്മ​ക്കും കു​ഞ്ഞി​നും തു​ണ​യേ​കി​യ ബി​ന്ദു ജോ​സി​നെ ഗ്രാ​മ​പ​ഞ്ചാ​യ​ത്ത് തി​ങ്ക​ളാ​ഴ്ച ആ​ദ​രി​ക്കു​ന്നു​ണ്ട്.