അ​ന്ത​ർ സം​സ്ഥാ​ന തൊ​ഴി​ലാ​ളി​യി​ൽ​നി​ന്ന് പ​ഴ്സ് വാ​ങ്ങി സെ​ക്ട​റ​ൽ മ​ജി​സ്ട്രേ​റ്റ് വെ​ട്ടി​ലാ​യി

ക​രു​വാ​ര​കു​ണ്ട്: ജോ​ലി​ക്കി​ടെ മാ​സ്ക്കി​ടാ​ത്ത അ​ന്ത​ർ സം​സ്ഥാ​ന തൊ​ഴി​ലാ​ളി​യി​ൽ​നി​ന്ന് പ​ഴ്സ് വാ​ങ്ങി സെ​ക്ട​റ​ൽ മ​ജി​സ്ട്രേ​റ്റ്. തി​രി​കെ ആ​വ​ശ്യ​പ്പെ​ട്ട്​ നാ​ട്ടു​കാ​ർ ബ​ഹ​ളം വെ​ച്ച​തോ​ടെ പ​ഴ്സ് ന​ൽ​കി മ​ജി​സ്ട്രേ​റ്റ് ത​ടി​യൂ​രി. കി​ഴ​ക്കെ​ത്ത​ല ടൗ​ണി​ൽ ചൊ​വ്വാ​ഴ്ച ഉ​ച്ച​യോ​ടെ​യാ​ണ് സം​ഭ​വം. ടൗ​ണി​ൽ നി​ർ​മാ​ണ പ്ര​വൃ​ത്തി​യി​ലേ​ർ​പ്പെ​ട്ട തൊ​ഴി​ലാ​ളി​യെ​യാ​ണ് മ​ജി​സ്ട്രേ​റ്റ് പി​ടി​ച്ച​ത്. പി​ഴ ചു​മ​ത്തി​യ​തോ​ടെ പ​ണ​മി​ല്ലെ​ന്ന് പ​റ​ഞ്ഞ തൊ​ഴി​ലാ​ളി​യോ​ട് പൊ​ലീ​സു​കാ​ര​ൻ പ​ഴ്സ് ആ​വ​ശ്യ​പ്പെ​ടു​ക​യാ​യി​രു​ന്നു.

ഇ​തു​വാ​ങ്ങി അ​ൽ​പ​ദൂ​രം പോ​യ​തി​ന് ശേ​ഷം മ​ട​ങ്ങി വ​ന്ന് പ​ഴ്സ് തി​രി​കെ ഏ​ൽ​പി​ക്കാ​ൻ ശ്ര​മി​ച്ച​പ്പോ​ഴാ​ണ് നാ​ട്ടു​കാ​ർ ഇ​ട​പെ​ട്ട​ത്. പ​ഴ്സ് വാ​ങ്ങി​യ​ത് ശ​രി​യ​ല്ലെ​ന്ന് പ​റ​ഞ്ഞ നാ​ട്ടു​കാ​രെ​യും ഇ​വ​ർ ചോ​ദ്യം ചെ​യ്തു. ഇ​തോ​ടെ ബ​ഹ​ള​മാ​യി. തി​രി​ച്ച​റി​യ​ൽ രേ​ഖ ഉ​ണ്ടോ എ​ന്ന​റി​യാ​നാ​ണ് പ​ഴ്സ് വാ​ങ്ങി​യ​തെ​ന്ന് പ​റ​ഞ്ഞെ​ങ്കി​ലും ജ​നം വി​ട്ടി​ല്ല. കൂ​ടു​ത​ൽ ബ​ഹ​ള​മാ​യ​തോ​ടെ പ​ഴ്സ് ഒ​രു​ത​ര​ത്തി​ൽ തി​രി​കെ പി​ടി​പ്പി​ച്ച് സം​ഘം ത​ടി​യൂ​രു​ക​യാ​യി​രു​ന്നു.