കരിപ്പൂർ വിമാനദുരന്തം: പരിക്കേറ്റ 75 പേർക്ക്​ നഷ്​ടപരിഹാരം നൽകി

മ​ല​പ്പു​റം: എ​യ​ർ ഇ​ന്ത്യ എ​ക്​​സ്​​പ്ര​സ്​ വി​മാ​ന​ദു​ര​ന്ത​ത്തി​ന്​ ഒ​രു​വ​ർ​ഷം തി​ക​യാ​ൻ ഒ​രു മാ​സം മാ​ത്രം ബാ​ക്കി നി​ൽ​ക്കെ ന​ഷ്​​ട​പ​രി​ഹാ​രം ല​ഭി​ച്ച​ത്​ 75 പേ​ർ​ക്ക്. ക​ഴി​ഞ്ഞ​വ​ർ​ഷം ആ​ഗ​സ്​​റ്റ്​ ഏ​ഴി​നാ​യി​രു​ന്നു കോ​​ഴി​ക്കോ​ട്​ വി​മാ​ന​ത്താ​വ​ള​ത്തി​ൽ ദു​ബൈ​യി​ൽ​നി​ന്നെ​ത്തി​യ വി​മാ​നം അ​പ​ക​ട​ത്തി​ൽ​പെ​ട്ട​ത്.

21പേ​ർ മ​രി​ക്കു​ക​യും 165 പേ​ർ​ക്ക്​​ പ​രി​ക്കേ​ൽ​ക്കു​ക​യും ചെ​യ്​​തു. ഇ​തി​ൽ 75 പേ​ർ​ക്കാ​ണ്​ ന​ഷ്​​ട​പ​രി​ഹാ​രം ല​ഭി​ച്ച​ത്. പ​രി​ക്കേ​റ്റ മ​റ്റു​ള്ള​വ​രും മ​രി​ച്ച​വ​രു​ടെ ബ​ന്ധു​ക്ക​ളും തു​ട​ർ​ന​ട​പ​ടി​ക​ൾ​ക്ക്​ വി​ദേ​ശ​ത്തു​ള്ള നി​യ​മ​സ്ഥാ​പ​ന​ങ്ങ​ളെ​യാ​ണ്​ ചു​മ​ത​ല​പ്പെ​ടു​ത്തി​യി​രി​ക്കു​ന്ന​ത്. ഇ​വ​ർ​ക്ക്​ ന​ഷ്​​ട​പ​രി​ഹാ​രം ല​ഭ്യ​മാ​യോ എ​ന്ന​തി​നെ​ക്കു​റി​ച്ച​റി​യി​​ല്ലെ​ന്ന് വി​മാ​ന ക​മ്പ​നി​ അ​ധി​കൃ​ത​ർ വ്യ​ക്ത​മാ​ക്കി.

പ​രി​ക്കേ​റ്റ​വ​രി​ൽ 122 പേ​രും മ​രി​ച്ച​വ​രി​ൽ ഒ​രാ​ളു​ടെ ബ​ന്ധു​വു​മാ​ണ്​ വി​മാ​ന​ക്ക​മ്പ​നി​യു​മാ​യി ന​ഷ്​​ട​പ​രി​ഹാ​ര​ത്തി​ന്​ ബ​ന്ധ​പ്പെ​ട്ട​ത്. ഇ​തി​ൽ ര​ണ്ടു​പേ​ർ ഇ​പ്പോ​ഴും ചി​കി​ത്സ​യി​ലാ​ണ്. ചി​കി​ത്സ പൂ​ർ​ത്തി​യാ​യ​​ശേ​ഷം ബ​ന്ധ​പ്പെ​ടാ​മെ​ന്നാ​ണ്​​ ഇ​വ​ർ അ​റി​യി​ച്ചി​രി​ക്കു​ന്ന​ത്. ബാ​ക്കി​യു​ള്ള​വ​ർ​ക്കാ​ണ്​ ന​ഷ്​​ട​പ​രി​ഹാ​രം സം​ബ​ന്ധി​ച്ച്​ വാ​ഗ്​​ദാ​ന​പ​ത്രം അ​യ​ച്ച​ത്. ഇ​തി​ൽ ഒാ​ഫ​ർ സ്വീ​ക​രി​ച്ച 75 പേ​ർ​ക്ക്​​ തു​ക ല​ഭി​ച്ചു.​ബാ​ക്കി​യു​ള്ള​വ​രി​ൽ 35 പേ​ർ​ക്കാ​യി വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ൽ കോ​ഴി​ക്കോ​ട്ട്​ കൂ​ടി​ക്കാ​ഴ്​​ച ന​ട​ക്കും.

പ​രി​ക്കേ​റ്റ​വ​രു​ടെ ക​ക്ഷി​ക​ളും അ​ഭി​ഭാ​ഷ​ക​രും വി​മാ​ന​ക്ക​മ്പ​നി- ഇ​ൻ​ഷു​റ​ൻ​സ്​ ക​മ്പ​നി പ്ര​തി​നി​ധി​ക​ളും അ​ഭി​ഭാ​ഷ​ക​രും ച​ർ​ച്ച ന​ട​ത്തി​യ ശേ​ഷ​മാ​കും തു​ക സ്വീ​ക​രി​ക്കു​ന്ന​ത്​ സം​ബ​ന്ധി​ച്ച്​ തീ​രു​മാ​നം എ​ടു​ക്കു​ക. അം​ഗീ​ക​രി​ച്ചാ​ൽ 48 മ​ണി​ക്കൂ​റി​ന​കം ന​ഷ്​​ട​പ​രി​ഹാ​രം അ​ക്കൗ​ണ്ടി​ലേ​ക്ക്​ ന​ൽ​കും. അ​തേ​സ​മ​യം, മ​രി​ച്ച​വ​രി​ൽ ഒ​രാ​ളു​ടെ ബ​ന്ധു​വി​ന്​​ ഒാ​ഫ​ർ ലെ​റ്റ​ർ ന​ൽ​കി​യി​ട്ടു​ണ്ടെ​ങ്കി​ലും അം​ഗീ​ക​രി​ച്ചി​ട്ടി​ല്ല.

മ​രി​ച്ച 18 പേ​രും പ​രി​ക്കേ​റ്റ​വ​രി​ൽ 25പേ​രും യു.​എ.​ഇ ആ​സ്ഥാ​ന​മാ​യ സ്ഥാ​പ​ന​ത്തെ​യും പ​രി​ക്കേ​റ്റ ബാ​ക്കി 18 പേ​ർ അ​മേ​രി​ക്ക ആ​സ്ഥാ​ന​മാ​യ നി​യ​മ​സ്ഥാ​പ​ന​ത്തെ​യു​മാ​ണ്​ ന​ഷ്​​ട​പ​രി​ഹാ​രം ല​ഭി​ക്കാ​ൻ ചു​മ​ത​ല​പ്പെ​ടു​ത്തി​യ​ത്. പ​രി​ക്കി​െൻറ അ​വ​സ്ഥ, തു​ട​ർ​ചി​കി​ത്സ​ക്ക്​ വ​രു​ന്ന ചെ​ല​വ്, പ​രി​ക്ക്​ ജീ​വി​ത​ത്തി​ലു​ണ്ടാ​ക്കി​യ ആ​ഘാ​തം എ​ന്നി​വ ക​ണ​ക്കാ​ക്കി​യാ​ണ്​ ന​ഷ്​​ട​പ​രി​ഹാ​രം നി​ർ​ണ​യി​ച്ചി​രി​ക്കു​ന്ന​ത്.