കരിപ്പൂർ ഭൂമിയേറ്റെടുക്കൽ: യോഗത്തിൽ ബഹളം, ഇറങ്ങിപ്പോക്ക്​

മ​ല​പ്പു​റം: കോ​ഴി​ക്കോ​ട്​ വി​മാ​ന​ത്താ​വ​ള വി​ക​സ​ന​ത്തി​ന്​ ഭൂ​മി ഏ​റ്റെ​ടു​ക്കു​ന്ന​തി​ന് മ​ല​പ്പു​റം ക​ല​ക്ട​റേ​റ്റി​ൽ ചേ​ർ​ന്ന യോ​ഗ​ത്തി​ൽ ബ​ഹ​ളം. അ​ധി​കൃ​ത​രു​ടെ നി​ല​പാ​ടി​ലും ഉ​ദ്യോ​ഗ​സ്ഥ​ന്‍റെ പ​രാ​മ​ർ​ശ​ത്തെ​യും തു​ട​ർ​ന്ന്​ ഭൂ​വു​ട​മ​ക​ളും സ​മ​ര​സ​മി​തി​യും യോ​ഗം ബ​ഹി​ഷ്ക​രി​ച്ച്​ ഇ​റ​ങ്ങി​പ്പോ​യി. പി​ന്നീ​ട്​ എം.​എ​ൽ.​എ​മാ​ർ ഇ​ട​പെ​ട്ട്​ അ​നു​ന​യി​പ്പി​ച്ച്​ തി​രി​ച്ചു​കൊ​ണ്ടു​വ​രു​ക​യാ​യി​രു​ന്നു.

വെ​ള്ളി​യാ​ഴ്ച വൈ​കീ​ട്ട് നാ​ലി​ന്​​ മ​ന്ത്രി വി. ​അ​ബ്ദു​റ​ഹി​മാ​ൻ വി​ളി​ച്ചു​​ചേ​ർ​ത്ത യോ​ഗ​ത്തി​ന്​ നേ​ര​ത്തേ​ത​ന്നെ ഭൂ​വു​ട​മ​ക​ളും സ​മ​ര​സ​മി​തി​യും എ​ത്തി​ച്ചേ​ർ​ന്നു. മ​ന്ത്രി അ​ഞ്ചോ​ടെ​യാ​ണ്​ എ​ത്തി​യ​ത്. തു​ട​ർ​ന്ന്​ അ​ൽ​പ​സ​മ​യ​ത്തി​ന​കം ഉ​ദ്യോ​ഗ​സ്ഥ​ർ കോ​ൺ​ഫ​റ​ൻ​സ്​ ഹാ​ളി​ലെ​ത്തി ര​ണ്ട്​ ഘ​ട്ട​മാ​യി ക​ല​ക്ട​റു​ടെ ചേം​ബ​റി​ലാ​ണ്​ കൂ​ടി​ക്കാ​ഴ്ച​യെ​ന്ന്​ അ​റി​യി​ച്ചു. ഇ​തി​നാ​യി പ​ള്ളി​ക്ക​ൽ വി​ല്ലേ​ജി​ലെ ഭൂ​വു​ട​മ​ക​ളു​ടെ പേ​രും വി​ളി​ച്ചു. എ​ന്നാ​ൽ, എ​ല്ലാ​വ​രും ഒ​രു​മി​ച്ചു​ള്ള യോ​ഗ​ത്തി​ൽ മാ​ത്ര​മേ പ​​ങ്കെ​ടു​ക്കൂ​വെ​ന്നും ഓ​രോ​രു​ത്ത​രെ​യും വ്യ​ക്തി​പ​ര​മാ​യി വി​ളി​ക്കു​ന്ന യോ​ഗ​വു​മാ​യി സ​ഹ​ക​രി​ക്കി​ല്ലെ​ന്നു​മാ​യി​രു​ന്നു ഭൂ​രി​പ​ക്ഷം ഭൂ​വു​ട​മ​ക​ളു​ടെ​യും നി​ല​പാ​ട്. ഇ​തി​നി​ടെ, ഉ​ദ്യോ​ഗ​സ്ഥ​ൻ ന​ട​ത്തി​യ പ​രാ​മ​ർ​ശ​വും​ പ്ര​ശ്ന​ങ്ങ​ൾ​ക്കി​ട​യാ​ക്കി.

ഇ​തോ​ടെ​യാ​ണ്​ ഭൂ​വു​ട​മ​ക​ളും സ​മ​ര​സ​മി​തി​യും യോ​ഗം ബ​ഹി​ഷ്ക​രി​ച്ച്​ ഇ​റ​ങ്ങി​യ​ത്. ഇതോടെ എം.​എ​ൽ.​എ​മാ​രാ​യ ടി.​വി. ഇ​ബ്രാ​ഹി​മും പി. ​അ​ബ്ദു​ൽ ഹ​മീ​ദും ക​ല​ക്ട​റു​ടെ ചേം​ബ​റി​ൽ​നി​ന്ന് ഇ​റ​ങ്ങി ഭൂ​വു​ട​മ​ക​ളും സ​മ​ര​സ​മി​തി​യു​മാ​യി സം​സാ​രി​ച്ചാ​ണ്​ ഇ​വ​രെ തി​രി​കെ എ​ത്തി​ച്ച​ത്. ആ​ദ്യം യോ​ഗ​ത്തി​ന്​ എ​ത്താ​ൻ ത​യാ​റാ​യി​ല്ലെ​ങ്കി​ലും വി​ഷ​യ​ത്തി​ന്​ പ​രി​ഹാ​രം കാ​ണാ​നാ​ണ്​ ശ്ര​മ​മെ​ന്നും എ​ല്ലാ​വ​രും സ​ഹ​ക​രി​ക്ക​ണ​മെ​ന്നും എം.​എ​ൽ.​എ​മാ​ർ നി​ര​ന്ത​രം ആ​വ​ശ്യ​പ്പെ​ട്ട​തോ​ടെ​യാ​ണ്​ യോ​ഗം പു​ന​രാ​രം​ഭി​ച്ച​ത്​.