പു​ത്ത​ന​ത്താ​ണി-​വൈ​ല​ത്തൂ​ർ റോ​ഡ് നി​ര്‍മാ​ണം പാ​തി​വ​ഴി​യി​ല്‍ നി​ല​ച്ചു; പൊ​ടി​യിൽ മൂ​ക്കു​പൊ​ത്തി യാ​ത്ര​ക്കാ​ർ

ക​ൽ​പ​ക​ഞ്ചേ​രി: പു​ത്ത​ന​ത്താ​ണി - വൈ​ല​ത്തൂ​ർ റോ​ഡ് നി​ര്‍മാ​ണം പാ​തി​വ​ഴി​യി​ല്‍ നി​ല​ച്ച​തോ​ടെ ക​ടു​ത്ത പൊ​ടി​ശ​ല്യം കാ​ര​ണം പൊ​റു​തി​മു​ട്ടി​യി​രി​ക്കു​ക​യാ​ണ് വാ​ഹ​ന യാ​ത്ര​ക്കാ​രും വ്യാ​പാ​രി​ക​ളും. കു​ടി​വെ​ള്ള പൈ​പ്പ് ലൈ​ൻ സ്ഥാ​പി​ക്കാ​ൻ കീ​റി​യ ഭാ​ഗ​ത്തെ മ​ണ്ണാ​ണ് പൊ​ടി​ശ​ല്യ​ത്തി​ന് കാ​ര​ണം. വേ​ന​ൽ ക​ടു​ത്ത​തോ​ടെ വ്യാ​പാ​ര സ്ഥാ​പ​ന​ങ്ങ​ളും വീ​ടു​ക​ളും പൊ​ടി​യി​ല്‍ മു​ങ്ങി​യ അ​വ​സ്ഥ​യി​ലാ​ണ്. ചി​ല വീ​ട്ടു​കാ​ര്‍ സ്ഥ​ലം​മാ​റി പോ​കേ​ണ്ടി വ​ന്നു.

റോ​ഡ് നീ​ളെ കു​ഴി​ക​ളാ​ണ്. അ​തോ​ടൊ​പ്പം പൈ​പ്പ് ലൈ​ൻ സ്ഥാ​പി​ക്കാ​ൻ റോ​ഡ് പൊ​ളി​ച്ച​തോ​ടെ ഗ​താ​ഗ​ത മാ​ര്‍ഗ​വും വ​ഷ​ളാ​യി. വാ​ഹ​ന​മോ​ടി​ച്ച് റോ​ഡി​ലൂ​ടെ​യു​ള്ള സ​ഞ്ചാ​രം ത​ന്നെ ഏ​റെ ശ്ര​മ​ക​ര​മാ​ണ്. ഇ​നി​യും പൊ​ടി തി​ന്ന് ജീ​വി​ക്കാ​നാ​വി​ല്ലെ​ന്നാ​ണ് നാ​ട്ടു​കാ​ര്‍ പ​റ​യു​ന്ന​ത്.

ദി​നം​പ്ര​തി ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന വൈ​ല​ത്തൂ​ർ ടൗ​ണി​ൽ പൈ​പ്പ് ലൈ​ൻ സ്ഥാ​പി​ച്ച് മ​ണ്ണി​ട്ട് അ​ട​ച്ച ഭാ​ഗം ഉ​യ​ർ​ന്നു നി​ൽ​ക്കു​ന്ന​ത് കാ​ര​ണം ചെ​റു​വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ പ്ര​യാ​സ​മാ​ണ്. തി​ര​ക്കേ​റി​യ ന​ഗ​ര​ത്തി​ൽ ഇ​തോ​ടെ ഗ​താ​ഗ​ത​ക്കു​രു​ക്കും രൂ​ക്ഷ​മാ​യി. അ​തേ​സ​മ​യം റോ​ഡ് ഉ​യ​ർ​ത്തി​യും വീ​തി കൂ​ട്ടി​യും ആ​വ​ശ്യ​ത്തി​ന് ക​ലു​ങ്കു​ക​ളും ഓ​വു​ചാ​ലു​ക​ളും നി​ർ​മി​ച്ച് ആ​ധു​നി​ക രീ​തി​യി​ൽ റോ​ഡ് ന​വീ​ക​രി​ക്കാ​ൻ 5.20 കോ​ടി രൂ​പ​യാ​ണ് കു​റു​ക്കോ​ളി മൊ​യ്തീ​ൻ എം.​എ​ൽ.​എ​യു​ടെ ശ്ര​മ​ഫ​ല​മാ​യി അ​നു​വ​ദി​ച്ചി​ട്ടു​ള്ള​ത്.

എ​ന്നാ​ൽ പ്ര​വൃ​ത്തി​യു​ടെ ആ​ദ്യ​ഘ​ട്ട​മാ​യി ക​ലു​ങ്ക് നി​ർ​മാ​ണം, ഓ​വു​ചാ​ൽ നി​ർ​മാ​ണം എ​ന്നി​വ ന​ട​ക്കു​ന്ന​തി​നി​ടെ​യാ​ണ് കു​ടി​വെ​ള്ള പ​ദ്ധ​തി​യു​ടെ ര​ണ്ടാം​ഘ​ട്ട പൈ​പ്പി​ട​ലി​ന്‍റെ ഭാ​ഗ​മാ​യി റോ​ഡ് ന​വീ​ക​ര​ണം താ​ൽ​ക്കാ​ലി​ക​മാ​യി നി​ർ​ത്തി​വെ​ച്ച​ത്. മാ​സ​ങ്ങ​ൾ ക​ഴി​ഞ്ഞി​ട്ടും പ്ര​വൃ​ത്തി തു​ട​ങ്ങാ​ത്ത​തി​ൽ പ്ര​തി​ഷേ​ധി​ച്ച് വി​വി​ധ രാ​ഷ്ട്രീ​യ പാ​ർ​ട്ടി പ്ര​വ​ർ​ത്ത​ക​ർ ക​ടു​ങ്ങാ​ത്തു​കു​ണ്ടി​ലെ എം.​എ​ൽ.​എ​യു​ടെ ഓ​ഫി​സി​ലേ​ക്ക് മാ​ർ​ച്ച് ന​ട​ത്തി​യി​രു​ന്നു.