ശു​ദ്ധ​ജ​ലം തേടി പു​ഴ​യോരത്ത് കു​ഴി​ക​ൾ നി​ർ​മി​ക്കു​ന്നു

കാ​ളി​കാ​വ്​: വേ​ന​ല്‍മ​ഴ കു​റ​ഞ്ഞ​ത് മ​ല​യോ​ര പ്ര​ദേ​ശ​മാ​യ കാ​ളി​കാ​വി​ലെ ജ​ന​ങ്ങ​ളെ ആ​ശ​ങ്ക​യി​ലാ​ക്കു​ന്നു. പ്ര​ദേ​ശ​ത്തെ ജ​ല​സ്രോ​ത​സ്സു​ക​ളെ​ല്ലാം നീ​രൊ​ഴു​ക്ക് നി​ല​ച്ച് വ​ര​ണ്ടു​ണ​ങ്ങി​യ നി​ല​യി​ലാ​ണ്. മു​ൻ​കാ​ല​ങ്ങ​ളി​ൽ ന​ല്ല തോ​തി​ൽ മ​ഴ ല​ഭി​ച്ചു​വ​ന്ന​തി​നാ​ൽ ചി​റാ​പു​ഞ്ചി​യെ​ന്ന് വി​ശേ​ഷി​പ്പി​ക്കാ​റു​ണ്ടെ​ങ്കി​ലും കാ​ളി​കാ​വ്, ചോ​ക്കാ​ട് പ്ര​ദേ​ശ​ങ്ങ​ളി​ല്‍ മി​ക്ക​യി​ട​ങ്ങ​ളി​ലും ഇ​ക്കു​റി കാ​ര്യ​മാ​യി മ​ഴ പെ​യ്തി​ട്ടി​ല്ല. പ​ല പ്ര​ദേ​ശ​ങ്ങ​ളും വ​ര​ള്‍ച്ച​യു​ടെ പി​ടി​യി​ലാ​ണ്.

ചാ​റ്റ​ല്‍മ​ഴ പെ​യ്ത​തി​നാ​ല്‍ സ​സ്യ​ല​താ​ദി​ക​ളി​ല്‍ പ​ച്ച​പ്പു​ണ്ടെ​ങ്കി​ലും ജ​ല​ക്ഷാ​മം രൂ​ക്ഷ​മാ​ണ്. ചാ​ലി​യാ​റി​ന്റെ കൈ​വ​ഴി​യാ​യ പ​രി​യ​ങ്ങാ​ട് പു​ഴ മാ​സ​ങ്ങ​ളാ​യി ഒ​ഴു​ക്ക് നി​ല​ച്ച് വ​ര​ണ്ടു​ണ​ങ്ങി​യ നി​ല​യി​ലാ​ണ്. പു​ഴ​ക​ളി​ൽ കു​ഴി​ക​ളി​ൽ അ​ങ്ങി​ങ്ങാ​യി വെ​ള്ളം കെ​ട്ടി നി​ൽ​ക്കു​ന്നു​ണ്ടെ​ങ്കി​ലും ഒ​ഴു​ക്ക് നി​ല​ച്ച​തി​നാ​ൽ ക​ടു​ത്ത നി​റ​വ്യ​ത്യാ​സ​വും രൂ​ക്ഷ​ഗ​ന്ധ​വും വ​ന്ന​തി​നാ​ൽ വ​ലി​യ പ്ര​യാ​സം ഉ​ണ്ടാ​ക്കു​ന്നു. ഇ​ത് മ​റി​ക​ട​ക്കാ​ൻ പു​ഴ​യോ​ര​ത്ത് കു​ഴി​ക​ൾ നി​ർ​മി​ച്ചാ​ണ് ശു​ദ്ധ​ജ​ലം ക​ണ്ടെ​ത്തു​ന്ന​ത്.

ജ​ല​വി​താ​നം താ​ഴ്ന്ന​തോ​ടെ പ​രി​സ​ര​ങ്ങ​ളി​ലെ കി​ണ​റു​ക​ളി​ലും ജ​ല​നി​ര​പ്പ് താ​ഴ്ന്നു. കു​ഴ​ൽ​കി​ണ​റു​ക​ളെ ആ​ശ്ര​യി​ച്ചാ​ണ് പ​ല​യി​ട​ത്തും കു​ടി​വെ​ള്ളം ക​ണ്ടെ​ത്തു​ന്ന​ത്. സാ​ധാ​ര​ണ ഇ​ട​നാ​ട്ടി​ലും തീ​ര​ദേ​ശ​ത്തും വ​ര​ള്‍ച്ച നേ​രി​ടു​മ്പോ​ഴും മ​ല​യോ​ര​ത്ത് വേ​ന​ൽ​മ​ഴ പെ​യ്ത് പു​ഴ​ക​ളും കി​ണ​റു​ക​ളി​ലു​മൊ​ക്കെ ജ​ല​വി​താ​നം ഉ​യ​രാ​റു​ണ്ട്.

ക​ഴി​ഞ്ഞ മൂ​ന്ന് വ​ർ​ഷ​ങ്ങ​ളി​ൽ ത​ര​ക്കേ​ടി​ല്ലാ​ത്ത വേ​ന​ല്‍മ​ഴ ല​ഭി​ച്ചു. എ​ന്നാ​ല്‍ ഇ​ത്ത​വ​ണ എ​ല്ലാ ക​ണ​ക്കു​കൂ​ട്ട​ലും തെ​റ്റി. വേ​ന​ല്‍ക്കാ​ല​ത്തെ വെ​ള്ള​ക്ഷാ​മം ത​ട​യാ​ൻ പ​ല​യി​ട​ത്തും ത​ട​യ​ണ നി​ര്‍മി​ച്ചി​രു​ന്നു​വെ​ങ്കി​ലും പു​ഴ​ക​ളി​ല്‍ നീ​രൊ​ഴു​ക്ക് നി​ല​ച്ച​തോ​ടെ അ​തെ​ല്ലാം വെ​റു​തെ​യാ​യി. കാ​ല​വ​ര്‍ഷ​ത്തി​ൽ മാ​ത്ര​മാ​ണ് ഇ​നി മ​ല​യോ​ര ജ​ന​ത​യു​ടെ പ്ര​തീ​ക്ഷ.