Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightKalikavuchevron_rightപ​രി​യ​ങ്ങാ​ട് ജു​മാ...

പ​രി​യ​ങ്ങാ​ട് ജു​മാ മ​സ്ജി​ദ് ഓ​ർ​മ​യി​ലേ​ക്ക്; ന​വീ​ക​ര​ണ​ത്തി​നാ​യി ഈ ​മാ​സം പൊ​ളി​ക്കും

text_fields
bookmark_border
Pariyangad Juma Masjid
cancel
camera_alt

പ​രി​യ​ങ്ങാ​ട് മ​ഹ​ല്ല് പ​ള്ളി

കാ​ളി​ക്കാ​വ്​: കി​ഴ​ക്ക​നേ​റ​നാ​ട്ടി​ൽ നൂ​റ്റാ​ണ്ടു​ക​ളു​ടെ പാ​ര​മ്പ​ര്യ​വും പൈ​തൃ​ക​വും നെ​ഞ്ചേ​റ്റു​ന്ന പു​രാ​ത​ന ജു​മാ മ​സ്ജി​ദ് ഓ​ർ​മ​യി​ലേ​ക്ക്. വി​ഭ​ക്ത ഏ​റ​നാ​ട്ടി​ലെ ആ​ദ്യ പ​ള്ളി​ക​ളി​ലൊ​ന്നാ​യ പ​രി​യ​ങ്ങാ​ട് ജു​മാ മ​സ്ജി​ദ് കാ​ല​പ്പ​ഴ​ക്കം മൂ​ലം ജീ​ർ​ണി​ച്ച​തി​നാ​ൽ ഈ ​മാ​സം പൊ​ളി​ക്കു​ക​യാ​ണ്. പ​ള്ളി​യു​ടെ മു​ൻ​ഭാ​ഗം പു​തു​താ​യി പ​ണി​തെ​ങ്കി​ലും അ​ക​ത്തെ പ​ള്ളി അ​തേ​പ​ടി നി​ല​നി​ർ​ത്തി​യി​ട്ടു​ണ്ട്. നി​ര​വ​ധി ത​വ​ണ ന​വീ​ക​ര​ണം ന​ട​ത്തി​യി​ട്ടു​ണ്ട്. ഇ​പ്പോ​ൾ പ​ള്ളി​യു​ടെ ന​ടു​ത്തൂ​ണു​ക​ൾ ദ്ര​വി​ച്ച​തി​നാ​ൽ താ​ങ്ങ് കൊ​ടു​ത്ത് നി​ർ​ത്തി​യി​രി​ക്കു​ക​യാ​ണ്.

പ​ഴ​യ​കാ​ല​ത്ത് പ​രി​യ​ങ്ങാ​ട് പു​ഴ​യോ​ട് ചേ​ർ​ന്നു​ള്ള പ​ള്ളി​ക്കും അ​തി​നെ ചു​റ്റി​പ്പ​റ്റി പു​ഴ​യോ​ര​ത്താ​ണ് ജ​ന​വാ​സ​മു​ണ്ടാ​യി​രു​ന്ന​ത്. മു​മ്പ്, ദൂ​രെ ദി​ക്കി​ലു​ള്ള​വ​ർ​ക്കു പോ​ലും ഖ​ബ​ർ​സ്ഥാ​ൻ ഇ​വി​ട​യെ​യാ​യി​രു​ന്നു. മൂ​ന്ന് ഭാ​ഗ​വും പ​രി​യ​ങ്ങാ​ട് പു​ഴ​യാ​ൽ ചു​റ്റ​പ്പെ​ട്ട മു​പ്പ​തി​ല​ധി​കം ഏ​ക്ക​ർ സ്ഥ​ല​ത്താ​ണ് പ​ള്ളി​യു​ള്ള​ത്.

1916ൽ ​ജൂ​ൺ 16ന് ​പു​തു​ക്കി​പ്പ​ണി​ത മി​മ്പ​റി​ലും അ​തി​നു​കൂ​ടെ പു​തു​ക്കി​പ്പ​ണി​ത മ​ച്ചി​ലി​ലും വ​ർ​ഷം കു​റി​ച്ചി​ട്ടു​ണ്ട്. പ​ള്ളി​യോ​ട​നു​ബ​ന്ധി​ച്ച് ഖാ​ദി​പ്പു​ര​യും മു​ക്രി​പ്പു​ര​യും ഉ​ണ്ടാ​യി​രു​ന്നു. പു​ഴ​യി​ൽ നി​ന്ന് കോ​രി കൊ​ണ്ടു​വ​ന്നാ​ണ് ഒ​റ്റ​ക്ക​ല്ലി​ലു​ണ്ടാ​ക്കി​യ ഹൗ​ളി​ലേ​ക്ക് വെ​ള്ളം നി​റ​ച്ചി​രു​ന്ന​ത്. ഇ​ങ്ങ​നെ വെ​ള്ളം നി​റ​ക്കാ​ൻ ആ​ളു​ക​ൾ നേ​ർ​ച്ച നേ​രു​ന്ന പ​തി​വു​മു​ണ്ടാ​യി​രു​ന്ന​ത്രേ. വെ​ള്ളം കൊ​ണ്ടു​വ​രാ​നാ​യി പു​ഴ​ക്ക​ര​യി​ലെ പാ​റ​ക​ളി​ൽ ഒ​തു​ക്ക് വെ​ട്ടി​യു​ണ്ടാ​ക്കി​യ​ത് ഇ​പ്പോ​ഴും ഉ​ണ്ട്. 1921ലെ ​ക​ലാ​പ​ത്തി​ൽ ബ്രി​ട്ടീ​ഷ് പ​ട്ടാ​ളം പ​ള്ളി​ക്ക് തീ​വെ​ച്ച​താ​യും നി​ര​വ​ധി കി​താ​ബു​ക​ൾ ക​ത്തി​ന​ശി​ച്ച​താ​യും പ​ഴ​മ​ക്കാ​ർ പ​റ​യു​ന്നു.

അ​ത്യാ​ധു​നി​ക സൗ​ക​ര്യ​ത്തോ​ടെ വി​ശാ​ല​മാ​യ ഹാ​ളു​ക​ളോ​ടെ ര​ണ്ടു നി​ല​ക​ളി​ലാ​യാ​ണ് പു​തി​യ പ​ള്ളി നി​ർ​മി​ക്കു​ന്ന​ത്. റ​മ​ദാ​ൻ നോ​മ്പ് ക​ഴി​ഞ്ഞാ​ൽ ഉ​ട​ൻ പൊ​ളി​ച്ചു​മാ​റ്റ​ൽ ജോ​ലി തു​ട​ങ്ങും. ന​മ​സ്ക​രി​ക്കാ​ൻ തൊ​ട്ട​ടു​ത്ത കോ​ള​ജി​ന​ടു​ത്ത് താ​ൽ​ക്കാ​ലി​ക​മാ​യി പ​ന്ത​ൽ സ​ജ്ജീ​ക​രി​ക്കു​ന്നു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Juma Masjid
News Summary - Pariyangad Juma Masjid
Next Story