കടബാധ്യതയിൽ വീട് നഷ്ടമായി; ഉമ്മറി​​ന്‍റെ കുടുംബം ഓലഷെഡിൽ

കാ​ളി​കാ​വ്: ക​ട​ബാ​ധ്യ​ത​യെ​ത്തു​ട​ർ​ന്ന് കി​ട​പ്പാ​ടം ബാ​ങ്ക് ജ​പ്തി ചെ​യ്ത​തോ​ടെ കു​ടും​ബം അ​ന്തി​യു​റ​ങ്ങു​ന്ന​ത് ഓ​ല​ഷെ​ഡി​ൽ. മൂ​ന്ന് പെ​ൺ​മ​ക്ക​ളു​​ടെ ഭാ​വി​ജീ​വി​തം സു​ര​ക്ഷി​ത​മാ​ക്കാ​നും വീ​ട് വെ​ക്കാ​നു​മെ​ടു​ത്ത വാ​യ്പ അ​ട​ക്കാ​ൻ ക​ഴി​യാ​താ​യ​തോ​ടെ​യാ​ണ് വീ​ടും 13 സെ​ന്‍റ് സ്ഥ​ല​വും ബാ​ങ്കി​ന് പ​ണ​യ​പ്പെ​ടു​ത്തേ​ണ്ടി​വ​ന്ന​ത്.

ഇ​തോ​ടെ​യാ​ണ് കാ​ളി​കാ​വ് അ​ഞ്ച​ച്ച​വി​ടി പ​രി​യ​ങ്ങാ​ട് പൂ​ങ്കു​ഴി ഉ​മ്മ​റി​ന്റെ കു​ടും​ബം ഏ​താ​നും മാ​സ​മാ​യി സ​ഹോ​ദ​രി​യു​ടെ പ​റ​മ്പി​ൽ കെ​ട്ടി​യ ഓ​ല​ഷെ​ഡി​ൽ ക​ഴി​യു​ന്ന​ത്. ഏ​ഴു വ​ർ​ഷം മു​മ്പാ​ണ് ഉ​മ്മ​റും ഭാ​ര്യ​യും ചേ​ർ​ന്ന് കാ​ളി​കാ​വി​ലെ സ​ഹ​ക​ര​ണ ബാ​ങ്കി​ൽ​നി​ന്ന് ഒ​മ്പ​ത്​​ ല​ക്ഷം രൂ​പ വാ​യ്പ​യെ​ടു​ത്ത​ത്. വീ​ട് നി​ർ​മാ​ണ​വും മ​ക്ക​ളു​ടെ വി​വാ​ഹ​വും ന​ട​ത്തി. മു​ത​ലും പ​ലി​ശ​യും ചേ​ർ​ത്ത് 20 ല​ക്ഷ​ത്തോ​ളം രൂ​പ അ​ട​ക്ക​ണ​മെ​ന്ന് ആ​വ​ശ്യ​പ്പെ​ട്ട് ബാ​ങ്ക് പ​ല​ത​വ​ണ നോ​ട്ടീ​സ​യ​ച്ചു. എ​ന്നാ​ൽ, തി​രി​ച്ച​ട​വി​ന് മാ​ർ​ഗ​മി​ല്ലാ​തെ ഉ​മ്മ​ർ നി​സ്സ​ഹാ​യാ​വ​സ്ഥ​യി​ലാ​യി. അ​തി​നി​ടെ ബാ​ങ്ക് അ​ട​ക്കേ​ണ്ട സം​ഖ്യ​യി​ൽ ഇ​ള​വ് ന​ൽ​കി 15 ല​ക്ഷം രൂ​പ​യാ​ക്കി കു​റ​ച്ചു​കൊ​ടു​ത്തു.

അ​തി​നു​ശേ​ഷം ക​ഴി​ഞ്ഞ ന​വം​ബ​റി​ൽ ന​ട​ന്ന ന​വ​കേ​ര​ള സ​ദ​സ്സി​ൽ ന​ൽ​കി​യ അ​പേ​ക്ഷ​യെ തു​ട​ർ​ന്ന് വീ​ണ്ടും ഇ​ള​വ് ന​ൽ​കി ആ​കെ അ​ട​ക്കേ​ണ്ട തു​ക 12 ല​ക്ഷ​മാ​ക്കി​ക്കൊ​ടു​ത്തു. ഇ​തി​നി​ട​യി​ലാ​ണ് വാ​യ്പ തി​രി​ച്ച​ട​വ് പൂ​ർ​ത്തി​യാ​യി​ല്ലെ​ന്ന കാ​ര​ണ​ത്താ​ൽ നാ​ലു​മാ​സം മു​മ്പ് ബാ​ങ്ക് അ​ധി​കൃ​ത​രെ​ത്തി 13 സെ​ന്‍റ് സ്ഥ​ല​ത്തി​ന്റെ​യും വീ​ടി​​ന്‍റെ​യും ജ​പ്തി ന​ട​പ​ടി​ക​ൾ പൂ​ർ​ത്തി​യാ​ക്കി​യ​ത്.

ഗു​ഡ്സ് ഓ​ട്ടോ ഓ​ടി​ച്ച് ജീ​വി​തം പു​ല​ർ​ത്തു​ന്ന ഉ​മ്മ​റി​ന് ര​ണ്ട് മ​ക്ക​ളു​ണ്ട്. സു​മ​ന​സ്സു​ക​ളു​ടെ ക​നി​വ് പ്ര​തീ​ക്ഷി​ച്ചി​രി​ക്കു​ക​യാ​ണ് കു​ടും​ബം.