ഇരുളടഞ്ഞ വഴിയിൽ മൊയ്തീൻകുട്ടിക്ക്​ തണലായി 'ഹിമ'

കാ​ളി​കാ​വ്: കാ​ഴ്ച​യി​ല്ലാ​ത്ത​വ​ർ​ക്കാ​യി പ്ര​വ​ർ​ത്തി​ക്കു​ന്ന കീ​ഴു​പ​റ​മ്പ് അ​ഗ​തി മ​ന്ദി​ര​ത്തി​ലെ അ​ന്തേ​വാ​സി​യാ​യി​രു​ന്ന മൊ​യ്തീ​ൻ​കു​ട്ടി​ക്ക് (65) ഇ​നി 'ഹി​മ'​യു​ടെ ത​ണ​ൽ. ക​ണ്ണി​ൽ ഇ​രു​ൾ വീ​ണ്​ പ​ര​സ​ഹാ​യ​ത്തി​ൽ ക​ഴി​യു​ക​യാ​യി​രു​ന്ന അ​ദ്ദേ​ഹ​ത്തെ സാ​മൂ​ഹി​ക​നീ​തി വ​കു​പ്പ് ഇ​ട​പെ​ട്ടാ​ണ് അ​ഗ​തി​മ​ന്ദി​ര​ത്തി​ലെ​ത്തി​ച്ച​ത്. മി​ക​ച്ച ചി​കി​ത്സ ല​ഭി​ച്ചാ​ൽ കാ​ഴ്ച തി​രി​ച്ചു​കി​ട്ടു​മെ​ന്ന് ആ​രോ​ഗ്യ വി​ദ​ഗ്ധ​ർ അ​റി​യി​ച്ച​തി​നെ തു​ട​ർ​ന്ന് ആ​ദ്യം അ​രീ​ക്കോ​ട് താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും പ്ര​വേ​ശി​പ്പി​ച്ചി​രു​ന്നു. ഇ​രു ക​ണ്ണു​ക​ളി​ലെ​യും ശ​സ്ത്ര​ക്രി​യ വി​ജ​യി​ച്ച​തോ​ടെ ക​ണ്ണി​ൽ വെ​ളി​ച്ചം വീ​ണു. എ​ന്നാ​ൽ, കാ​ഴ്ച തി​രി​ച്ചു​കി​ട്ടി​യ​തോ​ടെ ജീ​വി​ത​വ​ഴി​യി​ൽ ഇ​രു​ൾ വീ​ണു. അ​ദ്ദേ​ഹ​ത്തി​ന് അ​ഭ​യം ന​ൽ​കി​യ സ്ഥാ​പ​ന​ത്തി​ൽ അ​ന്ധ​ർ​ക്ക്​ മാ​ത്ര​മേ പ്ര​വേ​ശ​ന​മു​ള്ളൂ. ഈ ​പ്ര​തി​സ​ന്ധി ഘ​ട്ട​ത്തി​ലാ​ണ് സാ​മൂ​ഹി​ക​നീ​തി ജി​ല്ല ഓ​ഫി​സ​ർ കൃ​ഷ്‌​ണ​മൂ​ർ​ത്തി ഹി​മ കെ​യ​ർ ഹോ​മി​ലേ​ക്ക് ശി​പാ​ർ​ശ​ക്ക​ത്ത് ന​ൽ​കി​യ​ത്. ക​ത്ത് കി​ട്ടി​യ ഉ​ട​ൻ ഹി​മ അ​ധി​കൃ​ത​ർ പ്ര​വേ​ശ​നം ന​ൽ​കു​ക​യാ​യി​രു​ന്നു.

കൊ​ണ്ടോ​ട്ടി നെ​ടി​യി​രു​പ്പ് സ്വ​ദേ​ശി​യാ​യ മൊ​യ്​​തീ​ൻ​കു​ട്ടി 12ാം വ​യ​സ്സി​ൽ നാ​ടു​വി​ട്ട​താ​ണ്. പു​ത്ത​ന​ത്താ​ണി​യി​ൽ ദീ​ർ​ഘ​കാ​ലം ക​ഴി​ച്ചു​കൂ​ട്ടി​യ അ​ദ്ദേ​ഹം അ​വി​ടെ​നി​ന്ന് വി​വാ​ഹം ക​ഴി​ച്ചു. നാ​ലു കു​ട്ടി​ക​ളു​മാ​യി. കാ​ഴ്ച മ​ങ്ങി​യ​തോ​ടെ ജോ​ലി​ക്ക്​ പോ​വാ​ൻ ക​ഴി​യാ​താ​യി. ഭാ​ര്യ ജോ​ലി ചെ​യ്​​ത്​ കി​ട്ടു​ന്ന വേ​ത​നം കൊ​ണ്ട് കു​ടും​ബം മു​ന്നോ​ട്ടു പോ​വു​ന്ന​തി​നി​ടെ, ഒ​രു ദി​വ​സം ജോ​ലി​ക്കു പോ​യ ഭാ​ര്യ തി​രി​കെ വ​ന്നി​ല്ല. അ​ഞ്ചു വ​യ​സ്സു​ള്ള കു​ട്ടി​യ​ട​ക്കം ഇ​തോ​ടെ അ​നാ​ഥ​രാ​യി. അ​വ​രെ സാ​മൂ​ഹി​ക​നീ​തി വ​കു​പ്പ് ര​ണ്ട​ത്താ​ണി​യി​ലെ ശാ​ന്തി ഭ​വ​നി​ലാ​ക്കി. മൊ​യ്തീ​ൻ​കു​ട്ടി​യെ കേ​ര​ള ഫെ​ഡ​റേ​ഷ​ൻ ഓ​ഫ് ദ ​ബ്ലൈ​ൻ​ഡ്​ ന​ട​ത്തു​ന്ന ഹോം ​ഫോ​ർ ഡെ​സ്​​റ്റി​റ്റ്യൂ​ട്ട് ബ്ലൈ​ൻ​ഡ്​ എ​ന്ന സ്ഥാ​പ​ന​ത്തി​ലു​മെ​ത്തി​ച്ചു. അ​വി​ടെ വെ​ച്ചാ​ണ് ചി​കി​ത്സ ല​ഭി​ച്ച​തും ജീ​വി​ത​ത്തി​ൽ വ​ഴി​ത്തി​രി​വു​ണ്ടാ​യ​തും.

കീ​ഴു​പ​റ​മ്പ് അ​ഗ​തി​മ​ന്ദി​രം അ​ഡ്​​മി​നി​സ്ട്രേ​റ്റ​ർ അ​ബ്​​ദു​ൽ ഹ​മീ​ദ് മാ​സ്​​റ്റ​ർ, ഉ​ണ്ണി​കൃ​ഷ്ണ​ൻ മാ​സ്​​റ്റ​ർ എ​ന്നി​വ​രാ​ണ് ഹി​മ​യി​ലെ​ത്തി​ച്ച​ത്. ഹി​മ ജ​ന. സെ​ക്ര​ട്ട​റി ഫ​രീ​ദ് റ​ഹ്മാ​നി കാ​ളി​കാ​വ്, വൈ​സ് ചെ​യ​ർ​മാ​ൻ സ​ലാം ഫൈ​സി ഇ​രി​ങ്ങാ​ട്ടി​രി, അ​ഡ്മി​നി​സ്ട്രേ​റ്റ​ർ എം.​കെ. ജു​നൈ​ദ്, സ്​​റ്റാ​ഫ് ന​ഴ്‌​സ് ധ​ന്യ സു​ദ​ർ​ശ​ൻ, സൂ​പ്പ​ർ​വൈ​സ​ർ ജ​മീ​ല എ​ന്നി​വ​ർ സ്വീ​ക​രി​ച്ചു.