വാളക്കുളത്തെ ഇരട്ട വീട്ടുകാർക്ക് പുതിയ വീടൊരുങ്ങി

കാ​ളി​കാ​വ്: പ​ന്നി​ക്കോ​ട്ടു​മു​ണ്ട വാ​ള​ക്കു​ളം കോ​ള​നി​യി​ലെ ഇ​ര​ട്ട വീ​ട്ടു​കാ​ർ​ക്ക് വീ​ടെ​ന്ന സ്വ​പ്നം യാ​ഥാ​ർ​ത്ഥ്യ​മാ​യി. സം​സ്ഥാ​ന ഭ​വ​ന ബോ​ർ​ഡി​ന്റെ സ​ഹാ​യ​ത്തി​ൽ എ​ട്ട് ക​ടും​ബ​ങ്ങ​ൾ​ക്കു​ള്ള വീ​ട് നി​ർ​മാ​ണം അ​ന്തി​മ ഘ​ട്ട​ത്തി​ലാ​ണ്. പ​ഴ​യ ല​ക്ഷം വീ​ട് പ​ദ്ധ​തി​യി​ൽ ല​ഭി​ച്ച ഇ​ര​ട്ട വീ​ടു​ക​ൾ പൊ​ളി​ച്ച് നീ​ക്കി​യാ​ണ് പു​തി​യ വീ​ടു​ക​ളു​ടെ നി​ർ​മാ​ണം ന​ട​ക്കു​ന്ന​ത്. നാ​ലു വീ​ടു​ക​ളു​ടെ മേ​ൽ​ക്കൂ​ര കോ​ൺ​ക്രീ​റ്റ് ചെ​യ്തു​ക​ഴി​ഞ്ഞു. ഈ ​മാ​സം ത​ന്നെ മ​റ്റു നാ​ലു വീ​ടു​ക​ളു​ടെ കോ​ൺ​ക്രീ​റ്റി​ങ്ങും ന​ട​ത്തും.

1973ൽ ​നി​ർ​മി​ച്ച ഇ​ര​ട്ട വീ​ടു​ക​ളി​ലാ​ണ് 12 കു​ടും​ബ​ങ്ങ​ൾ താ​മ​സി​ച്ചി​രു​ന്ന​ത്. കാ​ല​പ്പ​ഴ​ക്കം കൊ​ണ്ട് ത​ക​ർ​ച്ച നേ​രി​ടു​ന്ന വീ​ടു​ക​ൾ പു​തു​ക്കി​പ​ണി​യു​ന്ന​തി​ന് വേ​ണ്ടി പ​ല​വ​ട്ടം പ​ഞ്ചാ​യ​ത്തി​നെ സ​മീ​പി​ച്ചെ​ങ്കി​ലും അ​ധി​കൃ​ത​ർ​ക്ക് ഫ​ണ്ട് അ​നു​വ​ദി​ക്കാ​ൻ ക​ഴി​ഞ്ഞി​ല്ല. വാ​ർ​ഡ് അം​ഗം കെ.​ടി. സ​ലീ​ന​യു​ടെ​യും കൊ​ടി മ​ജീ​ദി​ന്റെ​യും നി​ര​ന്ത​ര പ്ര​യ​ത്ന​ത്തി​നൊ​ടു​വി​ൽ സം​സ്ഥാ​ന ഭ​വ​ന നി​ർ​മാ​ണ ബോ​ർ​ഡി​ൽ​നി​ന്നാ​ണ് ഇ​വ​ർ​ക്ക് ഫ​ണ്ട് അ​നു​വ​ദി​ച്ചു​കി​ട്ടി​യ​ത്. നാ​ല്​ ല​ക്ഷം രൂ​പ വീ​തം ഓ​രോ വീ​ടി​നും അ​നു​വ​ദി​ച്ചി​ട്ടു​ണ്ട്. മു​ഖ്യ​മ​ന്ത്രി, ജി​ല്ല ക​ല​ക്ട​ർ, ഭ​വ​ന വ​കു​പ്പ് മ​ന്ത്രി എ​ന്നി​വ​ർ​ക്ക് പ​രാ​തി ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ലാ​ണ് ഫ​ണ്ട് ല​ഭി​ച്ച​ത്.