പരാതിക്ക്​ അധികൃതർ ചെവികൊടുത്തില്ല; ശങ്കര​ന്‍റെ വീട് മഴയിൽ തകർന്നു

കാ​ളി​കാ​വ്: ചോ​ക്കാ​ട് ചി​ങ്ക​ക്ക​ല്ല് ആ​ദി​വാ​സി കോ​ള​നി​യി​ലെ ശ​ങ്ക​ര​െൻറ വീ​ട് ത​ക​ർ​ന്നു. ക​ഴി​ഞ്ഞ ദി​വ​സം പെ​യ്ത ക​ന​ത്ത മ​ഴ​യി​ലാ​ണ് വീ​ട് ത​ക​ർ​ന്ന​ത്. ഭി​ത്തി വി​ണ്ടു​കീ​റി​യ​തി​നാ​ൽ ഏ​തു സ​മ​യ​വും ദു​ര​ന്തം കാ​തോ​ർ​ത്ത് ചി​ങ്ക​ക്ക​ല്ല് കോ​ള​നി​യി​ലെ ആ​ദി​വാ​സി കു​ടും​ബം ക​ഴി​യു​ന്ന വാ​ർ​ത്ത നേ​ര​ത്തേ മാ​ധ്യ​മം പ്ര​സി​ദ്ധീ​ക​രി​ച്ചി​രു​ന്നു. എ​ന്നാ​ൽ, അ​ധി​കൃ​ത​ർ ഗൗ​ര​വ​മാ​യി എ​ടു​ത്തി​ല്ല.

ക​ഴി​ഞ്ഞ ദി​വ​സ​മു​ണ്ടാ​യ ശ​ക്ത​മാ​യ മ​ഴ​യി​ൽ വീ​ടി​െൻറ ഒ​രു ഭാ​ഗം പൂ​ർ​ണ​മാ​യും ത​ക​ർ​ന്നു​വീ​ണു. അ​വ​ശേ​ഷി​ക്കു​ന്ന ഭാ​ഗം ത​ക​ർ​ച്ച​ഭീ​ഷ​ണി​യി​ലു​മാ​ണ്.ചോ​ല​യു​ടെ തീ​ര​ത്ത് 15 അ​ടി​യി​ലേ​റെ ഉ​യ​ര​ത്തി​ൽ കെ​ട്ടി​യ ത​റ​യി​ലാ​ണ് വീ​ട് പ​ണി​തി​ട്ടു​ള്ള​ത്. അ​ഞ്ചു​വ​ർ​ഷം മു​മ്പ് ഐ.​ടി.​ഡി.​പി സ​ഹാ​യ​ത്തോ​ടെ നി​ർ​മി​ച്ച​താ​ണ് വീ​ട്.

നി​ർ​മാ​ണ​ത്തി​ലെ അ​ശാ​സ്ത്രീ​യ​ത​യാ​ണ് ത​ക​ർ​ച്ച​ക്ക് കാ​ര​ണം. കു​ത്ത​നെ​യു​ള്ള ചോ​ല​യി​ലേ​ക്ക് തൂ​ങ്ങി​നി​ൽ​ക്കു​ന്ന നി​ല​യി​ലാ​ണ് വീ​ട്. അ​ന്തി​യു​റ​ങ്ങാ​ൻ വേ​റെ ഇ​ട​മി​ല്ലാ​ത്ത​തി​നാ​ൽ ശ​ങ്ക​ര​നും മ​ക്ക​ളും ഇ​പ്പോ​ഴും ത​ക​ർ​ന്ന വീ​ട്ടി​ൽ ജീ​വ​ൻ പ​ണ​യം വെ​ച്ചാ​ണ് ക​ഴി​ച്ചു​കൂ​ട്ടു​ന്ന​ത്.