ജൂഡോ പഠിക്കാൻ കുട്ടികളുണ്ട്​​, എവിടെ പരിശീലന സൗകര്യം?

മ​ല​പ്പു​റം: ജ​പ്പാ​നീ​സ്​ മ​ല്ല​യു​ദ്ധ​മു​റ​യാ​യ, ജൂ​ഡോ പ​ഠി​ക്കു​ന്ന​വ​രു​ടെ എ​ണ്ണം ജി​ല്ല​യി​ൽ കൂ​ടി​വ​രു​ന്നു​ണ്ടെ​ങ്കി​ലും ഈ ​കാ​യി​ക​യി​നം അ​ഭ്യ​സി​ക്കാ​ൻ ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യം തീ​ർ​ത്തും അ​പ​ര്യാ​പ്തം. ഒ​ളി​മ്പി​ക്സ്​ കാ​യി​ക​യി​ന​മാ​യ ജൂ​ഡോ, സ്കൂ​ൾ ഗെ​യിം​സി​ൽ​കൂ​ടി ഉ​ൾ​പ്പെ​ടു​ത്തി​യ​തോ​ടെ​യാ​ണ്​ ഇ​ത്​ പ​ഠി​ക്കാ​ൻ കു​ട്ടി​ക​ൾ കൂ​ടു​ത​ലാ​യി മു​ന്നോ​ട്ടു​വ​രു​ന്ന​ത്. പെ​ൺ​കു​ട്ടി​ക​ൾ വ​ലി​യ​തോ​തി​ൽ ജൂ​ഡോ പ​ഠി​ച്ച്​ മ​ത്സ​ര​ങ്ങ​ളി​ൽ പ​​ങ്കെ​ടു​ക്കു​ന്ന പു​തി​യ ​ട്രെ​ൻ​ഡ് ജി​ല്ല​യി​ലു​ണ്ട്​. ഞാ​യ​റാ​ഴ്ച മ​ല​പ്പു​റ​ത്ത്​ ന​ട​ന്ന ഖേ​ലോ ഇ​ന്ത്യ സം​സ്ഥാ​ന വ​നി​ത ജൂ​ഡോ ചാ​മ്പ്യ​ൻ​ഷി​പ്പി​ലെ 200 മ​ത്സ​രാ​ർ​ഥി​ക​ളി​ൽ നൂ​റോ​ളം പേ​ർ ജി​ല്ല​യി​ൽ​നി​ന്നു​ള്ള​വ​രാ​ണ്. ജൂ​ഡോ അ​സോ​സി​യേ​ഷ​ൻ സം​ഘ​ടി​പ്പി​ച്ച ജി​ല്ല ചാ​മ്പ്യ​ൻ​ഷി​പ്പി​ൽ മ​ല​പ്പു​റ​ത്ത്​ 400ലേ​റെ മ​ത്സ​രാ​ർ​ഥി​ക​ൾ ഉ​ണ്ടാ​യി​രു​ന്നു. ഗ്രേ​സ്​ മാ​ർ​ക്ക്​ നേ​ടി​യെ​ടു​ക്കു​ന്ന​തി​നൊ​പ്പം സ്വ​യം​പ്ര​തി​രോ​ധ​ന​ത്തി​നു​ള്ള അ​ഭ്യാ​സ മു​റ​യെ​ന്ന നി​ല​​ക്കും ജൂ​ഡോ​യെ പെ​ൺ​കു​ട്ടി​ക​ൾ കാ​ണു​ന്നു.

എ​ന്നാ​ൽ, ജി​ല്ല​യി​ൽ ജൂ​ഡോ പ​രി​ശീ​ല​ന സൗ​ക​ര്യം നാ​മ​മാ​ത്ര​മാ​ണ്. സ്​​പോ​ർ​ട്സ്​ കൗ​ൺ​സി​ലി​ലെ ആ​റ്​ ഹോ​സ്റ്റ​ലു​ക​ളി​ൽ ഒ​ന്നി​ൽ പോ​ലും പ​രി​ശീ​ല​ന​ത്തി​ന്​ സൗ​ക​ര്യ​മി​ല്ല. ജി​ല്ല​യി​ലെ സ്​​പോ​ർ​ട്​​സ്​ ഹോ​സ്റ്റ​ലു​ക​ളി​ൽ ക​നോ​യി​ങ്, ക​ബ​ഡി​യ​ട​ക്കം പ​രി​ശീ​ലി​ക്കാ​ൻ സം​വി​ധാ​ന​മു​ണ്ടെ​ങ്കി​ലും ജൂ​ഡോ​ക്കി​ല്ല. സ​ർ​ക്കാ​ർ ഫ​ണ്ടി​ൽ പ്ര​വ​ർ​ത്തി​ക്കു​ന്ന ആ​കെ​യൊ​രു പ​രി​ശീ​ല​ന കേ​ന്ദ്രം നി​റ​മ​രു​തൂ​ർ ഗ​വ. സ്കൂ​ളി​ലേ​താ​ണ്. ഇ​വി​ടെ സ​ർ​ക്കാ​ർ നേ​രി​ട്ട്​ ട്രെ​യി​​ന​റെ വെ​ച്ച്​ കു​ട്ടി​ക​​ൾ​ക്ക്​ പ​രി​ശീ​ല​നം ന​ൽ​കു​ന്നു​ണ്ട്. സ്​​പോ​ർ​ട്സ്​ ഫൗ​ണ്ടേ​ഷ​ൻ പ​ദ്ധ​തി​പ്ര​കാ​രം പ​ത്തു ജി​ല്ല​ക​ളി​ൽ ക​ഴി​ഞ്ഞ മാ​ർ​ച്ചി​ൽ സ്ഥാ​പി​ക്ക​പ്പെ​ട്ട പ​രി​ശീ​ല​ന കേ​ന്ദ്ര​ങ്ങ​ളി​ൽ ഒ​ന്നാ​ണി​ത്. താ​നൂ​ർ ഫി​ഷ​റീ​സ്​ സ്കൂ​ളി​ൽ ചെ​റി​യ​തോ​തി​ൽ പ​രി​ശീ​ല​ന സൗ​ക​ര്യം ഒ​രു​ക്കി​യി​ട്ടു​ണ്ടെ​ങ്കി​ലും പൂ​ർ​ണ സ​ജ്ജ​മാ​യി​ട്ടി​ല്ല. തി​രു​വ​ന​ന്ത​പു​രം ജി.​വി. രാ​ജ സ്കൂ​ളി​ലും സാ​യ്​ തൃ​ശൂ​ർ കേ​ന്ദ്ര​ത്തി​ലും തൃ​ശൂ​ർ, പാ​ല​ക്കാ​ട്, ഇ​ടു​ക്കി, എ​റ​ണാ​കു​ളം ജി​ല്ല​ക​ളി​ലെ സ്പോ​ർ​ട്​​സ്​ കൗ​ൺ​സി​ൽ ഹോ​സ്റ്റ​ലു​ക​ളി​ലു​മാ​ണ്​ നി​ല​വി​ൽ ജൂ​ഡോ പ​രി​ശീ​ല​ന​ത്തി​ന്​ സൗ​ക​ര്യ​മു​ള്ളൂ.

പ്ലേ​യി​ങ്​ ഏ​രി​യ എ​വി​ടെ സ്ഥാ​പി​ക്കും?

എ​തി​രാ​ളി​ക​ളെ മ​ല​ർ​ത്തി​യ​ടി​ക്കു​ന്ന, നി​രാ​യു​ധ കാ​യി​ക​രൂ​പ​മെ​ന്ന നി​ല​ക്ക്​ ജൂ​ഡോ പ​രി​ശീ​ല​ന​ത്തി​നും മ​ത്സ​ര​ങ്ങ​ൾ​ക്കും​ പ്ര​ധാ​ന​മാ​യും വേ​ണ്ട​ത്, മി​ക​ച്ച ഗു​ണ​നി​ല​വാ​ര​മു​ള്ള മാ​റ്റാ​ണ്. ന​ല്ല മാ​റ്റി​ന്‍റെ അ​ഭാ​വ​ത്തി​ൽ താ​ര​ങ്ങ​ൾ വീ​ണു​വ​ലി​യ പ​രി​ക്കു​ക​ൾ വ​രാ​നു​ള്ള സാ​ധ്യ​ത​യേ​റെ​യാ​ണ്. റ​ബ​ർ​ഫോം​ഡ്​ മാ​റ്റി​ന്​ ഒ​ന്നി​ന്​ 6500 രൂ​പ വി​ല​വ​രും. ഇ​ങ്ങ​നെ 70 മു​ത​ൽ 96 വ​രെ മാ​റ്റു​ക​ൾ ചേ​ർ​ത്തു​വെ​ച്ചാ​ണ്​ ജൂ​ഡോ പ്ലേ​യി​ങ് ഏ​രി​യ ഒ​രു​ക്കു​ന്ന​ത്. മാ​റ്റു​ക​ൾ​ക്ക്​ മാ​ത്രം മൂ​ന്നേ​ക്കാ​ൽ ല​ക്ഷം രൂ​പ​വേ​ണം. പ്ലേ​യി​ങ്​ ഏ​രി​യ സ്ഥി​ര​മാ​യി സം​വി​ധാ​നി​ക്കാ​ൻ ഇ​ൻ​ഡോ​ർ സ്​​റ്റേ​ഡി​യം​പോ​ലു​ള്ള സ്ഥ​ല​സൗ​ക​ര്യ​വും ആ​വ​ശ്യ​മാ​ണ്. നി​ല​വി​ൽ ജി​ല്ല​യി​ൽ മി​ക​ച്ച ​പ്ലേ​യി​ങ്​ ഏ​രി​യ ഉ​ള്ള​ത്​ നി​റ​മ​രു​തൂ​ർ സ്കൂ​ളി​ൽ മാ​ത്ര​മാ​ണ്. ജി​ല്ല​യി​ൽ വാ​ഴ​ക്കാ​ട്, എ​ള​ങ്കൂ​ർ, നെ​ല്ലി​ക്കു​ത്ത്, മ​ഞ്ചേ​രി, പ​ന്ത​ല്ലൂ​ർ, ഒ​ഴൂ​ർ, നി​റ​മ​രു​തൂ​ർ, താ​ഴെ​ക്കോ​ട്, താ​നൂ​ർ തു​ട​ങ്ങി​യ സ്ഥ​ല​ങ്ങ​ളി​ലെ​ല്ലാം കു​ട്ടി​ക​ൾ വ​ൻ​തോ​തി​ൽ ജൂ​ഡോ അ​ഭ്യ​സി​ക്കു​ന്നു​ണ്ട്. മി​ക്ക​യി​ട​ത്തും ക​നം​കു​റ​ഞ്ഞ മാ​റ്റു​ക​ൾ ഉ​പ​യോ​ഗി​ച്ചാ​ണ്​ കു​ട്ടി​ക​ൾ പ​രി​ശീ​ല​നം ന​ട​ത്തു​ന്ന​ത്. ഇ​ത്​ വ​ലി​യ പ​രി​ക്ക്​ ഉ​ണ്ടാ​വാ​നു​ള്ള സാ​ധ്യ​ത വ​ർ​ധി​പ്പി​ക്കു​ന്നു. 2009 മു​ത​ലു​ള്ള വ​ർ​ഷ​ങ്ങ​ളി​ൽ സ്​​പോ​ർ​ട്​​സ്​ കൗ​ൺ​സി​ൽ ജി​ല്ല​യി​ലെ എ​ട്ട്​ സ്കൂ​ളു​ക​ൾ​ക്ക്​ പ​രി​ശീ​ല​ന​ത്തി​ന്​ പ​രി​മി​ത​മാ​യ തോ​തി​ൽ മാ​റ്റ്​ ന​ൽ​കി​യി​രു​ന്നു. ഭാ​ര​മേ​റി​യ​താ​യ​തി​നാ​ൽ മാ​റ്റു​ക​ൾ സ്ഥി​ര​മാ​യി വി​രി​ച്ചി​ട​ണം. സ്കൂ​ളു​ക​ളി​​ലൊ​ന്നും ഇ​തി​നാ​വ​ശ്യ​മാ​യ സ്ഥ​ല​സൗ​ക​ര്യ​മി​ല്ല. 2019നു​ശേ​ഷം പ​രി​ശീ​ല​ന കേ​ന്ദ്ര​ങ്ങ​ൾ​ക്ക്​ മാ​റ്റ്​ വാ​ങ്ങി​ന​ൽ​കു​ന്ന പ​ദ്ധ​തി തു​ട​രാ​ൻ സ​ർ​ക്കാ​ർ ത​യാ​റാ​യി​ല്ല. ക​രാ​ട്ടേ പ​രി​ശീ​ല​ന​ത്തി​ന്​ പ​ഞ്ചാ​യ​ത്തു​ക​ൾ ഫ​ണ്ട്​ വെ​ക്കു​ന്നു​ണ്ടെ​ങ്കി​ലും ആ ​പ​രി​ഗ​ണ​ന ജൂ​ഡോ​ക്ക്​ ന​ൽ​കു​ന്നി​ല്ല.

വേ​ണം, വിദഗ്ധ പ​രി​ശീ​ല​ക​ർ

വി​ദ​ഗ്​​ധ പ​രി​ശീ​ല​ക​രു​ടെ കു​റ​വാ​ണ്​ മ​ല​പ്പു​റം ഒ​ട്ടു​മി​ക്ക ജി​ല്ല​ക​ളി​ലും കു​ട്ടി​ക​ൾ അ​നു​ഭ​വി​ക്കു​ന്ന മ​റ്റൊ​രു പ്ര​ശ്നം. സം​സ്ഥാ​ന​ത്തു​ത​ന്നെ 50 അം​ഗീ​കൃ​ത പ​രി​ശീ​ല​ക​രേ​യു​ള്ളൂ. എ​ൻ.​ഐ.​എ​സ്​ ഡി​േ​പ്ലാ​മ​യോ ജൂ​ഡോ ഫെ​ഡ​റേ​ഷ​ൻ ബ്ലാ​ക്ക്​ ബെ​ൽ​റ്റ്​ ഡി​​േ​പ്ലാ​മ ഉ​ള്ള​വ​രോ ആ​ണ്​ ജൂ​ഡോ​യു​ടെ അം​ഗീ​കൃ​ത ട്രെ​യി​​ന​ർ​മാ​ർ. കോ​ച്ചു​മാ​രു​ടെ കു​റ​വ്​ പ​രി​ഹ​രി​ക്കാ​ൻ കേ​ര​ള ജൂ​ഡോ അ​സോ​സി​യേ​ഷ​ൻ ഇ​ൻ​സ്​​ട്ര​ക്​​റ്റേ​ഴ്​​സ്​ ട്രെ​യി​നി​ങ്​ ക്യാ​മ്പ്​ സം​ഘ​ടി​പ്പി​ച്ച്​ കൂ​ടു​ത​ൽ പ​രി​ശീ​ല​ക​രെ ക​ള​ത്തി​ലി​റ​ക്കു​ന്നു​ണ്ട്. മു​ൻ ദേ​ശീ​യ, സം​സ്ഥാ​ന താ​ര​ങ്ങ​ൾ ഇ​പ്പോ​ൾ കു​ട്ടി​ക​ൾ​ക്ക്​ പ​രി​ശീ​ല​നം ന​ൽ​കി​വ​രു​ന്നു​ണ്ട്. ഏ​റെ നി​യ​മ​ങ്ങ​ളു​ള്ള ഒ​രു മ​ത്സ​ര​യി​ന​മെ​ന്ന നി​ല​ക്ക്​ മി​ക​ച്ച പ​രി​ശീ​ല​ക​ർ ജൂ​ഡോ​ക്ക്​ ആ​വ​ശ്യ​മാ​ണ്. സ്​​പോ​ർ​ട്​​സ്​ ഫൗ​ണ്ടേ​ഷ​ൻ സെ​ന്‍റ​റു​ക​ളി​ലും ​സ്​​പോ​ർ​ട്സ്​ കൗ​ൺ​സി​ൽ ഹോ​സ്റ്റ​ലു​ക​ളി​ലു​ള്ള പ​രി​ശീ​ല​ക​ർ​ക്ക്​ മാ​ത്ര​മേ സ​ർ​ക്കാ​ർ വേ​ത​നം ന​ൽ​കു​ന്നു​ള്ളൂ. കൂ​ടു​ത​ൽ പ​രി​ശീ​ല​ന കേ​ന്ദ്ര​ങ്ങ​ൾ തു​ട​ങ്ങു​ക​യും വിദഗ്ധ ട്രെ​യി​​ന​ർ​മാ​രെ മി​ക​ച്ച വേ​ത​നം ന​ൽ​കി നി​യ​മി​ക്കു​ക​യും ചെ​യ്താ​ൽ ന​ല്ല ക​ഴി​വു​റ്റ താ​ര​ങ്ങ​ളെ വ​ള​ർ​ത്തി​യെ​ടു​ക്കാ​ൻ സാ​ധി​ക്കും. പെ​ൺ​കു​ട്ടി​ക​ൾ ഈ ​കാ​യി​ക​ഇ​ന​ത്തി​ലേ​ക്ക്​ കൂ​ടു​ത​ലാ​യി ക​ട​ന്നു​വ​രു​ന്ന​തി​നാ​ൽ മി​ക​ച്ച വ​നി​ത പ​രി​ശീ​ല​ക​രെ​യും അ​ത്യാ​വ​ശ്യ​മാ​ണ്. നി​ല​വി​ൽ 15ൽ ​താ​ഴെ​യാ​ണ്​ വ​നി​ത പ​രി​ശീ​ല​ക​രു​ടെ അം​ഗ​സം​ഖ്യ.

ഖേലോ ഇന്ത്യ വനിത ജൂ​ഡോ ലീഗ്​ മത്സരങ്ങൾ പൂർത്തിയായി

മ​ല​പ്പു​റം: ‘അ​സ്മി​ത’ ഖേ​ലോ ഇ​ന്ത്യ സം​സ്ഥാ​ന വ​നി​ത ജൂ​​ഡോ ലീ​ഗ്​ മ​ത്സ​ര​ങ്ങ​ൾ പൂ​ർ​ത്തി​യാ​യി. വ​ട​ക്ക​ൻ ജി​ല്ല​ക​ളി​ൽ​നി​ന്നു​ള്ള 200ലേ​റെ താ​ര​ങ്ങ​ളാ​ണ്​ മ​ല​പ്പു​റ​ത്ത്​ ഞാ​യ​റാ​ഴ്ച ന​ട​ന്ന ചാ​മ്പ്യ​ൻ​ഷി​പ്പി​ൽ മാ​റ്റു​ര​ച്ച​ത്. സ​ബ്​​ജൂ​നി​യ​ർ, കാ​ഡ​റ്റ്​ വി​ഭാ​ഗ​ങ്ങ​ളി​ൽ 17 കാ​റ്റ​ഗ​റി​ക​ളി​ലാ​യി​രു​ന്നു മ​ത്സ​രം. നേ​ര​ത്തേ തെ​ക്ക​ൻ ജി​ല്ല​ക​ളി​ലെ 100ഓ​ളം കാ​യി​ക താ​ര​ങ്ങ​ൾ തി​രു​വ​ന​ന്ത​പു​ര​ത്ത്​ സം​ഘ​ടി​പ്പി​ച്ച ചാ​മ്പ്യ​ൻ​ഷി​പ്പി​ൽ മാ​റ്റു​ര​ച്ചി​രു​ന്നു. വ​നി​ത​ക​ളു​ടെ കാ​യി​കാ​ഭി​രു​ചി വ​ർ​ധി​പ്പി​ക്കു​ക ല​ക്ഷ്യ​മി​ട്ട് കേ​​ന്ദ്ര സ്​​പോ​ർ​ട്സ്​ യു​വ​ജ​ന​കാ​ര്യ മ​ന്ത്രാ​ല​യ​മാ​ണ്​ പ​രി​പാ​ടി സം​ഘ​ടി​പ്പി​ച്ച​ത്. പ്രി​യ​ദ​ർ​ശ​നി ഇ​ൻ​ഡോ​ർ സ്​​റ്റേ​ഡി​യ​ത്തി​ൽ ന​ട​ന്ന മ​ത്സ​രം നെ​ഹ്​​റു യു​വ കേ​ന്ദ്ര ജി​ല്ല യൂ​ത്ത്​ ഓ​ഫി​സ​ർ ഡി. ​ഉ​ണ്ണി​കൃ​ഷ്ണ​ൻ ഉ​ദ്​​ഘാ​ട​നം ചെ​യ്തു. കേ​ര​ള ജൂ​ഡോ അ​സോ​സി​യേ​ഷ​ൻ പ്ര​സി​ഡ​ന്‍റ്​ കെ.​വി. അ​ൻ​വ​ർ അ​ധ്യ​ക്ഷ​ത വ​ഹി​ച്ചു. എ. ​ശ്രീ​കു​മാ​ർ, കെ. ​ജോ​യ്​ വ​ർ​ഗീ​സ്, സി. ​സു​രേ​ഷ്, പി.​ആ​ർ. റെ​ൻ, അ​ഡ്വ. ടോം ​കെ. തോ​മ​സ്, എ. ​ജി​തി​ൻ എ​ന്നി​വ​ർ സം​സാ​രി​ച്ചു.