സി​നി​മാ​ക്ക​ഥ​യ​ല്ലി​ത്, ജീ​വി​തം

നെ​ന്മാ​റ: മ​രി​ച്ചെ​ന്ന് ക​രു​തി​യ ആ​ൾ നാ​ല​ര പ​തി​റ്റാ​ണ്ടി​ന് ശേ​ഷം തി​രി​ച്ചെ​ത്തി; സി​നി​മാ​ക്ക​ഥ​യെ​പ്പോ​ലും വെ​ല്ലു​ന്ന സം​ഭ​വ​വി​കാ​സ​ങ്ങ​ൾ​ക്കൊ​ടു​വി​ൽ. നാ​ട്ടു​കാ​രും വീ​ട്ടു​കാ​രും മ​രി​ച്ചെ​ന്ന് ക​രു​തി​യ കൂ​മ​ട യൂ​സ​ഫാ​ണ് അ​പ്ര​തീ​ക്ഷി​ത​മാ​യി ബു​ധ​നാ​ഴ്ച നാ​ട്ടി​ൽ തി​രി​ച്ചെ​ത്തി​യ​ത്.

39ാം വ​യ​സ്സി​ൽ ആ​യി​ലൂ​ർ ക​യ​റാ​ടി​യി​ലെ ആ​ല​മ്പ​ള്ള​ത്തെ വീ​ട്ടി​ൽ​നി​ന്ന് നാ​ടു​വി​ട്ടു​പോ​യ യൂ​സ​ഫി​നെ (86) ഏ​റെ​ക്കാ​ലം ബ​ന്ധു​ക്ക​ളും നാ​ട്ടു​കാ​രും അ​ന്വേ​ഷി​ച്ചെ​ങ്കി​ലും ഒ​രു വി​വ​ര​വും ല​ഭ്യ​മാ​യി​ല്ല. വീ​ട്ടു​കാ​രെ കാ​ണാ​നു​ള്ള ദീ​ർ​ഘ​കാ​ല​ത്തെ ആ​ഗ്ര​ഹ​ത്തെ തു​ട​ർ​ന്നാ​ണ് യൂ​സ​ഫ് നാ​ട്ടി​ലെ​ത്തി​യ​ത്. 47 വ​ർ​ഷ​ത്തെ അ​ക​ലം നാ​ട്ടി​ലു​ണ്ടാ​ക്കി​യ മാ​റ്റ​ത്തെ തു​ട​ർ​ന്ന് യൂ​സ​ഫി​ന് ആ​ദ്യം ജ​ന്മ​നാ​ട് തി​രി​ച്ച​റി​യാ​ൻ ബു​ദ്ധി​മു​ട്ടാ​യി.

തി​രി​ച്ചു പോ​കാ​നൊ​രു​ങ്ങി​യെ​ങ്കി​ലും, ആ​ശു​പ​ത്രി, പൊ​ലീ​സ് സ്റ്റേ​ഷ​ൻ പ​രി​സ​ര​ങ്ങ​ളി​ലെ പ​ഴ​യ കെ​ട്ടി​ട​ങ്ങ​ൾ തി​രി​ച്ച​റി​ഞ്ഞ​തോ​ടെ പ​ഴ​യ ഓ​ർ​മ​ക​ൾ തി​രി​ച്ചെ​ത്തി. നെ​ന്മാ​റ​യി​ൽ​നി​ന്ന് അ​ടി​പ്പെ​ര​ണ്ട-​പൂ​വ​ച്ചോ​ട് ബ​സ് ഇ​റ​ങ്ങി വീ​ട്ടി​ലേ​ക്ക് ന​ട​ന്നെ​ങ്കി​ലും അ​പ്പോ​ഴും നാ​ട്ടി​ലെ വ​ലി​യ മാ​റ്റം ആ​ശ​യ​ക്കു​ഴ​പ്പ​മു​ണ്ടാ​ക്കി. പ​രി​ചി​ത മു​ഖ​ങ്ങ​ളും പ​രി​ച​യ​ക്കാ​രെ​യും അ​ന്വേ​ഷി​ച്ച​പ്പോ​ൾ അ​വ​രെ​ല്ലാം മ​രി​ച്ചു പോ​യി​രു​ന്നു.

നാ​ട്ടു​കാ​ര​നാ​ണ് മ​ക​ളു​ടെ വീ​ട് കാ​ട്ടി​കൊ​ടു​ത്ത​ത്. ആ​ല​മ്പ​ള്ള​ത്തു​ള്ള മൂ​ത്ത​മ​ക​ൾ സൈ​ന​ബ​യു​ടെ വീ​ട്ടി​ലാ​ണ് എ​ത്തി​യ​ത്. താ​ടി വ​ള​ർ​ത്തി​യ യൂ​സ​ഫി​നെ പ​ല​ർ​ക്കും ആ​ദ്യം തി​രി​ച്ച​റി​യാ​നാ​യി​ല്ല. മൂ​ത്ത മ​ക​ളു​ടെ ഭ​ർ​ത്താ​വ് സി.​എം. യൂ​സ​ഫ് ശ​ബ്ദം കൊ​ണ്ട് ആ​ളെ തി​രി​ച്ച​റി​ഞ്ഞു.

വ​ട​ക്ക​ഞ്ചേ​രി സ്വ​ദേ​ശി​യു​ടെ തോ​ട്ട​ത്തി​ന്റെ മേ​ൽ​നോ​ട്ട​ക്കാ​ര​നാ​യി​രു​ന്നു യൂ​സ​ഫ്. തോ​ട്ടം ഉ​ട​മ വ​ഴ​ക്ക് പ​റ​ഞ്ഞ​തി​നു​ള്ള വി​ഷ​മ​ത്തി​ലാ​ണ് യൂ​സ​ഫ് നാ​ടുവി​ട്ട​ത്. കോ​യ​മ്പ​ത്തൂ​ർ, അ​ട്ട​പ്പാ​ടി, മു​ക്കം, അ​രീ​ക്കോ​ട് തു​ട​ങ്ങി​യ സ്ഥ​ല​ങ്ങ​ളി​ലാണ് പ​ല ജോ​ലി​ക​ളും ചെ​യ്താ​ണ് യൂ​സ​ഫ് ഇ​ത്ര​യും കാ​ലം ജീ​വി​ച്ച​ത്.

ഇ​തി​നി​ടെ വീ​ട്ടു​കാ​രു​മാ​യി ബ​ന്ധ​പ്പെ​ടാൻ യൂ​സ​ഫ് ശ്ര​മി​ച്ചി​ല്ല. അ​ട്ട​പ്പാ​ടി​യി​ൽ വെ​ച്ച് പു​ന​ർ​വി​വാ​ഹം ക​ഴി​ച്ച യൂ​സ​ഫ് ഭാ​ര്യ വീ​ട്ടു​കാ​ർ വ​ഴി​യാ​ണ് അ​രീ​ക്കോ​ട് തൊ​ഴി​ൽ ത​ര​പ്പെ​ടു​ത്തി​യ​ത്. ഇ​തി​നി​ടെ 27 വ​ർ​ഷം മു​മ്പ് യൂ​സ​ഫി​ന്റെ ആ​ദ്യ​ ഭാ​ര്യ പാ​ത്തു​മു​ത്ത് മ​രി​ച്ചു. വി​വ​രം അ​റി​യി​ക്കാ​നാ​യി ബ​ന്ധു​ക്ക​ൾ പ​ല​വി​ധം ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും വി​വ​രം ല​ഭി​ക്കാ​താ​യ​തോ​ടെ മ​രി​ച്ചെ​ന്ന് ഉ​റ​പ്പി​ച്ചു. യൂ​സ​ഫ് നാ​ട്ടി​ലെ​ത്തി​യ വി​വ​ര​മ​റി​ഞ്ഞ് മ​ക്ക​ളും പേ​ര​മ​ക്ക​ളും കാ​ണാ​നെ​ത്തി.

വാ​ർ​ധ​ക്യ​സ​ഹ​ജ​മാ​യ അ​സു​ഖ​ങ്ങ​ൾ മാ​റ്റി​നി​ർ​ത്തി​യാ​ൽ ആ​രോ​ഗ്യ​വാ​നാ​ണ്. മ​ല​പ്പു​റം അ​രീ​ക്കോ​ട് താ​മ​സ​മാ​ക്കി​യ യൂ​സ​ഫി​ന് പു​ന​ർ​വി​വാ​ഹ​ത്തി​ൽ ര​ണ്ട് പെ​ൺ​മ​ക്ക​ളാ​ണു​ള്ളത്. ഉ​റ്റ​വ​രെ​യും കു​ടും​ബ​ത്തെ​യും കാ​ണ​ണം. പി​താ​വും മാ​താ​വും ഭാ​ര്യ​യും അ​ന്ത്യ​വി​ശ്ര​മം കൊ​ള്ളു​ന്ന പ​ള്ളി​യി​ലെ​ത്തി പ്രാ​ർ​ഥി​ച്ച് തി​രി​ച്ച് അ​രീ​ക്കോ​ട് പോ​കാ​നു​ള്ള തീ​രു​മാ​ന​ത്തി​ലാ​ണ് യൂ​സ​ഫ്.