പാചകവാതക വിലവര്‍ധന; ഹോട്ടല്‍ വ്യാപാരികള്‍ ​പ്രതിസന്ധിയിൽ

കൊ​ണ്ടോ​ട്ടി: പാ​ച​ക​വാ​ത​ക വി​ല വ​ര്‍ധ​ന ഹോ​ട്ട​ല്‍ വ്യ​വ​സാ​യ​ത്തെ പ്ര​തി​സ​ന്ധി​യി​ലാ​ക്കു​ന്ന​താ​യി വ്യാ​പാ​രി​ക​ൾ. ഇ​ന്ധ​ന വി​ല​ക്കൊ​പ്പം അ​വ​ശ്യ​സാ​ധ​ന​ങ്ങ​ളു​ടെ വി​ല​യും വ​ര്‍ധി​ക്കു​ന്ന​തോ​ടെ നി​ല​നി​ല്‍ക്കാ​നാ​കാ​ത്ത അ​വ​സ്ഥ​യി​ലാ​ണ് ഹോ​ട്ട​ൽ മേ​ഖ​ല. ജി​ല്ല അ​ടി​സ്ഥാ​ന​ത്തി​ല്‍ ഒ​രോ വ​ർ​ഷ​വും ശ​രാ​ശ​രി ഇ​രു​നൂ​റി​ല്‍പ​രം ഭ​ക്ഷ്യ​വി​ത​ര​ണ കേ​ന്ദ്ര​ങ്ങ​ള്‍ അ​ട​ച്ചു​പൂ​ട്ടു​ന്നു​ണ്ടെ​ന്നാ​ണ്​ ഹോ​ട്ട​ല്‍ ആ​ൻ​ഡ് റ​സ്‌​റ്റാ​റ​ന്റ് അ​സോ​സി​യേ​ഷ​ന്റെ ക​ണ​ക്ക്.

ര​ണ്ടു​വ​ര്‍ഷം മു​മ്പ് 900 രൂ​പ വി​ല​യു​ണ്ടാ​യി​രു​ന്ന വാ​ണി​ജ്യ പാ​ച​ക​വാ​ത​ക സി​ലി​ണ്ട​റി​ന് ഇ​പ്പോ​ള്‍ വി​ല 1900 മു​ത​ല്‍ 1,940 രൂ​പ വ​രെ​യാ​ണ്. പ്ര​വ​ര്‍ത്ത​ന ചെ​ല​വി​ന​നു​സൃ​ത​മാ​യി ഭ​ക്ഷ്യ​വി​ഭ​വ​ങ്ങ​ളു​ടെ വി​ല വ​ർ​ധി​പ്പി​ക്കാ​ന്‍ ക​ഴി​യു​ന്നു​മി​ല്ല. ഒ​രു​നി​യ​ന്ത്ര​ണ​വു​മി​ല്ലാ​തെ ത​ട്ടു​ക​ട​ക​ള്‍ വ്യാ​പ​ക​മാ​കു​ന്ന​തും നി​യ​മാ​നു​സൃ​തം പ്ര​വ​ര്‍ത്തി​ക്കു​ന്ന ഹോ​ട്ട​ലു​ക​ള്‍ക്കും റ​സ്‌​റ്റാ​റ​ന്റു​ക​ള്‍ക്കും വെ​ല്ലു​വി​ളി​യാ​കു​ന്നു. കോ​വി​ഡി​നു​ശേ​ഷം തൊ​ഴി​ലാ​ളി​ക്ഷാ​മ​വും രൂ​ക്ഷ​മാ​യ​തോ​ടെ നി​ല​നി​ല്‍പി​ന് സ​ര്‍ക്കാ​ര്‍ത​ല ഇ​ട​പെ​ട​ല്‍ വേ​ണ​മെ​ന്ന ആ​വ​ശ്യ​മാ​ണ് ശ​ക്ത​മാ​കു​ന്ന​ത്.

ഹോ​ട്ട​ലു​ക​ളി​ല്‍ തൊ​ഴി​ലെ​ടു​ക്കു​ന്ന ഉ​ത്ത​രേ​ന്ത്യ​ക്കാ​ര്‍ തി​രി​ച്ചു​വ​രാ​ത്ത​തും ചെ​റു​കി​ട വ്യാ​പാ​രി​ക​ളെ പ്ര​യാ​സ​ത്തി​ലാ​ക്കു​ന്ന​താ​യി വ്യാ​പാ​രി​ക​ൾ പ​റ​ഞ്ഞു.