പെ​രി​ന്ത​ൽ​മ​ണ്ണ ജി​ല്ല ആ​ശു​പ​ത്രി അ​വ​ഗ​ണ​ന​യി​ൽ ഒ​രു വെൻറി​ലേ​റ്റ​ർ പോ​ലും ഇ​ല്ല

പെ​രി​ന്ത​ൽ​മ​ണ്ണ: നി​ര​വ​ധി സ്വ​കാ​ര്യ ആ​ശു​പ​ത്രി​ക​ളു​ള്ള ന​ഗ​ര​ത്തി​ലെ സ​ർ​ക്കാ​ർ ആ​തു​രാ​ല​യ​ത്തോ​ട് മാ​റി​മാ​റി വ​ന്ന സ​ർ​ക്കാ​റു​ക​ളും എം.​എ​ൽ.​എ​മാ​രും തു​ട​ർ​ന്ന അ​വ​ഗ​ണ​ന ഏ​റ്റ​വും തി​രി​ച്ച​ടി​യാ​വു​ന്ന​ത് പ്ര​തി​സ​ന്ധി​കാ​ല​ത്ത്. ജി​ല്ല ആ​ശു​പ​ത്രി​യാ​യി​ട്ടും ഒ​രു വെൻറി​ലേ​റ്റ​ർ പോ​ലു​മി​വി​ടെ​യി​ല്ല. 177 ബെ​ഡാ​ണ് സ​ർ​ക്കാ​ർ ക​ണ​ക്കി​ൽ. ആ​ശു​പ​ത്രി വാ​ർ​ഡു​ക​ളി​ൽ ബെ​ഡു​ക​ളു​ടെ എ​ണ്ണം 242. ചി​ല ഘ​ട്ട​ങ്ങ​ളി​ൽ 300 രോ​ഗി​ക​ളെ വ​രെ കി​ട​ത്തി​ച്ചി​കി​ത്സി​ക്കാ​റു​ണ്ട്. ആ​വ​ശ്യ​മു​ള്ള​തി​െൻറ പ​കു​തി​യാ​ണ് ഇ​വി​ട​ത്തെ ന​ഴ്സി​ങ് ഒാ​ഫി​സ​ർ​മാ​രു​ടെ സെ്​​റ്റാ​ഫ് ന​ഴ്സ്) എ​ണ്ണം. സ്ഥി​രം ത​സ്തി​ക 26, താ​ൽ​ക്കാ​ലി​ക​ക്കാ​ർ അ​ഞ്ച്, എ​ൻ.​എ​ച്ച്.​എം വ​ഴി 10 എ​ന്നി​ങ്ങ​നെ 41 പേ​ർ. എ​ട്ട് ഹെ​ഡ് ന​ഴ്സു​മാ​രു​ണ്ട്. സ്​​റ്റാ​ഫ് ന​ഴ്സു​മാ​രി​ൽ മു​തി​ർ​ന്ന​വ​ർ​ക്ക് ഹെ​ഡ് ന​ഴ്സി‍െൻറ ജോ​ലി ന​ൽ​കി​യാ​ണ് ആ​ശു​പ​ത്രി മു​ന്നോ​ട്ട് പോ​വു​ന്ന​ത്. 15 ശ​ത​മാ​നം പേ​ർ പ​ല​ത​ര​ത്തി​ലു​ള്ള അ​വ​ധി​യി​ലാ​യി​രി​ക്കും. നാ​ല് ബെ​ഡി​ന് ഒ​ന്ന്, പ്ര​സ​വ മു​റി​യി​ൽ ഒ​രു കോ​ട്ടി​ന് ര​ണ്ട്, ഐ.​സി​യു​വി​ൽ ഒ​രു ബെ​ഡി​ന് ര​ണ്ട് എ​ന്നി​ങ്ങ​നെ​യാ​ണ് ച​ട്ട​പ്ര​കാ​രം വേ​ണ്ട​ത്.

18 ന​ഴ്സി​ങ് അ​സി​സ്​​റ്റ​ൻ​റും പ​ത്ത് ശു​ചീ​ക​ര​ണ ജീ​വ​ന​ക്കാ​രു​മാ​ണ്. പ​ല​പ്പോ​ഴാ​യി ഈ ​ത​സ്തി​ക​ക​ക​ൾ കൂ​ട്ടാ​ൻ അ​പേ​ക്ഷ​യും ആ​വ​ശ്യ​വും ആ​രോ​ഗ്യ വ​കു​പ്പ് വ​ഴി സ​ർ​ക്കാ​റി​ലേ​ക്ക് എ​ത്തി​യാ​ലും ഇ​ട​ക്ക് വെ​ട്ടി​ക്ക​ള​യു​ക​യാ​യി​രു​ന്നു. പ്ര​മു​ഖ സ്വ​കാ​ര്യ ആ​ശു​പ​ത്രി​ക​ൾ​ക്ക് ന​ടു​വി​ൽ സാ​ധാ​ര​ണ​ക്കാ​ർ​ക്ക് ആ​ശ്ര​യി​ക്കാ​നു​ള്ള ആ​തു​രാ​ല​യ​ത്തി​ൽ ന​ഴ്സി​ങ് പാ​രാ​മെ​ഡി​ക്ക​ൽ ജീ​വ​ന​ക്കാ​രു​ടെ എ​ണ്ണം താ​ലൂ​ക്ക് ആ​ശു​പ​ത്രി​യാ​യി​രു​ന്ന കാ​ല​ത്തേ​താ​ണ്. 177 ബെ​ഡ​ല്ല, 242 ആ​ണ് നി​ല​വി​ലു​ള്ള​തെ​ങ്കി​ൽ അ​തി​ന് ആ​നു​പാ​തി​ക​മാ​യാ​ണ് ത​സ്തി​ക സൃ​ഷ്​​ടി​ക്കേ​ണ്ട​ത്. പ​ത്തു​വ​ർ​ഷ​മാ​യി 242 പേ​രെ കി​ട​ത്തി​ച്ചി​കി​ത്സി​ക്കു​ന്നു​ണ്ട്.

ജി​ല്ല ആ​ശു​പ​ത്രി​യാ​ക്കി ഏ​ഴു​വ​ർ​ഷം മു​മ്പാ​ണ്​ ഉ​യ​ർ​ത്തി​യ​ത്. ആ​ശു​പ​ത്രി നി​യ​ന്ത്ര​ണം ജി​ല്ല പ​ഞ്ചാ​യ​ത്തി​നും സം​സ്ഥാ​ന ഭ​ര​ണം ഇ​ട​തു​പ​ക്ഷ​ത്തി‍െൻറ പ​ക്ക​ലാ​യ​തും ആ​ശു​പ​ത്രി വി​ക​സ​നം മു​ര​ടി​ച്ചു. യു.​ഡി.​എ​ഫ് ഭ​ര​ണ​ത്തി​ലും ജി​ല്ല ആ​ശു​പ​ത്രി​യോ​ട് വ​ലി​യ അ​വ​ഗ​ണ​ന​യാ​യി​രു​ന്നു. ഫ​ണ്ട് അ​നു​വ​ദി​ക്കു​ന്ന​തി​ന​പ്പു​റം കി​ട​ക്ക​ക​ളു​ടെ എ​ണ്ണം കൂ​ട്ടു​ക​യും ത​സ്തി​ക സൃ​ഷ്​​ടി​ക്കു​ക​യും വേ​ണം. അ​തി​നു മാ​ത്രം സ​ർ​ക്കാ​ർ ചെ​വി​കൊ​ടു​ക്കി​ല്ല. കി​ട​ക്ക​ക​ളു​ടെ എ​ണ്ണം നോ​ക്കി​യാ​ണ് ആ​രോ​ഗ്യ സ്ഥാ​പ​ന​ങ്ങ​ൾ​ക്ക് ഫ​ണ്ട് അ​നു​വ​ദി​ക്കു​ക. സം​സ്ഥാ​ന​ത്തെ മ​റ്റു ജി​ല്ല ആ​ശു​പ​ത്രി​ക​ളി​ൽ വ​ന്ന സൗ​ക​ര്യ​ങ്ങ​ളും ഫ​ണ്ടും ത​സ്തി​ക​യും ന​ൽ​കാ​ത അ​വ​ഗ​ണി​ക്കു​കാ​യി​രു​ന്നു ഇ​തു​വ​രെ. ക​ഴി​ഞ്ഞ അ​ഞ്ചു​വ​ർ​ഷം ഇ​വി​ടെ നി​ന്ന് തെ​ര​ഞ്ഞെ​ടു​ക്ക​പ്പെ​ട്ട എം.​എ​ൽ.​എ​യു​ടെ ഇ​ട​പെ​ട​ലും ച​ട​ങ്ങ്​ മാ​ത്ര​മാ​യി​രു​ന്നു.

കോ​വി​ഡ് ഡ്യൂ​ട്ടി​ക്കാ​ർ​ക്ക്​ സൗ​ക​ര്യം ഏ​ർ​പ്പെ​ടു​ത്തു​ന്നി​ല്ല

പെ​രി​ന്ത​ൽ​മ​ണ്ണ: യു​ദ്ധ​കാ​ലാ​ടി​സ്ഥാ​ന​ത്തി​ൽ കോ​വി​ഡ് ചി​കി​ത്സ​ക്ക് സൗ​ക​ര്യ​ങ്ങ​ൾ ഒ​രു​ക്കു​മ്പോ​ൾ പെ​രി​ന്ത​ൽ​മ​ണ്ണ ജി​ല്ല ആ​ശു​പ​ത്രി​യി​ൽ കോ​വി​ഡ് ഡ്യൂ​ട്ടി​യു​ള്ള ന​ഴ്സു​മാ​ർ​ക്ക് വേ​ണ്ട സൗ​ക​ര്യം ഒ​രു​ക്കു​ന്നി​ല്ല.

ന്യാ​യ​മാ​യ ശ​മ്പ​ളം, താ​മ​സം, ഭ​ക്ഷ​ണം എ​ന്നി​വ​യാ​ണ് വേ​ണ്ട​ത്. മൂ​ന്നു ദി​വ​സം മു​മ്പ് ജി​ല്ല ആ​ശു​പ​ത്രി എ​ച്ച്.​എം.​സി​യി​ൽ വി​ഷ​യം ച​ർ​ച്ച ചെ​യ്ത​ത​ല്ലാ​തെ പ​രി​ഹാ​ര​ത്തി​ന് വ​ഴി​യു​ണ്ടാ​യി​ല്ല. എ​ൻ.​എ​ച്ച്.​എം പ​ദ്ധ​തി​യി​ൽ 32 സ്​​റ്റാ​ഫ് ന​ഴ്സു​മാ​രെ നി​യ​മി​ക്കാ​ൻ അ​നു​മ​തി​യു​ണ്ടാ​യി​ട്ടും 23 പേ​രേ വ​ന്നു​ള്ളൂ. അ​തി​ൽ ചി​ല​ർ മ​ട​ങ്ങി. മ​റ്റു സ്ഥ​ല​ങ്ങ​ളി​ൽ ചെ​യ്ത​ത് പോ​ലെ ഭ​ക്ഷ​ണം, താ​മ​സം, അ​ധി​ക വേ​ത​നം എ​ന്നി​വ ഉ​റ​പ്പാ​ക്കാ​നാ​യി ഏ​തെ​ങ്കി​ലും ത​ര​ത്തി​ലു​ള്ള ഇ​ട​പെ​ട​ൽ ജി​ല്ല പ​ഞ്ചാ​യ​ത്തോ കേ​ന്ദ്രം നി​ൽ​ക്കു​ന്ന ന​ഗ​ര​സ​ഭ​യോ ന​ട​ത്തി​യി​ല്ല. ആ​ശു​പ​ത്രി പേ ​വാ​ർ​ഡ് താ​ൽ​ക്കാ​ലി​ക​മാ​യി താ​ൽ​ക്കാ​ലി​ക ന​ഴ്സു​മാ​ർ​ക്ക് തു​റ​ന്നു​ന​ൽ​കി​യ​ത് എ​പ്പോ​ൾ വേ​ണ​മെ​ങ്കി​ലും ഒ​ഴി​പ്പി​ക്കും.