അ​തി​തീ​വ്ര​മ​ഴ സാ​ധ്യ​ത; ജി​ല്ല​യി​ല്‍ ജാ​ഗ്ര​ത

മ​ല​പ്പു​റം: കാലവർഷം എത്തിയതോടെ ജില്ലയിലും മഴ ശക്​തമായി. അടുത്ത രണ്ട്​ ദിവസം മഴ ശക്​തമായി തുടരുമെന്നാണ്​ കാലാവസ്ഥ വകുപ്പ്​ പ്രവചനം. അതിതീവ്ര മഴ മുന്നറിയിപ്പുള്ളതിനാല്‍ ജി​ല്ല​യി​ല്‍ ഞാ​യ​ർ, തി​ങ്ക​ൾ ദി​വ​സ​ങ്ങ​ളി​ൽ റെ​ഡ് അ​ല​ര്‍ട്ട് പ്ര​ഖ്യാ​പി​ച്ച സാ​ഹ​ച​ര്യ​ത്തി​ല്‍ ഖ​ന​ന​പ്ര​വ​ര്‍ത്ത​ന​ങ്ങ​ള്‍ നി​ര്‍ത്തി​വെ​ക്കാ​ന്‍ ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി ചെ​യ​ര്‍മാ​ന്‍ കൂ​ടി​യാ​യ ജി​ല്ല ക​ല​ക്ട​ര്‍ വി.​ആ​ര്‍. വി​നോ​ദ് നി​ര്‍ദേ​ശം ന​ല്‍കി. മ​ണ്ണെ​ടു​ക്കാ​ന്‍ അ​നു​മ​തി​യു​ള്ള സ്ഥ​ല​ങ്ങ​ളി​ലും ഈ ​ദി​വ​സ​ങ്ങ​ളി​ല്‍ മ​ണ്ണ് നീ​ക്കാ​ന്‍ പാ​ടി​ല്ല. 24 മ​ണി​ക്കൂ​ര്‍ മ​ഴ​യി​ല്ലാ​ത്ത സാ​ഹ​ച​ര്യം വ​ന്നാ​ല്‍ മാ​ത്ര​മേ ക്വാ​റി​ക​ളു​ടെ പ്ര​വ​ര്‍ത്ത​നം പു​ന​രാ​രം​ഭി​ക്കാ​ന്‍ പാ​ടു​ള്ളൂ. ഇ​ക്കാ​ര്യം ജി​ല്ല ജി​യോ​ള​ജി​സ്റ്റ് ഉ​റ​പ്പാ​ക്ക​ണം. പൊ​ലീ​സ്, ഫ​യ​ര്‍ ആ​ന്‍ഡ് റ​സ്‌​ക്യൂ, സാ​യു​ധ സേ​ന എ​ന്നി​വ​രു​ടെ​യെ​ല്ലാം സ​മ​യോ​ചി​ത സേ​വ​നം ഉ​റ​പ്പാ​ക്കി​യി​ട്ടു​ണ്ട്.

മ​ണ്ണി​ടി​ച്ചി​ലി​ന് സാ​ധ്യ​ത​യു​ള്ള സ്ഥ​ല​ങ്ങ​ള്‍, ക​നാ​ല്‍ പു​റ​മ്പോ​ക്കു​ക​ള്‍, തീ​ര​പ്ര​ദേ​ശ​ങ്ങ​ള്‍ എ​ന്നി​വി​ട​ങ്ങ​ളി​ല്‍ താ​മ​സി​ക്കു​ന്ന​വ​രെ സു​ര​ക്ഷി​ത സ്ഥ​ല​ങ്ങ​ളി​ലേ​ക്ക് മാ​റ്റാ​ന്‍ ത​ദ്ദേ​ശ​സ്വ​യം​ഭ​ര​ണ വ​കു​പ്പി​ന് നി​ര്‍ദേ​ശം ന​ല്‍കി. നി​ല​മ്പൂ​ര്‍-​നാ​ടു​കാ​ണി ചു​രം വ​ഴി അ​ത്യാ​വ​ശ്യ യാ​ത്ര​ക്കാ​രെ മാ​ത്ര​മേ അ​നു​വ​ദി​ക്കു​ക​യു​ള്ളൂ. അ​തി​തീ​വ്ര​മ​ഴ​യു​ടെ പ​ശ്ചാ​ത്ത​ല​ത്തി​ല്‍ പു​ഴ​യി​ലി​റ​ങ്ങി കു​ളി​ക്കു​ന്ന​തി​നും മ​ല​യോ​ര മേ​ഖ​ല​യി​ലൂ​ടെ​യു​ള്ള രാ​ത്രി​യാ​ത്ര​ക്കും വി​ല​ക്കു​ണ്ട്. ആ​ഢ്യ​ന്‍പാ​റ, കേ​ര​ളാം​കു​ണ്ട്, വ​നം വ​കു​പ്പി​ന് കീ​ഴി​ലെ കൊ​ടി​കു​ത്തി​മ​ല എ​ന്നി​വി​ട​ങ്ങ​ളി​ലു​ള്‍പ്പെ​ടെ മ​ല​യോ​ര​മേ​ഖ​ല​യി​ലെ എ​ല്ലാ ടൂ​റി​സ്റ്റ് കേ​ന്ദ്ര​ങ്ങ​ളി​ലും പ്ര​വേ​ശ​നം വി​ല​ക്കി​യി​ട്ടു​ണ്ട്. ക്രെ​യി​ന്‍, മ​ണ്ണു​മാ​ന്തി യ​ന്ത്ര​ങ്ങ​ള്‍ എ​ന്നി​വ​യു​ടെ ല​ഭ്യ​ത ഉ​റ​പ്പാ​ക്കാ​ന്‍ ആ​ർ.​ടി.​ഒ​ക്ക് നി​ര്‍ദേ​ശം ന​ല്‍കി.

റെ​ഡ് അ​ല​ര്‍ട്ട് പ്ര​ഖ്യാ​പി​ച്ച ദി​വ​സ​ങ്ങ​ളി​ല്‍ മ​ത്സ്യ​ത്തൊ​ഴി​ലാ​ളി​ക​ള്‍ക്ക് ആ​വ​ശ്യ​മാ​യ മു​ന്ന​റി​യി​പ്പു​ക​ള്‍ ന​ല്‍കാ​നും മു​ന്‍ക​രു​ത​ലു​ക​ള്‍ സ്വീ​ക​രി​ക്കാ​നും ഫി​ഷ​റീ​സ് വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ര്‍ക്ക് നി​ര്‍ദേ​ശം ന​ല്‍കി. ജൂ​ണ്‍ ഒ​ന്നു​മു​ത​ല്‍ എ​ൻ.​ഡി.​ആ​ർ.​എ​ഫ് സം​ഘം ജി​ല്ല​യി​ല്‍ ക്യാ​മ്പ് ചെ​യ്യും. എ​ല്ലാ താ​ലൂ​ക്കു​ക​ളി​ലും ആ​വ​ശ്യ​മാ​യ മു​ന്‍ക​രു​ത​ലു​ക​ള്‍ സ്വീ​ക​രി​ക്കു​ന്ന​തി​ന്റെ ഭാ​ഗ​മാ​യി ഐ.​ആ​ര്‍.​എ​സ് യോ​ഗം വി​ളി​ച്ചു​ചേ​ര്‍ക്കാ​ന്‍ അ​ത​ത് താ​ലൂ​ക്കു​ക​ളു​ടെ ചു​മ​ത​ല​യു​ള്ള ഡെ​പ്യൂ​ട്ടി ക​ല​ക്ട​ര്‍മാ​ര്‍ക്ക് നി​ര്‍ദേ​ശം ന​ല്‍കി. വ​ഴി​യോ​ര​ങ്ങ​ളി​ലും സ്‌​കൂ​ള്‍ പ​രി​സ​ര​ങ്ങ​ളി​ലു​മു​ള്ള അ​പ​ക​ട​ക​ര​മാ​യ മ​ര​ങ്ങ​ള്‍ മു​റി​ച്ചു മാ​റ്റാ​ന്‍ പൊ​തു​മ​രാ​മ​ത്ത്, വി​ദ്യാ​ഭ്യാ​സ വ​കു​പ്പു​ക​ളെ ചു​മ​ത​ല​പ്പെ​ടു​ത്തി. റെ​ഡ് അ​ല​ര്‍ട്ടി​ന്റെ പ​ശ്ചാ​ത്ത​ല​ത്തി​ല്‍ ജി​ല്ല ദു​ര​ന്ത നി​വാ​ര​ണ അ​തോ​റി​റ്റി ഓ​ണ്‍ലൈ​നാ​യി അ​ടി​യ​ന്ത​ര യോ​ഗം ചേ​ര്‍ന്നു. ജി​ല്ല ക​ല​ക്ട​ര്‍ വി.​ആ​ര്‍. വി​നോ​ദ്, സ​ബ് ക​ല​ക്ട​ര്‍മാ​ര്‍, താ​ലൂ​ക്കു​ത​ല ഉ​ദ്യോ​ഗ​സ്ഥ​ര്‍, വി​വി​ധ വ​കു​പ്പു​ക​ളി​ലെ ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.