ഭീമൻ നിശാശലഭത്തെ ചേളാരിയിൽ കണ്ടെത്തി

തി​രൂ​ര​ങ്ങാ​ടി: വ​ലി​യ നി​ശാ​ശ​ല​ഭ​ങ്ങ​ളി​ലെ ആ​ൺ​വ​ർ​ഗ ചി​ത്ര​ശ​ല​ഭ​മാ​യ അ​റ്റ്ല​സ് മോ​ത്തി​നെ ചേ​ളാ​രി​യി​ൽ ക​ണ്ടെ​ത്തി. ജ​ല അ​തോ​റി​റ്റി​യു​ടെ ജ​ല​ശു​ദ്ധീ​ക​ര​ണ ശാ​ല​ക്ക് പി​റ​കി​ൽ ഓ​പ​റേ​റ്റ​ർ ര​ജീ​ഷ് കു​ന്ന​ത്താ​ണ് ഭീ​മ​ൻ നി​ശാ​ശ​ല​ഭ​ത്തെ ചൊ​വ്വാ​ഴ്ച രാ​ത്രി ക​ണ്ട​ത്. ചി​റ​കു​ക​ൾ വി​ട​ർ​ത്തി​യാ​ൽ 24-26 സെ​ന്റീ​മീ​റ്റ​ർ വ​രെ വ​ലി​പ്പ​മു​ള്ള ഈ ​ശ​ല​ഭ​മാ​ണ് ഇ​തു​വ​രെ ക​ണ്ടെ​ത്തി​യ​തി​ൽ ഏ​റ്റ​വും വ​ലു​തെ​ന്ന് കാ​ലി​ക്ക​റ്റ് സ​ർ​വ​ക​ലാ​ശാ​ല ജ​ന്തു​ശാ​സ്ത്ര വി​ഭാ​ഗം അ​സി. പ്ര​ഫ​സ​ർ ഡോ. ​സു​ബൈ​ർ മേ​ട​മ്മ​ൽ പ​റ​ഞ്ഞു.

മു​ൻ ചി​റ​കി​ന്റെ അ​ഗ്ര​ഭാ​ഗ​ത്ത് പാ​മ്പി​ന്റെ ക​ണ്ണു​ക​ൾ പോ​ലെ​യു​ള്ള ക​റു​ത്ത പൊ​ട്ടു​ക​ളു​ണ്ട്. ശ​ത്രു​ക്ക​ളി​ൽ​നി​ന്ന് ര​ക്ഷ നേ​ടാ​ൻ ഇ​ത് ഉ​പ​ക​രി​ക്കു​ന്നു. ചി​റ​കി​ന്റെ മു​ൻ​വ​ശ​ത്താ​യി വെ​ളു​ത്ത നി​റ​ത്തി​ലു​ള്ള ത്രി​കോ​ണ അ​ട​യാ​ള​ങ്ങ​ൾ ഉ​ണ്ട്. ചി​റ​കു​ക​ൾ​ക്ക് പി​ന്നി​ൽ പാ​മ്പി​ന്റെ ത​ല​യു​ടെ രൂ​പ​മു​ള്ള​തി​നാ​ൽ സ്നേ​ക് ഹെ​ഡ് എ​ന്നും ഇ​തി​ന് വി​ളി​പ്പേ​രു​ണ്ട്. കേ​ര​ള​ത്തി​ൽ പൊ​തു​വേ സ​ർ​പ്പ​ശ​ല​ഭം എ​ന്നാ​ണ് അ​റി​യ​പ്പെ​ടു​ന്ന​ത്. അ​റ്റാ​ക്ക​സ് ടാ​പ്രോ​ബാ​നി​സ് എ​ന്നാ​ണ് ഇ​തി​ന്റെ ശാ​സ്ത്രീ​യ നാ​മം. ദ​ക്ഷി​ണേ​ന്ത്യ​യി​ലും ശ്രീ​ല​ങ്ക​യി​ലു​മാ​യി നി​ബി​ഡ​വ​ന​ങ്ങ​ളി​ൽ കാ​ണ​പ്പെ​ടു​ന്ന നി​ശാ ശ​ല​ഭം കേ​ര​ള​ത്തി​ലെ കാ​ടു​ക​ളി​ലും കാ​ണാ​റു​ണ്ട്. അ​പൂ​ർ​വ സു​ന്ദ​ര​മാ​യ ശ​ല​ഭ​ത്തെ കാ​ലി​ക്ക​റ്റ് സ​ർ​വ​ക​ലാ​ശാ​ല ജ​ന്തു​ശാ​സ്ത്ര വി​ഭാ​ഗ​ത്തി​ലേ​ക്ക് മാ​റ്റി.