അ​പ​ക​ട​ക്കെ​ണി​​യാ​യി കു​ന്നു​മ്മ​ലി​ലെ ന​ട​പ്പാ​ത​​

മ​ല​പ്പു​റം: അ​പ​ക​ട​ക്കെ​ണി​​യൊ​രു​ക്കി കു​ന്നു​മ്മ​ലി​ലെ ന​ട​പ്പാ​ത​ക​ൾ. മ​ഞ്ചേ​രി ​റോ​ഡി​ൽ, കോ​ട്ട​ക്കു​ന്നി​ലേ​ക്കു​ള്ള വ​ഴി​യി​ൽ ഓ​ട​ക്ക്​ കു​റു​കെ​യു​ള്ള ​ഇ​രു​മ്പു പൈ​പ്പ്​ അ​ട​ർ​ന്നു​പോ​യ​തി​നെ തു​ട​ർ​ന്ന്​ വ​ലി​യ ഗ​ർ​ത്തം രൂ​പ​പ്പെ​ട്ടു. തി​ങ്ക​ളാ​ഴ്ച രാ​വി​​ലെ കാ​ൽ​ന​ട​യാ​ത്ര​ക്കാ​ര​ൻ ഗ​ർ​ത്ത​ത്തി​ൽ വീ​ണു.

വീ​ഴ്ച​യി​ൽ ഇ​യാ​ളു​ടെ കാ​ലി​ന് പ​രി​​ക്കു​ണ്ട്. മൊ​ബൈ​ൽ ഫോ​ൺ ​താ​ഴെ​വീ​ണ് പൊ​ട്ടി. വെ​ൽ​ഡ്​ ചെ​യ്​​ത ഭാ​ഗം അ​ട​ർ​ന്നാ​ണ്​ ഓ​ട​ക്ക്​ മു​ക​ളി​ൽ ഇ​ട്ട പൈ​പ്പ് വീ​ണ​ത്. കോ​ട്ട​ക്കു​ന്നി​ലേ​ക്ക്​ എ​ത്തു​ന്ന വി​നോ​ദ​സ​ഞ്ചാ​രി​ക​ൾ അ​ട​ക്കം പൊ​തു​ജ​നം സ്ഥി​ര​മാ​യി സ​ഞ്ച​രി​ക്കു​ന്ന വ​ഴി​യാ​ണി​ത്.

പൈ​പ്പ്​ ത​ക​ർ​ന്നി​ട്ട്​ ദി​വ​സ​ങ്ങ​ൾ പി​ന്നി​ട്ടു. എ​ന്നി​ട്ടും അ​ധി​കാ​രി​ക​ൾ തി​രി​ഞ്ഞു​നോ​ക്കി​യി​ട്ടി​ല്ല. കു​ട്ടി​ക​ൾ ഈ ​കു​ഴി​യി​ൽ വീ​ണാ​ൽ വ​ലി​യ അ​പ​ക​ടം ഉ​ണ്ടാ​കും. ദി​നേ​നെ​യെ​ന്നോ​ണം ഒ​ട്ടേ​റെ പൊ​തു​പ​രി​പാ​ടി​ക​ൾ ന​ട​ക്കു​ന്ന കു​ന്നു​മ്മ​ലി​ലെ ന​ഗ​ര​സ​ഭ ടൗ​ൺ​ഹാ​ളി​ന്​ മു​ന്നി​ലും ന​ട​പ്പാ​ത ത​ക​ർ​ന്നു​കി​ട​ക്കു​ക​യാ​ണ്. ന​ട​പ്പാ​ത​യി​ലെ സ്ലാ​ബി​ന്‍റെ ക​മ്പി അ​പ​ക​ട​ക​ര​മാ​യ രീ​തി​യി​ൽ പു​റ​ത്തേ​ക്ക്​ ത​ള്ളി​നി​ൽ​ക്കു​ക​യാ​ണ്. ഇ​തു​കാ​ണാ​തെ ന​ട​ക്കു​ന്ന​വ​രു​ടെ കാ​ലു​ക​ൾ ക​മ്പി​യി​ൽ ത​ട്ടി​യാ​ൽ മു​റി​യു​മെ​ന്നു​റ​പ്പാ​ണ്.

ന​ഗ​ര​ത്തി​ലെ ന​ട​പ്പാ​ത​ക​ളു​ടെ ന​വീ​ക​ര​ണ​ത്തി​ന്​ കേ​ന്ദ്ര സ​ർ​ക്കാ​ർ സ​ഹാ​യ​ത്തോ​ടെ​യു​ള്ള അ​മൃ​ത്​ പ​ദ്ധ​തി​യ​ട​ക്കം ഉ​ണ്ടാ​യി​രി​ക്കെ​യാ​ണ്​ ജി​ല്ല ആ​സ്ഥാ​ന​ത്തെ പ്ര​ധാ​ന ഭാ​ഗ​ങ്ങ​ളി​ൽ ന​ട​പ്പാ​ത​ക​ൾ ത​ക​ർ​ന്നു​കി​ട​ക്കു​ന്ന​ത്.