കർ​ഷ​ക​ർ​ക്ക് ല​ഭി​ക്കു​ന്ന​ത് നാ​മ​മാ​ത്ര തു​ക; പറപറന്ന് കോഴി വില

മലപ്പുറം: സംസ്ഥാനത്ത് കോഴിയിറച്ചി വില 250 രൂപയും കടന്ന് കുതിക്കുന്നു. ഒരു മാസത്തിനിടെ കിലോക്ക് 70-80 രൂപയുടെ വർധനയാണ് ഉണ്ടായിരിക്കുന്നത്. 180 രൂപയായിരുന്ന വിലയാണ് ഒറ്റയടിക്ക് 250 രൂപ കടന്നത്. ബലി പെരുന്നാളിനോടനുബന്ധിച്ച് വില ഇനിയും വർധിക്കാനാണ് സാധ്യത. വിലയിലുണ്ടായ വർധന ഉപഭോക്താക്കളെയും ഹോട്ടൽ വ്യാപാരികളെയും കടുത്ത പ്രതിസന്ധിയിലാക്കിയിരിക്കുകയാണ്. പാചകവാതക വിലവർധനയും ക്ഷാമവും കാരണം പ്രതിസന്ധിയിലായ ഹോട്ടൽ വ്യവസായത്തിന് കോഴിവില വർധന ഇരുട്ടടിയായി. വിവാഹസീസണിലെ വിലവർധന കല്യാണപാർട്ടികൾ ചെലവേറിയതാക്കുന്നു. വിലക്കയറ്റം സാധാരണ കുടുംബങ്ങൾക്ക് വലിയ സാമ്പത്തികബാധ്യതയാണ് വരുത്തിവെക്കുന്നത്.

കടുത്ത ചൂട് കാരണം ഫാമുകളിലെ കോഴികളിൽ പകുതിയിലധികം ചത്തുപോയതാണ് പെട്ടെന്നുള്ള വിലവർധനക്ക് കാരണമായി പറയുന്നത്. കേരളത്തിലേക്ക് പ്രധാനമായും കോഴിയെത്തുന്നത് തമിഴ്‌നാട്ടിൽനിന്നാണ്. അവിടെ ഉൽപാദനം ഗണ്യമായി കുറഞ്ഞതും വിലവർധക്ക് കാരണമാണ്.

ഇതരസംസ്ഥാന ലോബികളാണ് സംസ്ഥാനത്തെ കോഴിവില നിശ്ചയിക്കുന്നത്. ഫാമുകളിൽ വളർത്താനായി വാങ്ങുന്ന കോഴിക്കുഞ്ഞുങ്ങളുടെ വിലയും കോഴിത്തീറ്റയുടെ വിലയും കുത്തനെ ഉയർന്നതും ഉൽപാദനച്ചെലവ് കൂട്ടി. തമിഴ്‌നാട്ടിലെ വൻകിട ഫാമുടമകൾ കൃത്രിമ ക്ഷാമം സൃഷ്ടിച്ച് വില ഉയർത്തുന്നതായി ചെറുകിട വ്യാപാരികൾ പറയുന്നു. ഇടനിലക്കാരുടെ ചൂഷണമാണ് വിലവർധനക്കുള്ള മറ്റൊരു കാരണം.

കോ​ഴി ഫാ​മു​ക​ൾ പ്ര​തി​സ​ന്ധി​യി​ൽ

പൊ​തു​വി​പ​ണി​യി​ൽ കോ​ഴി​യി​റ​ച്ചി വി​ല റെ​ക്കോ​ഡു​ക​ൾ ഭേ​ദി​ച്ച് മു​ന്നേ​റു​മ്പോ​ഴും ഇ​തി​ന്റെ നേ​ട്ടം താ​ഴേ​ത്ത​ട്ടി​ലു​ള്ള കോ​ഴി​ക്ക​ർ​ഷ​ക​രി​ലേ​ക്ക് എ​ത്തു​ന്നി​ല്ലെ​ന്നും കോ​ഴി​ത്തീ​റ്റ​യു​ടെ വ​ലി​യ​തോ​തി​ലു​ള്ള വി​ല​വ​ർ​ധ​ന കാ​ര​ണം കോ​ഴി​ഫാം മേ​ഖ​ല വ​ലി​യ പ്ര​തി​സ​ന്ധി​യി​ലാ​ണെ​ന്നും കേ​ര​ള പൗ​ൾ​ട്രി ഫാ​ർ​മേ​ഴ്സ് അ​സോ​സി​യേ​ഷ​ൻ സം​സ്ഥാ​ന ജ​ന​റ​ൽ സെ​ക്ര​ട്ട​റി ഖാ​ദ​റ​ലി വ​റ്റ​ലൂ​ർ പ​റ​ഞ്ഞു.

കോ​ഴി​ത്തീ​റ്റ കി​ലോ​ക്ക് മൂ​ന്നു രൂ​പ​യോ​ള​മാ​ണ് അ​ടു​ത്തി​ടെ വ​ർ​ധി​ച്ച​ത്. 50 കി​ലോ​യു​ടെ ചാ​ക്കി​ന് 2220 രൂ​പ ഉ​ണ്ടാ​യി​രു​ന്ന​ത് 2350 രൂ​പ​യാ​യി. ഒ​രു കി​ലോ കോ​ഴി വ​ള​ർ​ത്താ​ൻ 115 രൂ​പ വ​രെ ചെ​ല​വു​വ​രു​ന്നു​ണ്ട്. കോ​ഴി​യി​റ​ച്ചി​വി​ല ഇ​ത്ര​യും വ​ർ​ധി​ച്ചു​നി​ൽ​ക്കു​ന്ന സ​മ​യ​ത്തും കോ​ഴി​ക്ക​ർ​ഷ​ക​ന് കി​ലോ​ക്ക് 125 രൂ​പ മാ​ത്ര​മേ ല​ഭി​ക്കു​ന്നു​ള്ളൂ.

ഇ​തി​നി​ടെ ഈ​വ​ർ​ഷ​ത്തെ ക​ന​ത്ത ചൂ​ട് കാ​ര​ണം ഫാ​മു​ക​ളി​ലെ കോ​ഴി​ക​ളി​ൽ പ​കു​തി​യും ച​ത്ത​തും ക​ന​ത്ത ന​ഷ്ടം വ​രു​ത്തി​വെ​ച്ചു. ഈ ​മേ​ഖ​ല​യി​ലെ ഇ​ട​നി​ല​ക്കാ​രു​ടെ ചൂ​ഷ​ണം അ​വ​സാ​നി​പ്പി​ക്കു​ക, കോ​ഴി​ത്തീ​റ്റ സ​ബ്സി​ഡി​യോ​ടു​കൂ​ടി ല​ഭ്യ​മാ​ക്കു​ക, കോ​ഴി ഫാം ​ഷെ​ഡു​ക​ൾ​ക്ക് ഏ​ർ​പ്പെ​ടു​ത്തി​യ അ​ധി​ക നി​കു​തി പി​ൻ​വ​ലി​ക്കു​ക, കോ​ഴി​വ​ള​ർ​ത്ത​ൽ കാ​ർ​ഷി​ക മേ​ഖ​ല​യി​ൽ കൊ​ണ്ടു​വ​രു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ച് പൗ​ൾ​ട്രി ഫാ​ർ​മേ​ഴ്സ് അ​സോ​സി​യേ​ഷ​ൻ മു​ഖ്യ​മ​ന്ത്രി​ക്ക് നി​വേ​ദ​നം ന​ൽ​കു​മെ​ന്ന് ഖാ​ദ​റ​ലി വ​റ്റ​ലൂ​ർ പ​റ​ഞ്ഞു.