കാലിക്കറ്റ് കാമ്പസിൽ സ്ഫോടക വസ്തുക്കൾ; പൊ​ലീ​സ് ക​സ്റ്റ​ഡി​യി​ലെ​ടു​ത്തു

തേ​ഞ്ഞി​പ്പ​ലം: കാ​ലി​ക്ക​റ്റ് സ​ർ​വ​ക​ലാ​ശാ​ല ഇ​ൻ​ഡോ​ർ സ്റ്റേ​ഡി​യ​ത്തി​ന് പി​റ​ക് വ​ശ​ത്തു​നി​ന്ന് സ്ഫോ​ട​ക വ​സ്തു​ക്ക​ൾ ക​ണ്ടെ​ത്തി. സ​ർ​വ​ക​ലാ​ശാ​ല കാ​യി​ക വി​ഭാ​ഗം വി​ദ്യാ​ർ​ഥി​ക​ൾ അ​റി​യി​ച്ച​തി​നെ തു​ട​ർ​ന്ന് തേ​ഞ്ഞി​പ്പ​ലം പൊ​ലീ​സ് സ്ഥ​ല​ത്തെ​ത്തി ന​ട​ത്തി​യ പ​രി​ശോ​ധ​ന​യി​ലാ​ണ് മൂ​ന്ന് സ്ഫോ​ട​ക വ​സ്തു​ക്ക​ൾ ക​ണ്ടെ​ത്തി​യ​ത്. മ​ല​പ്പു​റ​ത്ത് നി​ന്നെ​ത്തി​യ ബോം​ബ് സ്ക്വാ​ഡും ഗോ​ഡ് സ്ക്വാ​ഡും ന​ട​ത്തി​യ വി​ശ​ദ പ​രി​ശോ​ധ​ന​യി​ൽ ഇ​വ ഉ​ഗ്ര ശേ​ഷി​യു​ള്ള ഗു​ണ്ട് ആ​ണെ​ന്ന് സ്ഥി​രീ​ക​രി​ച്ചു.

സ്ഫോ​ട​ക ശേ​ഖ​രം തേ​ഞ്ഞി​പ്പ​ലം പൊ​ലീ​സ് സ്റ്റേ​ഷ​നി​ലേ​ക്ക് മാ​റ്റി. തൃ​ശൂ​രി​ൽ​നി​ന്നു​ള്ള വി​ദ​ഗ്ധ സം​ഘ​മെ​ത്തി ഞാ​യ​റാ​ഴ്ച ഇ​വ നി​ർ​വീ​ര്യ​മാ​ക്കു​മെ​ന്ന് പൊ​ലീ​സ് വ്യ​ക്ത​മാ​ക്കി. ശ​നി​യാ​ഴ്ച വൈ​കീ​ട്ട് 6.30ഓ​ടെ​യാ​ണ് വി​ദ്യാ​ർ​ഥി​ക​ൾ സ്ഫോ​ട​ക വ​സ്തു​ക്ക​ൾ ക​ണ്ട വി​വ​രം പൊ​ലീ​സി​നെ അ​റി​യി​ച്ച​ത്. രാ​ത്രി 10.30ഓ​ടെ​യാ​ണ് ഇ​വ പോ​ലീ​സ് സ്റ്റേ​ഷ​നി​ലേ​ക്ക് മാ​റ്റി​യ​ത്. സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

സ​ർ​വ​ക​ലാ​ശാ​ല വി​ദ്യാ​ർ​ഥി യൂ​നി​യ​ൻ തെ​ര​ഞ്ഞെ​ടു​പ്പി​നെ തു​ട​ർ​ന്നു​ണ്ടാ​യ സം​ഘ​ർ​ഷ​ത്തി​ന്റെ പ​ശ്ചാ​ത്ത​ല​ത്തി​ലാ​ണ് സ്ഫോ​ട​ക ശേ​ഖ​രം ക​ണ്ടെ​ത്തി​യി​രി​ക്കു​ന്ന​ത്. സം​ഭ​വ​ത്തെ പൊ​ലീ​സ് ഗൗ​ര​വ​മാ​യാ​ണ് കാ​ണു​ന്ന​ത്. വി​ഷ​യ​ത്തി​ൽ തു​ട​ർ ന​ട​പ​ടി​ക​ൾ വ​രും ദി​വ​സ​ങ്ങ​ളി​ലു​ണ്ടാ​കു​മെ​ന്ന് അ​ധി​കൃ​ത​ർ അ​റി​യി​ച്ചു.